احلا صدفة بحياتي..♡》

part 7

Ayota Alawimy

Like And comment please

عيدكم مبارك
عساكم من عواده💜
نبدا بسم الله
.
.
انا: يلا في أمان الله " سكرت منه"
الكوافيرة: مش عربي خطيبك والله شنو؟
انا: لا عربي بس تكلمت هك عشان ناخذ راحتي
الكوافيره: اها معناتها انتي فيك عرق أجنبي لأنه ملامحك غربية مش عربية
انا" ابتسمت": حني ام امي الله يرحمهن كانت ألمانيا وانا واخذه منها الملامح وانا كنت عايشة في ألمانيا
المزينة" كتبت المزينة لأنه اسرع في الكتابة": يعني انتي كنتِ عايشة عند خوال امك؟
انا: لالا عايشة عند خوي
المزينة: اها خوك توأمك!
انا: ماتعرفيش رجل اعمال اسمه نادر ال...)
المزبنة: اها نعرفه مشهور واجد هوا امس سمعت انه بينقل فرع الشركة الرئيسية لليببا وبيستقر هنا
انا: يكون خوي اللي عايشة عنده
المزينة وقفت شغلها وشافتلي بصدمه: بالله؟!
انا: والله " وفتحت هاتفي ووريتها صورنا انا وياه وطارق
المزينة: مش باين عليك
انا: من اما ناحيه¿
مزينه: قصدي مش متكبره يعني لو وحده اخره في مكانك كانت قايمه خشمها ويا أرض انهدي ما عليكِ قدي
انا ابتسمت: من تواضع لله رفعه؛ إن الله لا يحب المتكبرين كانت حياتنا اقل من عاديه هلي الله يرحمهم ربونا ع القناعه والأكتفاء بما رزقه الله لنا وكنا نحمد ربِ كل يوم لأنه رزقني خوت مليو فراغ هلي وصدق اللي قال 《بيت رجال ولا بيت مال》♡
مزينه: ربِ يخليكم لبعض
انا: امين يارب العالمين ❤ يلا كمليلي معاش في وقت
.
.

.
.
كملت وجا طارق خذني هو ورهف وكانت الخطبة كبيرة يعني مش عائلية فيها جيرانا وجيران خويلا وصحباتي اما عمامي وعماتي مفيش حد وقف علينا بكل واصلا انا مانعتبرش روحي انه عندي اعمام وعمات زيهم لأنه ماشفناش منهم غير الذل والإهانة وصلت بيهم يطلعون من حوشنا بحجة انه حوش خوهم وليهم الحق فيه وطردونا من حوش جدي بحجة انهم بيقسمو الورث وقسموه بينهم وماجاناش منهم حتى ربع جنيه بس
.
.
قبل مايتوفو هلي نادر مشا يحضر ماجستير في ألمانيا وكان مستقر عند جديده ام امي وكان هل ماما مسلمين وهما أصولهم عربية المهم نادر تما يحضر ويشتغل نظام مندوب أي وسيط بين البايع سيارات واللي بتنباع له السيارة وابدع في عمله لأنه كان يدرس إدارة أعمال وكان يجمع في الفلوس اللي يبعتهم له بابا ومن شغله والحمدالله اول ما بدا بشركة صغيرة وتمت بذكاءه كل يوم تزيد تنشهر الشركة وتما يفتح في وكالات او فروع لشركته لمجموعه من الدول بين عربية و اوروبية والشئ هضا كان مغيض لعمامي في يوم بابا وماما ماشيين لحوش جدي تعارك بابا معاهم وزعل منهم واجدد وخذا ماما وركبو في السيارة وطلعو وبابا في الطريق جاته ذبحه صدرية وماقدرش يتحكم في السيارة وتوفوا💔 بعد قرابة شهرين ونص طردونا من الحوش فقعدنا عند خويلا وبعتلنا نادر تذاكر ومشينا عنده لألمانيا وكنت نشوف في نظرة الكره والحقد الموجوده في عين نادر كل ما يجيه اتصال من احد المحامين اللي بعتهم لليبيا باش يسترجعو الحوش ولو كان مقفول سنوات من غير مايدخله حد وكسب نادر القضية وانحبسو عمامي الثلاثة لمدة خمس شهور تامات ومن بعدها ماعدش نعلمو عليهم شئ هما في طريق ونحنا في طريق《وهذي هي القصة》♡
.
.
.
استغفر الله العلي العظيم واتوب
سبحان الله وبحمده سبحان الله العظيم
لا اله الا الله محمد رسول صلَّ الله عليه وسلم
الله اكبر
.
.
.
دخلت مع رهف للصالة وجتني خالتي ترقي فيا وتسمي عليا لعند ماوصلت للكرسي جني صاحباتي سلمن علي وقعدن يقرمن ويعلقن علي بسبب ارتباكِ.
.
.
.
عند امير وصحابه
كانو يجهزو في امير لأنه بيدخل يلبسني الدبلة والشبكة
قيس: من كان يصدق انه امير يبي يخطب
امير شافله وهو يعدل في في قولف البدلة ويدخل السورية داخل البنطلون 《 كان لابس بدله من غير دجاكه ابتاعتها يعني سورية بيضه بارزه عضلات جسمه على قولف اسود يبرز شخصيته ورجولته الطاغية وببيونه حمره معطيه اللوك ابتاعه طابع رجااالي انيق كلاسيكي اللي عاكسه ع عيونه الزرق وحواجبه كيف الصقر ولحيته اللي محددها بشكل انيق ولائق ع شكله》 صدق صدق بنخطب وبنتزوج ونجيب عيال لما يشوفوك نحرظهم عليك ونخليهم يدفلو💦عليك
قيس: احمد ربك انها خطبتك مانبيش نخرب وجهك ويبقى شكلك ع خريج سجون" بعدها ندم انه قال هك" ااا امير ماتفهمش قصدي
شافله امير بنظره حاده خلاته ييبس مكانه وعيونه تمو حمر بعدها رد شاف للمرايا ويتنفس الصعداء باش يهدى
قيس: امير والله ما قص" صوت امير اللي كان غاضب وعالي كان كفيل انه يخلي قيس ينخرس"
امير: قييييس خلك منخرس مش ناقص راه
.
.
سكتو الشباب وتمو يجهزو فيه تحت الجو المشحون والسبب شنو¿
.
.
خلي نعرفو السبب
.
.
"وقتها كان عمر امير 8 سنوات باته كان يسكر ويشم في البانجو" نوع من انواع الحشيش وهو يخلي الأنسان يعيش حاله من الوهم" المهم تمن يتراكمن عليه ديون ومعنداش بيش يسدد فتمو يهددو فيه بعياله وبمرته بأنه لو ماجابش الفلوس خلال اسبوع بس حيصير شئ بفرد من عايلته ومر اسبوع وهو ماسددش دينه فخطفو ولده وبلغو في اب أمير انه مدمن مخدرات وانحبس بالتهمه هذي وطبعاً امير كان صغير ومستحيل ينسى شئ صارله فكان يسمع امه كل ليله تتحسبن على بوه وتدعي عليه لأنه هو السبب في بعدها عن قطعه منها فكان ينمو الكره شيئاً فشيئاً مع كل سنة يزيد حقده ع بوه لما صار عمره 17 جاه خبر وفاة بوه اللي مهزتلش ولا شعره لأنه في السنوات اللي فاتن كان يسمع في كلام مثل باتك قاتل خوك باتك واحد حقير ماتصاحبنش لأنك ماتصلحش بينا ولأنك ولد واحد مسجون ومن هكِ خلاه معش يطيقه بكل ومازال عنده أمل الى الأن انه يلاقي خوه وترجع العيلة اللي صارت متشتته بسبب بوه وتكون ملتمه من جديد ومايفرقهم غير الموت"
.
.
امير: نمشو¿♡
الشباب: يلا " وطلعو مع بعض والوجهة كانت حوشنا" منزلنا"
.
.
تسريع احداث:
وصل امير بعد ماقاموها بيه صحابه من تفحيط وضرب رصاص وأغاني وهما كل شوي يوقفو بيه في نص الطريق ويشغلو الاغاني على علوهن وينزلو ويبقو يرقصو من شدة فرحتهم بيه لحتى امير نسى همه معاهم وتذكر انه اليوم خطوبته وزادت فرحته والسيارات تمو يوقفو عليهم ويكشكو معاهم ويرقصو كانت لحظات كفيله بأنها تنسي جميع اللي كانو معاهم همهم واحزانهم حتى لو مادامتش واجد بس كانت كفيله انها تزرع فيهم الامل وتغير الشحنات السلبيه اللي بداخلهم وتجي بدالهن ايجابية ويكونو ينظرو للحياة بمنظور جديد عليهم ويكون طريق كله فرح وخالي من الحزن والهم والغم ؛ برغم انك قاعد في وسطهن الا انك لو تصبر ع شئ وانت عارف انه صعب وقدرة تتغلب عليه فكله اختبار لصبرك ومقدوريتك واعلم إنا الله مع الصابرين
.
.
.
وصل امير لحوشنا
واسقبلهم طارق ومحمد والجيران لأنه كانت خطوبة وفاتحه يعني حنبقى ع ذمته دخلو امير وصحابه وبدا طارق يضيف فيهم وبعدها قرو الفاتحة وتميت حرم امير ال(...) في شرع ربِ وقدام كل العالم
.
.
امير: طارق بندخللها
طارق: استنى شوي ع شنو مستعجل😁😉
امير: يا#&$# استغفر الله ياربِ تخلي الواحد يكفر ازف بنخش لها
.
.
نمشو لنفس المكان بس من جهة اخرى ونفس التوقيت اللي يحكي فيه امير
مجهول: انا ندخللهم وانتي ادخلي جوا
مجهوله: تمام" ودخلو"
المجهول" سمع كلام امير لما دخل": استهدي بالله ليش الاستعجال" كان بعض من الناس يشوفوله بصدمه ومستغربين بشن يقربلهم والنص التاني فرحان لأنه قابلوه شخصياً وفيه اللي فرحان لأنهم مستاحشينه اكيد عرفتوهم" طارق ومحمد"
طارق: نورت ياخوي ليبيا منوره بيك " وحضنوه محمد وطارق
محمد: تغيب وتاخذ اختي ومعدش نشوفوكم بكل يا القاطع
نادر ابتسم: باهي خنقتوني " وبعدو من عليه وتما يسلم على اللي في المربوعه وجا قعمز جنب امير وصحابه لأنه كان المكان الوحيد اللي فاضي
نادر: مبروك
اميرابتسم بربكه: الله يبارك فيك
معاذ: شباب اقرصوني نا بديت نتخيل شكلي قاعد نشوف في رمز الكفاح صاحب اكبر شركات قدامي
قرصه نادر : اسمع نا مانحبش حد ياعملني برا الشغل على اني شخص كبير وهك المهم اعتبرني صاحبك خوك اي شئ بس فوت المدح لأنه منحبش اني نكون هك
معاذ مسك مكان القرصة: اححح باهي ياراجل يدك ثقيله نحسابك حنون طلعت مجنون ازف
نادر: شن انديرلك انت قلت اقرصون ونا قرصتك بلاش دراما الصبايا يايي جسمي توا يعلم وتقعد حمره وتوا تخرب جمالي يااي " وقت ماتكلم نادر كانو جميع اللي في المربوعه يشوفوله وهو كان مش مركز معاهم لأنه متحمس ويحرك في يديه زي الصبايا ويتكلم وبعد ماكمل تقليد
ضحكو كلهم بصوت عالي اما هو شافلهم وضحك بإحراج
امير صبا: انا بندخل بروحي شكلي
علاء: لماذا الاستعجال لازلنا في اول النهار😉
امير: راه مسختوها بكل
نادر صبا: يلا توا ندخل معاك
امير بسرعة صبا وباس راس نادر: الله ينصر دينك يلا يلا" وتما يسحب في نادر بسرعة"
نادر" بضحكة": اهدى عليش مستعجل تي الصبايا مش متغطيات استنى انادي وحده منهن تي اصبر ياراجل
امير وقف: لأنه طلعوني من دبشي اللي جوا اخلص عدي قوللهم بندخل نلبسها والله واقسم بالله ندخل من غيرك واللي مش متغطيه تعتها ماتغطت المهم اني ندخل نشوف خطيبتي وزوجتي والباقي مايهمنيش
نادر شاف نظرته ونبرة صوت انها جديه فمحبش يزيد عليه لأنه من كلام طارق تأكد انه وقت مايقول كلمه يديرها ومايقكرش بالعواقب
نادر مشا وقال لندى يتغطن بيش يخش امير
نادر: خش وانا نستناك في الممر المدام منبهه علي اني مانخشش لانه حتلعن اصلي كان دخلت
.
.
عندنا في الصالة:
انا: بناات شن شكلي! شعري مساوا مكياجي؟
رهف ومرام: تهبلي
رهف: ارخي روحك شوي "جتني ام امير كانت مرا طيوبة بكل وتنحب"
ام امير" عايشة" ابتسمتلي بفرحة: بسم الله ما شاء الله سبحان اللي مصورك
ابتسمت ونضت سلمت عليها وتمينا نحكو وكان محور حديثنا امير شوي وجتنا ندى
ندى: رويده امير يبي يخش" وشافت للصبايا" ياريت تلبسن عبايات باش خطيب رويده بيخش
انا تما قلبي يدق وكنت حاسه بشعور خوف وفرح وحزن!؟ اها حزن لأنه أمي مش معاي حزن لأنها ماعنديش من ينصحني ويرشدني وكنت ولازلت نرشد وننصح روحي بروحي حزن لأنه بابا مش معاي اللي كان يخاف عليا من النسمة اللي تهب من حيوصي أمير عليا " عبوني امتلت دموع بين فرح وحزن نزلت دمعة متمرده من عيني وقت مادخل أمير مسحتها طول وبرمة ورديت زي ماكنت وانا نشوفه يمشي بكل هيبه ورجولته وملامحه الحدات اللي تدل على انه رجل شرقي اصيل
.
.
عند امير
كنت نراجي في نادر يجي بفارغ الصبر بيش ندخل لأني بجد مستاحشها ومستاحش ضحكتها وتوا تمت حلالي يعني محد له كلمه عليها غيري يعني ملكي بروحي؛ جا نادر ونا صبري نفذ
امير: كان بتت وخلاص
نادر: ماتحشم على وجك قاعد تغزل في أختي قدامي
امير ابتسم بنصر: وانا زوجها واحق فيها منك يافهيم ويلا توا سقدني نبي نخش
نادر: وجك مغسول بمرقه¿🤔¡" على قولت خوتي وخواتي السعوديين"😄😍
امير: نخش؟😩😥
نادر: خش خش " طلعت بسرعة باش ماحد يوخرني على الخشه وكنت نسمع في الولاد ينادولي ويضاحكو وكنت نا محور حديثهم دخلت للصالة وكنت مرتبك كيف نبي نخش ونشوف فوج صبايا شن شعورك وانت داخل للمملكه نساء كامله¿ وووووك شن يبي يعدي هاللحظه دخلت ونا نحاول اني نكون ثابت ومنركزش على اي حد غير رويده بس؛ لكن اللي شفته خلاني بدال ماكنت نمشي بهدوء تميت نهرول بيش نوصللها وكنت نحس في الطريق تبعد وهيا التفتت لعند وصلتلها وشفتها تشوف لوطى رفعتلها وجهها
امير بحنية: شوفيلي" مسحتلها بطرف اناملي دمعه متمرده نزلت من عينها" توا نا شن قايلك ع الدموع " تمت تهز في راسها بلا وباعدت عليا وتمت تبكي بهستيريا انا لما شفتها معش قادر نتحمل دموعها وحضنتها لعند هدت
امير: توا احسن" ومسحلتلها دموعها
انا اومئت بإيجاب
امير: تذكرتيهم!؟
انا بغصة: م ما ماما كانت تتمنى تشوفني بالأبيض انا توا ماعنديش من ينصحني وتقولي رويده ياماما ماديريش هك وديري هك" كنت ونا نحكي الصالة تمت هدوء من الموقف اللي شافوه فيه اللي شفق علي وفيه اللي تأثر وفيه اللي تما يبكي معاي
امير حطيت راسي ع راسها: ادعيلهم هما محتاجين دعاء هما توا عند اللي أحسن مني ومنك عارفة توا شن صاير فيهم من ورا دموعك " كملت علي"
انا: يتعذبو في قبرهم
امير ابتسم بحب: اعتبريني أمك وباتك امك اللي وقت ماتحتاجيها حضني وقلبي مفتوحين لك وباتك لأني سندك في الدنيا وواجبي نحميك من كل مايحزنك ويكدر خاطرك مع اني متأكد 1000000% مش حنكون زيهم ولو ربع منهم ؛ وتوا افرحي وفرهدي عن روحك" بإسلوب غرور ومزح بيش انطلعها من المود الحزن اللي هيا فيه" ومن زيك واخذه امير اللي معذب قلوب العذاري😎
انا:........# يتبع
.
.
توقعاتكم للحلقات القادمه
.
.
البارت هضا حطيت فيه جميع تركيزي وغيرت في الرواية واجد من ناحية انه تسريع الاحداث وكنت ماندخلش في التفاصيل واجد
.
.
ولنا لقاء في البارت القادم يإذن الله
.
.
Ayota Alawimy