احلا صدفة بحياتي..♡》

part 15

Ayota Alawimy
Like And comment please.
.
.

نبدا بسم الله
.
.
.
انا: وين عبدالإله
امير بإستغراب: مش معاي
انا: امير مش وقت ابصاره 😶😯
امير: تي مش معاي 🙁
انا بصوت شبه عالي: تي العيل طلع وراك ومعش رد😲😢
امير: تي كنك انتي ليش مالحقتيش وين عقلك😡
انا بكيت: لحقك لحقك انت خربته انت تاخذ فيه معاك ينعلي ياوليدي😭
ع عايشة: اطلع دوره الله يربحك
.
.
.
.
.
.

امير بعصبية: تي العيل ماتبرميش وراه ولدك مش عارفه وينه احسابي معاك تي فرخك مش عارفه امه وين ماتعرفيش الأمومه انتي ماتحسيش بيه " وطلع بسرعة"
انا نبكي بصوت عالي وتمن الافكار الشينه تجي قدام عيوني من فعل الشيطان : ينعلي ياكبدي ينعلي ياروحي وينك ياماما وين رحت ينعلي ياعمتي كما خطفوه ليا ينعلي كما دعساته سيارة
ينعلي ينعلي😭😭😭" جانا مالك يجري ع الصوت"
مالك مخلوع: كنكن ايش في😨
انا: ينعلي يامالك وليدي راح عبدالإله😭😲 راح
.
.
مالك: تي اسكتي الفرخ ماراحش جو صحاب امير خذوه وتوا يجيبوه
انا من بين دموعي: احلف!😓😯🙄
مالك ضحك: والله😅
انا بسرعة: كيف ووين وامتى 🤔
مالك: لما طلع امير 🙂
.
.
.
الساعة3:30
امير: ماشي طلبيني للشغل ضروري  " طبس باس راسها"
ع عايشة : مربوحه" وطلع بسرعة ولحقه عبدالإله بس عبدالإله تلاقى مع مالك لأنه مالك كان برا في الشارع
مالك يناديله ويمشي شوره: تعال تعال وين ماشي هارب
عبدالإله: بابا 😇ادا😢" بابا عدا"
مالك طبس عليه وشاله: بابا توا يجي يلا نمشو نشرو كيكه وزبادي
عبدالإله ضحك: ابي نا ابي" نبي نا نبي"😇💙
مالك ضحك وزاد حضنه: ياروحي عليك هيا نمشو " عدو ع رجليهم للمحل وخشو يشرو واللي يحط عليها عبدالإله يده ياخذها💙📎
مالك مبتسم: ها عمو نمشو
عبدالإله هز راسه ومسك يد مالك: سيلني ابح ابيبي انت🤗
" شيلني ابح حبيبي انت"
مالك ضحك
عبدالإله شاف وراء  مالك وضحك ومشاله يجري: عااااذ مئاااااذ
معاذ نزل لمستواه وحضنه: ياقلب معاذ انت
.
.
سلم مالك عليه
معاذ: بناخذه معاي الشباب يبو يكسدو عليه
مالك: شن مكسده هوا😅
معاذ: كلامه سمح هو😍😘
عبدالإله ابتسم: ماما ديما تدول فيها" تقول"😇
معاذ ابتسم وباسه: المهم واخذه معاي راك تنسى تقول لهله
مالك: خوذ حاجاته معاك
معاذ: عدي للسيارة الشباب فيها حطهن فيها
.
.
....
.
.
مالك طلع وسلم ع الشباب
مالك: سالم ولاتصغر افتحلي السيارة من الخلف" فتحله وحطهن وحكا مع الشباب شوي وعدا
.
.
...
.
.
في الوقت الحاضر
انا: رن على امير قوله
مالك قبل مايكمل كلامه
امير: مااااالك يامااالك تعال هنا
مالك: حيي على امي اليوم جنازتي😱😨😫
.
.
...
.
.
امير: ليش ماقتلي اه ليش
مالك حك مؤخرة راسه بإحراج: نسيت
امير: اوووف وخلاص اوووف منك
انا شفتله بإستفزاز ورقيت للشقة
تميت نغير في ملابسي وهوا تما مصبي على باب الدار
كملت ولبست" شورت لنص لفخذ وكت لفوق الصرة وعليه طرف كم
.
.
...
.
.
امير بهدوء: رويده
انا بدون مانشوفله ونكوي في ملابسه: نعم!؟
امير: شوفيلي لما نحكي معاك
انا بعناد: امير كان بتبدا محاضرات فأعذرني مش حنلف وبعدين ماتشوفش فيا نكوي في ملابسك اللي بتلبسهم بعد بكرا في المؤتمر الصحفي تبع الاردن" بهزوه"
امير فنص وجاني ومسك يدي من عند المرفق ووجه قريب بكل من وجهي وعيونه تقدح منهن نار العيون اللي كانت توحي الهدوء تغيرا في ثواني معلنتا عن حدوث عاصفة وكانن عيونه زي التايهات يشوفلي ويشوف لمكان معين : انتي كنك اه كنك شن اللي خلااك مناكديه هك انتي راك بتصرفاتك بديت نكرهك راه تي كرهتيني في ام العيشة راه شن تبي مني خلاص راه مش متحملك وربي ماني متحمل ريحتك راه
انا" الدموع تجمعو في عيوني من كلامه اللي جرحني اللي خلى قلبي يتكسر قطع صغيره": للدرجة هذي تميت حمل عليك ياأمير للدرجة هذي مشكور ياحبيبي يابات وليدي مشكوووور
امير بعصبية: تي اطلعي من قدام خلقتي مش طايق وجك " غيرت دبشي ع السريع ونا نتصارع مع الدموع مانبيش نبين ضعفي له  ورنيت ع نادر
نادر: هاا دودي شن الجو
انا بصوت مغصوص: تمام؛ احم نادر تعال خوذني
نادر بإستغراب: كنك وين امير
انا عصبت لما سمعت اسمه: فكني منه تعال انت
نادر بسرعة: حاضر عشر دقايق ونكون عندك خلك واتيه
انا: رن ع قيس يجيب عبدالإله في حوش هلي
نادر: حاضر باه" وصكرنا وهو منشغل عليا"
انا حسيت حاجة غمة عليا ومش قادرة نتحمل الحوش نزلت عند عمتي ومش فاهمه شئ
.
.
.
.
مجهول١: شن درتي ثبتيها
هيا بخبث: ماعليك ثبتتها
مجهول١: شاطره
.
.
.
.
امير: تي قتلك شفتها
هو: اهدى شوي خلك ماشي في اللي دير فيه
امير بعصبية: تي كلمت هلها تبي تمشيلهم
هو: استهدي بالله واهدى شوي خلينا نفكرو شن حنديروا
امير: سالم افهمني
سالم بعقلانية وقلبه مجروح💔: انت مش قلت انه خوها هو اللي جا حكالك
امير: ماعنديش فيهم ثقة المشكلة انه تعاركت مع رويده بدون سبب خايف تكبر القصة
سالم: رن على رويده وقوللها.......
امير بتفكير: قولتك!♡
سالم: ديرها بس عشان ماتخربش القصة اكثر ماهي خاربه
امير بحيره: والله مش عارف شن ندير
سالم: باه اسمع خليها تمشي لهلها احسن ووقت ماتنحل القصة تفهمها وتردها
امير بتأييد: هضا رأي سمح حتى امان عليهم
رن فون سالم
شافله تنهد بحزن وصكر ع المتصل وهو يفكر في اليوم شن بيعديه💔
امير شافله وحط يده ع رجل سالم: رد عليها حرام تحرقش قلبها عليك
سالم جا بيحكي رن فونه مرة اخرى
امير: رد عليها
انصاع سالم لكلام امير ورد
هي: ينعلي قلبي محروق عليك سامحني ياسلومه سامحني😭✨
سالم تنهد وبغصة: ليش ياأمي ليش قتلتيني ليش  لااا ومعاها خوووي اخرى
ام سالم تبكي: سامحني ياوليدي ارجع مرايفتلك ياجنيني ماتقهرنيش فيك ارجع اوقف مع خوك اللي بروحه محتاجك في هااليوم
سالم نزلو دموعه: مش راجع مش راجع بعد ما عشمتينا نا وهي تفرقينا بسب الأخ المصون
مش راجع  يحرم عليا نرجعله مسيبها ليكم ليبيا ومعاد راجعلكم باش تريحو مني😔 تبيني نصبي لخوي ونشوفه وهوا واخذ حب حياتي مني والله ماهي صايره بس اعرفي حاجة يام راك انتي قتلتيني والله انتي قتلتيني😢😤 سلام" وصكر وناض ومسكه امير"
امير: وين ماشي وانت بالحاله هذي
سالم سحب يده من امير بإنكسار💔 : خطاني امير راه مش طايق دين ام روحي" وطلع بسرعة وركب سيارته وسطرب ووراه امير بس ماقدرش يلحقه لأنه سيارة سالم اختفت عن انظار امير بلمح البصر من سرعته العالية
.
.
قبل ثلاث شهور
.
.
في المستشفى
سالم : امي جيتكم اليوم عشان تخطبك💖
مروه ابتسمت: واخيرا
سالم تنهد بحب: وأخيراً بعد اربع سنين
ام سالم تناديله: ياسالم تعاال
سالم: يلا نا ماشي نجهز في روحي
مروه: رد بالك من روحك
سالم: حتى انتي
مروه: في أمان الله
سالم ابتسم: في امان الكريم" وصكرو ومشا سالم لأمه وهو فرحان
سالم: ها امي
ام سالم: شوفلي خوك وعي او لا
سالم كشر: هو يوعى من السكير اصلا خليه منخمد يفكنا من شره
ام سالم شافتله بنظرة متردده وذات مغزا: بنخطبله بالك يتأدب
سالم بهزوه: من ترضى بيه ولدك
ام سالم شافتله برجاء
سالم فهم نظرات امه هز راسه بسرعة ب لا
: ولا تفكري مجرد تفكير فيها وقتها اعتبريني مش ولدك اه
ام سالم بحزم: خوك ضاع ومافيش وحده حترضى غيرها
سالم بإنكسار: برافو ياأمي نهنيك عليها برافو
طلع وسيبها ومن وقتها ماردش للحوش
.
.
نجوا ليوم الفرح أي الان
مروه دخلت للصالة وهيا مبتسمه بربكه وخوف وتحس بقلبها واجعها بس تمت تقرا في اذكار والمعوذات لحتى هديت شوي؛ وطبعا فرحتها كانت باينه في عيونها لأنه وبعد اربع سنوات حتجتمع مع حبيب قلبها《 سالم》ولكن لم تكن تدري بما خبئه لها القدر من اسرار وخفايا فهل يكتمل حبهما ام للقدر كلام اخر؟ صعدت ع المسرح وكل شوي تجيها وحده تسلم وتبارك لها
لحتى جتها وحده
البنت: بنسألك سؤال !؟
مروه ابتسمت: تفضلي
البنت: كيف رضيت تزوجي من واحد سكار
لحظة صمت وملامح صدمه ارتسمت على ملامح مروه
مروه بحدة: سالم مايسكرش
البنت ضحكت: شكلك ملخبطه انتي العريس اخ سالم 《 بهزوة》 علي، باي" ونزلت وسيبت وراها كم هائل من الصدمات والحيره
الدموع تجمعو في عيونها وكان واقع الكلام قوي عليها تمت تشوفلهم والدنيا غبشت قدامها السمع وقف وضربات قلبها بدت تخف والنفس بدا ينقطع عليها تشوفلهم كيف فرحانين والتفتت على اختها اللي كانت تسأل فيها عن سبب دموعها اللي نزلت من هول الصدمه ومن البنت اللي كانت عندها
بس كان رد مروه الصمت وازدياد الدموع حتى سال مكياجها تتسأل لماذا على وليس سالم؛ رجع لها سمعها لأنه سمعت صرااخ كاد يخرق طبلة اذنها وفي ثواني تم اطفاء الموسيقى وازدياد الصراخ المعلن على كارثه حلت او سوف تحل
ناضت مروه وهيا تشوف ام سالم تبكي بكاءاً مرير وجنبها علي اللي كانت عيونه حمر تدل على بكاءه توقف قلب مروه وهيا تشوف حالتهم التي ينعصر منها القلب مجرد لمحه صغيره
شافها علي جاها
مروه ببكاء: سالم وين😢 سالم ويين قتلك" بصراخ"😭😲
علي شافلها ومسك يدها وعيونه اغرورقت معلنتاً على امتلاءها بدموع الحزن والحسره: سالم عطاك عمره 
مروه حست بدوخه وبدأت دقات قلبها بالإنخفاظ تشوف للناس اللي تجمعت حولها
وشريط ذكرياتها مع سالم يمر قدام عيونها
من اول لقاء لهم في المستشفى وقت ولادت رويده  وتما سالم لاحقها لحتى اصبحت معشوقته ضحكت سالم تسمع في اذنها كل ماله وحبه يكبر في جوف قلبها
طاحت ع الارض لأنه روحها بتطلع
مر عليها كلام سالم
قبل شهر من الأن
سالم بقلب مجروح: تذكري الشهادة عشان نكونوا مع بعضنا في الجنة
مروه: مايفرقنا حد
سالم : حتى لو تفرقنا في الدنيا بتجمعنا موت وحده وتكوني ليا في الجنة
الان:
مروه غمضت عيونه ونزلت دمعه متمرده من عينها وابتسمت رفعت اصبعها السبابه: اشهد ان لا إله إلا الله وأشهد أن محمد رسول الله
رحلت عن الدنيا وروحها ارتفعت للقاء بارئها؛ ولقاءهم الجنة بإذن الله تحققت امنيتهم بأن لا يكون احد منهم يتنفس اكسجينً والأخر لا فهم قد وعدوا انفسهم وبعضهم ان يكون اكسجينهم واحد وانقطاعه واحد فهم روح واحده في جسدين بإرادة ربٍ عظيم قادر على كل شئ وحده سبحانه
.
.
.
عند امير
يحكي مع طارق ع الفون
طارق بعصبية:اختي كنها ياأمير😡 شن قايلك نا مش قتلك عند اختى وستوب بشن تفهم انت تي شن دايرلها انت
امير بهدوء: مش دايرلها شي ن.. قطع كلامه الكارثة اللي قالها
الطرف الثاني: وصلت طلاقي توصلني اذا نا منكده عليك عيشتك اذا انت ماتحملني بالغصب انا معاش طايقه نشوفك " طارق طلع عشان يعطيها الحرية في الكلام"
امير بعصبية حاول قدر الامكان انه يخفيها ويتكلم بهدوء ظاهري: يارويده افهمي قبل ماتحكي الموضوع اكبر مني ومنك
رويده بعناد: اكبر مني ومنك والكلام الفارغ هضا زي ماانا معش نلزمك انت معش تلزمني وولدي عندي" قص عليها امير
امير بصراخ: ماشاء الله قولتيني كلام مش قايله
رويده بعصبية : شن بنفهم من كلامك غير هك اه  تكلم ليش سكتت والله عرفت روحك شن قايل من كلام
امير بهدوء: رويده استهدي بالله في موضوع مش حنقدر نقولها لك توا لأني مش عارف شن حتكون ردة فعلك رويده ارجعي للحوش
رويده: مش راجعه معاك شن اللي جابرك تقولي هك شن شايف مني شن صاير معاك ياأمير
امير بقلة حيلة وبعد الفون وشاف معاذ دخل انتظار طنش لأنه عنده مشكله من حكي معاذ بنظره لأنه ماكانش يعلم بسالم شن صار فيه: في كاميرا تجسس صغيره محطوطه في غرفتنا وانا مثلت ومش حنقدر نقولك اكثر من هك لأنه موضوع حساس سامحيني
رويده: من جدك انت!؟ مني حاطها لنا
امير: اللي هو المهم توا ماتفسريش الموضوع من راسك اليوم حنجي ناخذك ونقعدو في مزرعة معاذ او نقعدو في شاليه انا وانتي بس ونخلو عبدالإله عند امي او امك شن قلتي😉💕
" دخل طارق ووجهه اسود وقعد على اقرب انتريه وعيونه متجمعه فيهن الدموع
رويده انقلب وجهه حمر من الخجل: احم اها طارق جنبي تبيه
امير ضحك: نبيك انتي ااخ تي في الساعتين اللي فاتن كرهت روحي
رويده تغير الموضوع: شن صار في قصة سالم ومروه" طارق رفع نظرة لرويده ودموعه نزلن

امير تنهد بحزن على حال رفيق دربه اللي مجروح وهوا مافيش في يده حيله غير انه يواسيه: اليوم بيزفها خوه عارفه نا تخيلت روحي مكانه وانه بيزفك مالك وربي ورحمة من رفع سبع سموات انه نقتلك ونقتله ونتقل روحي ولا يزفك غيري بس الحمدالله ربي جمعنا بالحلال وعندنا طفل زي عبدالإله
رويده شافت لطارق وقلبها وقف من دموعه الكثيره لأنه دموع طارق ماتنزل الأ يكون فاقد او مكسور من اقرب الناس ليه
رويده صبن للطارق تكلمت بخوف لحالة خوها المفزعة:  طارق شن صايرلك بسم الله عليك رد عليا ياخوي كنك بسم الله" على دخلت رهف شافت طارق يبكي جاته تجري
رهف: حبيبي بسم الله عليك كنك شن صاير
امير ع الفون: رويده شن صاير ردي عليا" فتحت المايك
رويده: امير طارق يبكي بطريقه هستيري
مش عارفه كنك
طارق بصوت مهزوز: سالم عدا وسيبنا ياأمير نار فراقه حراقة خوي عدا عدا" حط راسه بين يديه وتما يبكي بصوت"
امير بلكلكه: سا س ا ل م من ياطارق" صراخ" ساالم من رد عليا
طارق تما يخبط بيده على مؤخرة راسه ويحكي بقهر وبصوت عالي: مات هو وياه مات بحسرته على فقدها مات لأنه محصلهش لأنه انكتبت لخوه انكتبت للي من لحمه ومن دمه سالم راااااح منا لحقاته لحقاته انقطع اكسجينهم ماتت روحهم راحو مع بعضهم متحملوش فراقهم ماتحملوش انهم ينكتبو لغير بعضهم رفيقي راح ياأمير سلومه راحت ضحكتنا معاه انكسرت روحنا سندنا وقت ضيقتنا راح رااح ومات بحسرته على فقدها وقلبه مكسور قلبه مجروح
" جو ام واب رويده ونادر يجاروا على صوت طارق اما رويده ورهف تمو يبكو من قوت كلام طارق المجروح
امير من على الفون: تكذب انت تي سالم كان عندي ماليش نص ساعة طالع من عندي " بصوت مخنوق" بالله عليك قول كذب بالله عليك قول نبصر معاك بالله عليك ياطارق" صرخ بدموع وطلع بسرعه لسيارته" تي قول كذب طااارق بالله عليك
رويده ببكاء: امير ادعيله واستهدي بالرحمن استهدي ياامير
صكر امير الفون وطلع متجه لحوش سالم وهوا مايشوفش من عيونه المغرورقه بالدموع
وبسرعه قياسيه وصل نزل وهوا يشوف التشاركيه تبني" تنصب" في الخيمه" ويشوف في صحابه يبكو واولاد عم سالم وهل مروه تحولت نظرته من دموع فاقد الى دموع حاقد مجروح على فراق رفيق دربه وهوا يشوف السبب الرئيسي في وفاته اخ سالم" علي" مشاله في سرعة البرق ويمسكه من عند ياقت السورية ابتاعته ويبدا فيه بوكاست
امير: انت السبب في وفاته انت ياحقير انت وربي اندمك ع اليوم اللي فكرت فيه تحط عينك على حاجة غيرك تحسابني راقد على وذاني تحسابني اني مش عارف انك انت اللي قايل لأمك بنخطبها تحسابني مش عارف نيتك الخبيثة  " ويعطيه بوكس ع وجه" وربي اندمك قد شعر راسك" جو ضنا تمه فكوهم وصبو علي وهوا يمسح في الدم اللي ينزل من فمه وخشمه وشبح ابتسامه حزينه على فمه ماكانش متوقع هكي هوا كان بيحرق سالم لكن انه يفقد خوه اللي توا غير فكر فيه انه كان سنده في الدنيا وكان ينصح فيه وكانت في نظره انه نصايحه متأثرش فيه لأنه كان ايمانه ضعيف وجدا ضعيف ونسي انه بيتحاسب على حياته لأنه كان مسلم بلا اسلام وامير صرخ فيهم
امير بصراخ: باعدو من عليا" ودفهم  ورفع اصبعه السبابه" وربي حتندم انا حنقعد كابوسك وربي نخليك تشوف الموت ولا طوله
" وبصراخ خله كل اللي قاعدين يلتفتوله" ورحمة سالم ورحمة سالم مانكون ولد امي ان ماطلعت اللي درته في سالم من عيونك وربي " وهجم عليه بس مسكوه قبل مايوصله"
وجو خذوه معاذ وقيس وعلاء سحبوه شورهم التفتله امير وهوا يشوف خوت مروه طابلينه طريحه سمحه
.
.
.
.

نوقف لهنا
اسفه على تأخري في النشر
واخترت اني ننشر غير يوم الجمعة لظروفي العائلية اللي ماتسمحش اني ننشر يومياً
تقبلو اعتذاري
Ayota Alawimy
قيموها مش واقع راه انه المشاهدة اكثر
من التصويت والتعليق