Ayota Alawimy
Like And comment please
.
.
نبدا بسم الله:
.
.
.
امير: ومن زيك واخذه أمير اللي معذب قلوب العذاري
انا ضربته ع كتفه بشويا: بارد راهو
.
.
امير: وأخرين يارويده تميتي حلالي😍😋
انا نزلت راسي بخجل
.
.
.
.
لبسني أمير الدبلة والمحبس وخلى امه تلبسني الشبكة لأنه سبرهم هك
وقعد معاي شوي وغيرلي جوي فيهن
امير" نادى لأمه وحكى معاها بروحهم وبعدها جاني وامه طلعت وشوي خشت شايله بوكس ابيض ومع جوانبه فيونكات حمر وكل فيونكه عليها ورد جوري وكان محتواه مقسم بالنص بين فلوس وشوكولا وداخله بوكس ابيض وكان داخله iPhone 11pro )
انا ابتسمت: شكراً مش عارفة كيف ندر جميع الحاجات اللي درتهن لي عشان تفرحني بجد بجد شكراً" كان كلامي على مسمع ومرائ الجميع"
امير: نقولك كيف ترديهن😀!
انا ابتسمت: كيف😊؟
امير باس راسي: حبيني💖 هضا طلبي
البنات تمن يصرخن ويعلقن
امير مسك يدي وباسها: نا بنطلع توا لأنه خوتك حيعلقوني ع التأخير
انا" ضحكت": رد بالك من روحك
امير: ان شاء الله
.
.
.
مش داعي نخش في التفاصيل لأنه نحنا كاليبيين نعرفو شن حيكون العشاء وشن الضيافة والمنظومه اللي متطفاش وضحك وقرمه
.
.
بعد العشاء والناس كلهم عدو قعدنا غير العائلتين بس مشيت غيرت لبست توتة شمواه شتوية نظام نص اسود ونص وردي غامق والسروال اسود وفيها رسم علامة استفهام وتحت منها قلب أحمر ومن اليدين ممسكة باللون الاسود من الجهتين وخففت الميك اب ابتاعي ودرت شعري كعكه فوق بعشوائية وفيه خصلات نازله ع خدودي ونزلت لقيتهم يحطو في عشاء بحكم انه اغلبية هل المناسبة يتعشو بعد ما يمشو المعازيم لقيت معاهم الشباب نادر وطارق يحطو وامير مقعمز جنب امه ومعاهم خالتي اما محمد فخذ رهف ومشو للحوش( طلبات السي طارق😒) ونا داخله قبل خبطة في نادر وهوا يحط في الماكلة
نادر: اوب اوب بشويا
انا: انت اللي بشويا قبل سلختني" وخذيتها منه وحطيتها ع الطاولة"
.
.
.
المهم تعشينا وقعدو يحكو
انا دزيت رسالة لأمير:" اطلع للمربوعه بنعطيك حاجة😄"
امير قرا الرسالة وشافلي وهزلي راسه وعقد حواجبه بمعنى شنو
هزيتله بمعنى اطلع
امير صبا: هئحم بنحكو انا ورويده في المربوعة
طارق: شن بتحكو
امير شافله😑: حاجات خاصة بالمتزوجين لا للعزاب" اللي في الصالة كلهم شافوله بصدمه وهوا اللي كان مش مركز على قوة تأثير الجملة اللي قالها لهم بعد ماشافوله كيف اللي صحي من غيبوبته وندم وضحك بإحراج لما شاف وجهي" رويده" تما ألوان
امير: احم مايعديش فكركم لبعيد قصدي بنحكو على حاجات تخص حياتنا انا وياها يعني ماتخصش حد فيكم
نادر: به تمام تقدر تحكو" صبا أمير وانا في جرته ولما وصلت لعند الباب تميت نجري لداري بيش نجيب هديته نسمع فيه يصرخ ضحكت وكملت جري
امير" بصراخ": بشويا راك اطيحي بشوياااا " ضرب كفوف يديه في بعضهم ولف عليهم" بالله هذي وحدة خاشه للعشرينات!؟
طارق: ماشفت شئ مازال يما دونك
ام امير" بنختصره عايشة"" ابتسمت": كنكم عليها انتو خلوها تعيش حياتها
امير: اووووو امي نقلبت ضدي من اول يوم كلام كبير هضا" انا من وراه
انا" كنت حاطة البوكس وراي": عشان تعرف اني ننحب وفرفوشه
امير رفع يده: وانا نشهد😍✋
انا طبست راسي بإحراج: احم نمشو؟
امير" مفهي😍": نمشو يلا" مشيت قدامه وانا مرتبكة لأنه يمشي وراي وصلنا للمربوعة وكانت حالتها حاله المخاد نصهم ع الارض وعلب العصير في كل مكان ومطفئه ابتاعة الدخان مليانه المهم خشيت وعدلت صالونين بس عشان نقعدو عليهن
امير: اهو قعدنا برواحنا شن بتعطيني!؟
انا حطيت البوكس ع الطاولة بهدوء ومسكت المخدة وتميت نضرب في امير : عليش تحرجني قدامهم كيف بنقابلهم توا
امير يضحك ويحاول يحمي وجه ويمسكني باش نوقف لعند حضني
امير:وقفي وقفي" مسكتله شعره من لاوراه بشويا
انا: بعد بعد ادير الكبوة وتضحك والحشمة تجي في وجي
امير" يضحك": شعري اطلقي اسف اسف والله اسف معش نعاودها
انا: مش طالقة انت اللي اطلق
امير: اطلقي نطلق
انا: انت اللي اطلق بعدها نطلق
امير: انتي اللي اطلقي" طلقته وبعدت ومنصحاش لشئ الا وأمير ماسك يدي الاثنين بيد وحده ولف يده الاخرى ع خصري وقربني له
انا بصوت دوب طالع: اطلقني
امير: شن درتي فيا انتي خليتيني مانفكرش بغيرك لماذا تعذبين قلبي كلما انظر إلى عينيك ألا ترأفين في حال سجينك
.
.
نطلعو من الرواية شوي
ﺍﻷﻓﻼﻡ ﺍﻻﺑﺎﺣﻴﺔ ... باب جهنم ؟؟؟
أنت تقرأ
احلا صدفة بحياتي..♡》
Randomبنت كان عندها شئ؟ وكانت محط سخرية للبعض تعرضت لموقف فأرجع حياتها الى ماكنت عليه في السابق ولشاب قام احد اصدقاءه بعمل سبب له فراقه بحبيبته بسبب...؟ مجموعة اصدقاء عاشوا ماضياً مؤلم و مفرح فهل هذا الماضي يعود..؟ فتاة فقدت اشخاصاً من عائلتها بسبب كذبه...
