فتاه غيرت حياتى

البارت الاول

في حى من احياء القاهره الراقيه
كان نايم وبيصحى على صوت بكاء طفلين صغيرين
رامز: في ايه مالكو مين زعلكو
شمس بتجرى عليه وبتمسك أيده : بابى بابى ... قمر مس لاضيه تتينى العلوسه اعب بيها (قمر مش راضيه تدينى العروسه العب بيها)
رامز بص لقمر وبهدوء : ليه ياحببتى مش احنا قولنا نلعب سوا
-شمس: يابابى كل ما اسرح شعرها تبوظه
-رامز : طب هانى وانا اسرحلها
- شمس بتنهيده : اوكى بابى
اخد رامز منها العروسه وسرحلها واداهلهم بلعبو بيها وبعد كده دخل اخد شاور ونزل لتحت كانت والدته قاعده بتقرا في مجله قرب منها وباس رأسها
-رامز : صباح الخير ياست الكل
-سعاد امه : صباح النور ... صاحى بدرى ليه مش النهارده اجازتك
-رامز : البنات صحونى
سعاد بغيظ : انا بجد مش عارفه اعمل ايه معاهم دول حاجه صداع ومحدش غيرك بيعرف يتعامل معاهم
-رامز ببتسامه هاديه : الاطفال يا امى بتحب المساسيه وطول البال
-سعاد : وانا ماليش طول البال بتاعتك دى
-رامز اضايق بس غير الموضوع : فين زين وزينه
((انا هنا مين جاب ف سيرتى))
اتلفت رامز وسعاد على الصوت
-رامز ببتسامه : انا لو كنت جبت ف سيره مليون جنيه مكنوش هيجو
-زينه بغضب مصطنع : يعنى انا مساويش مليون جنيه
((ولا حتى بريزه))
اتلفتو التلاته على صوت زين اخوهم
زينه :ايه ده يعنى انا مساويش بريزه ... كده يازين ايش حال انى توامك
زين : لا جو التوأم دا مش بياكل معايا
-رامز : بس انتو الاتنين دا انتو غلبتو شمس وقمر دا حتى هما اعقل شويه وبعدين مرحتوش علي شغلكو ليه
-زينه : انا اجازه النهارده فقولت اقضى اليوم معاك النهارده
-رامز: وانت يازين
-زين : انت كنت ماشي بس قولت ارخم علي زينه شويه
-زينه :انت رخم اصلا
-زين : مش هرد عليكى
-زينه :شاطر
-رامز بزهق : انا عارف انى مش هخلص منكو النهارده.... انا ماشى
-سعاد : رايح فين
-رامز : ابدا هاخد شمس وقمر افسحهم علشان وعدتهم افسحهم يوم اجازتى
-سعاد بقرف : مش شايف انك مدلعهم زياده عن اللازم ...كده غلط خليهم يتعلمو أنهم يتحملو مسؤوليه
-رامز بستنكار : مسؤوليه ايه اللى هيشولها وواحده عندها اربع سنين والتانيه خمسه ....وبعدين دول اطفال وقبل دا كله ايتام عن اذنكو
زينه نطت من مكانها وقلت بحماس طفولة : انا هاجر معاك
-رامز ببتسامه:طب يلا أجهزى لحد ما اجيب شمس وقمر
             *********************
في حي من أحياء القاهره الشعبيه
كانت سلمى ف المطبخ بتجهز الفطار وبعدين حطته على الطبليه وبدأت تنادى علي امها واخواتها
-سلمى : مامااااا.....سالييي....سميه.....سامح...اصحو يلا الفطار جهز يلا
بعد شويه الكل تتجمع على الطبليه وقعدو فطرو خلصت سلمى فطارها
-سلمى وهى بتقوم : يلا يدوب الحق امشى يلا ياسميه قوم هات شنطتك ياسامح
راح سامح يجيب الشنطه ف سلمى بصت لسالى وقالت: سالى خدى بالك شويه من سامح لانى ملاحظه انو بيلعب كتير
-سالى : حاضر
-سلمى : يلا هتعوزى حاجه منى يا ماما قبل ما امشى
-امها ساميه: عايزه سلامتك ياحببتى وربنا يوقفلك ولاد الحلال وبيعد عنك ولاد الحرام
-سلمى وطت باست ايد امها : ربنا يخليك لينا يا امى ويحرمناش منك ويديكى طول العمر والصحه
-ساميه : معلش يابنتى شلتى الهم بدرى و...
-قطعتها سلمى : ماما ... بلاش تقولى كده كفايه وجودك حوالينا ومعانا
(ملحوظه ام سلمى مشلوله)
مشيت سلمى ومعاها سامح وسميه أما سالى فنضفت البيت وبعدين راحت الكليه
اما سميه وسامح فراحو المدرسه وسلمى راحت شغلها وقفت على الموقف وشويه وجه الميكروباص ف شورتله وركبت لحد ما وصلت قدام مطعم ودخلت المطبخ
كانت واقفه صحبتها اسراء وبتلبس المريله
-سلمى ببتسامه : صباح الخير ياسوسو
-اسراء بابتسامته: صباحو قشطه على احلى سلمى ف الدنيا
-سلمى : صباح النور
-اسراء : عندى ليكى خبر انما ايه فله
-سلمى : خير
-اسراء :عادل غار ف داهيه اسبوعين
-سلمى باستغراب : راح فين
-اسراء : راح الفرع اللى ف شرم الشيخ ... ياه اخيرا هنرتاح من رخامته اسبوعين
-سلمى بسعاده : الحمدلله ... بس مين هيمسك مكانه
-اسراء بغرور : ودي تفوت عليا ... ابنه بس بيقولو ايه مز اخر حاجه
سلمى بفتور : واحنا مالنا اهم حاجه ميكونش زي أبوه ...يلا نروح اشوف ورايا ايه
-اسراء : خدينى معاكى
خرجوا الاتنين وبداو يشوفو شغلهم لحد ما جت الساعه ٤
-سلمى : يلا يدوب الحق امشى ...هتعوزى حاجه
- اسراء :سلامتك ...خلى بالك على نفسك
-سلمى ببتسامه هاديه : انشاء الله
دخلت سلمى غيرت هدومها وخرجت ف الصاله سمعت حد بينادى اتلفتت لقت .......
      
                 ******************
عند رامز
كانو ف النادى هو زينه وشمس وقمر زينه كانت ف الجيم اما رامز فكان عند بيسين الاطفال مع شمس وقمر هو كان قاعد على ترابيزه وهما كانو ف البسين
بيلعبو وهو مركز معاهم لحد ما تليفونه رن
-رامز : الو ....الحمد لله ازيك انت ...لا مش ف الفيلا مع البنات هنا ....يعنى ....اخلص ياكريم ...طيب خلاص
كان في حركه غريبه حوالين رامز الناس بتجرى وهو بحكم خبرته اتلفت لقي الناس متجمعين علي حد قلق وقال : كريم هكلمك تانى سلام
قام وقف وراح ناحيه البسين ملقاش حد من البنات راح عند الناس وزقهم لقى قمر نايمه وواحد بيضغط على بطنها وشمس ف جنب بتعيط انصدم بس بسرعه راح ناحيتها وزق الراجل وبدأ يضغط على بطنها وينادى اسمها بهمس لحد ما كحت ف اهل ف حضنه وهو مرعوب عليها وبص لشمس وشدها لحضنه وشويه واخدهم غيرلهم ورجعو البيت وطلعهم على فوق
-رامز بحنيه : حبيبت بابى عامله ايه دلوقتى
- قمر : كويسه
-شمس : احنا بنحبك اوى يابابى
رامز أحدهم ف حضنه ودموعه نزلت  : وانا كمان بحبكو اوى .... يلا حبيبى نامو دلوقتى علشان نلعب مع بعض كتير
نيمهم رامز وفضل معاهم لحد ما نامو وكان باصص لقمر جامد و...
فلااااااااااااش
كانت عربيه لونها احمر ماشيه بسرعه بسيطه وكان موجود فيها واحد ومراته وبيضحكو مع بعض لحد ما فجاه ظهرت وراهم عربيه كان السواق اللى فيها تقريبا نايم وكان سايق بسرعه عاليه حاول الراجل يفوت العربيه بس معرفش لأنه خبطه جامد والعربيه  بدأت تخرج عن الطريق لحد ما معرفش يتحكم فيها وفجاه دخلت ف شخره كبيره
الناس بتجرى ف المستشفى وواقف رامز وزينه وزينه وسعاد مستنين اى خبر لحد ما الدكتور طلع جرى عليه
-رامز بلهفه : خير يادكتور طمنى
- الدكتور باسف : البقاء لله الاستاذ شريف تعيش انت
صاعقه نزلت علي الكل
-رامز غمض عيونه وقال : وريهام
-الدكتور طبطب على كتفه وقال : هى طالبه تشوفك
دخل رامز مع الدكتور وكان بيحاول يمسك نفسه علشان ميبكيش كان متوصله باسلوك كتيره وصوت جهاز القلب شغال ووشها كان معظمه متغطى بشاش قرب رامز منها بخطوات مرتعشه ومسك أيدها حست بيه واتلفتت وانت بصوت خفيف
-ريهام : رامز ...ح..حبيبى ..خلى ...اااه ..با ..بالك من من ولادى....اه ولادى امانه ف ...ف رقبتك
رامز دموعه نازله : متقوليش كده انشاء الله هتخفى وانتى اللى هتاخدى بالك منهم
-ريهام : ولادى امانه عندك اااه..... خلى بالك ....منهم
وسكتت ريهام خالص وهنا رامز بكى بصوته كله
بااااااااااااااااااك
فاق رامز على صوت خبط الباب اتعدل ومسح دموعه
-رامز: ادخل
دخلت زينه ووشها احمر وجريت على رامز وهى بتعيط
-زينه : ايه اللى حصل
-رامز ضممها وبيملس على شعرها : هشششس أهدى هما كويسين مفيش حاجه
-زينه وهى بتمسح دموعها : يعنى مفيش حاجه
-رامز ببتسامه : ايوا ...بصى خليكى معاهم لحد ما اجى
-زينه : حاضر
نزل رامز كانت سعاد قاعده
-سعاد : رامز ....رايح فين
-رامز : ثوانى وجاى ....سلام
سبها ومشى وهو مضايق من أمه انها حتى مكلفتش خاطرها وسالت ركب عربيته وراح الصيدليه
              
              *-*-*-*-*-*-*-*-*-*-*-*-*-*
عند سلمى
كانت سلمى ف الصاله ولقت حد بينادى عليها اتلفتت شافت واحد قدمها ف منتهى الشياكه استغربت من دا
-سلمى : افندم ...حضرتك ندهتلى
-نادر : ايوا انتى راحه فين
-سلمى باستغراب : افندم
-نادر : اسف مقصدش بس انا شفتك الصبح باليونيفوم بتاع المطعم ودلوقتى خارجه
-سلمى : مين حضرتك
-نادر : اه انا اسف نسيت اعرفك بنفسى ... انا نادر عادل عزام ابن عادل عزام صاحب المطعم
-سلمى ببتسامه هاديه: اهلا بحضرتك .. بس ميعاد الشيفت بتاعى خلص
-نادر : اوكى اتفضلى
ابتسمت سلمى ومشيت وهو كمان ابتسم ودخل جوه خرجت سلمى من المطعم ووقفت شويه لحد ما عدا ميكروباص شاورتله ووقف ركبت ومشيت لحد ماوصلت عند اول الشارع نزلت ومشيت شويه لحد ماوصلت عند صيدليه فتحت ودخلت
-سلمى : سلامو عليكم ازيك ياهند
-هند بتعالى : وعليكم ... اتاخرتى ليه يابرنسيسه
-سلمى : اسفه ياهند المواصلات زحمه جدا
-هند بتريقه : طبعا ماهى الميكروباصات بتلم حقك ..المره الجايه ابقى اركبى تاكسى  ... سلام يا..... ههه سلمى
سالتها وطلعت وسلمى مضيفه من طريقتها وأسلوبها حطت شنطتها ولبست البالطو وشافت شغلها بعد شويه الباب انفتح ودخل رامز وعينه حمرا قامت وقفت
-رامز : هاتى اي حاجه للصداع وانجزى
-سلمى استغربت واتغاظت من طريقته الوقحه : افندم
-رامز: انتى طرشه بقولك هاتى زفت للصداع ايه
-سلمى اتعصبت وبصوت عالى : ماتحترم نفسك ياجدع انت ايه فله الزوق اللى انت فيها دي
رامز هنا غضبه ظهر اكتر م الاول وعيونه ضاقت واحمرت اكتر وقرب منها و...........

نكمل بكره
ملحوظه متحكموش على الروايه من اول حلقه الحلقات اللى جايه هتبين اكتر احداث الروايه اتمنى انها تعجبكم .
استنونى