فتاه غيرت حياتى

البارت الثالث

فى بيت كريم
وصل كريم البيت دخل كانت والدته قاعده بتقرا قران راح عندها وباسها من رأسها
-فريده امه :صدق الله العظيم ...حمدالله على السلامه ياكريم
-كريم : الله يسلمك يافيرو
-فريده : راجع بدرى النهارده فى حاجه
-كريم  : ابدا حبيت نتغدا مع بعض النهارده
-فريده : ياحبيبى حالا الغدا يكون جاهز .؟ اطلع انت خد دش يكون الاكل على السفرة
-كريم : حاضر
طلع كريم وفريده نادت على سلوي الشغاله عندها
-فريده : سلوى ياسلوى
جت سلوى : نعم يامدام
-فريده : حطى الاكل على السفرة لحد ما كريم ينزل
-سلمى :عينى يا مدام
دخلت سلوى وكريم بعد شويه نزل وقعدو على السفره
-فريده :مالك شكلك مضايق
-كريم بابتسامته : ديما فهمانى كده وحسه بيت ... عموما انا كويس المشكلة عند رامز مش عندى
-فريده : بردو البنات
-كريم : ايوا شايل همهم اوى وكمان معامله امه ليهم بقت مكشوفه للكل كانت ف الاول مداريه انما دلوقتى بقت واضحه اوى .... وكمان هنطلع ماموريه كمان شهرين ومش عارف يعمل ايه ومفيش بيبى سيتر بتفضل معاهم اكتر من اسبوع زى مايكون فى عفريت ف الاوضه وبينى وبينك انا شاكك ف امه ....بس الاهم دلوقتى أن احنا محتاجين بيبى سيتر باى طريقه
-فريده بحزن : ربنا معاه
ف الوقت دا كانت سلوى دخلت وكانت بتسمع اخر كلامهم
-سلوى بقلق : انا اسفه ياباشا مكنش حقى انى اسمع بس والله صوت حضرتك كان عالى .....بس أنا عندى الداده اللى حضرتك عايزها
-كريم بحماس : انتى تعرفى حد كويس
-سلوى : بص ياباشا ........

                 ********************
عند سلمى ورامز
-رامز : انتى عاميه صح
-سلمى بغيظ : على فكره انت مش محترم وقليل الادب
-رامز بغضب : نعم ياختى مين ده اللى مش محترم و قليل الادب
-سلمى بخوف : انت اللى شتمت الاول وبعدين هو علشان ركب عربيه تقوم تدوس على خلق ربنا ...فى قانون
-رامز بتريقه : قانون ...قانون ايه يا ام قانون لو واخده بالك انتى اللى ماشيه احلى ل التليفون دا لولا ستر ربنا كان زمانك بسوا الاسفلت
-سلمى بتحذير : انا مبحبش ف حد سامع واياك تانى مره تتكلم معايا بالاسلوب دا تانى
جت تمشى بس هو شدها من أيدها وضغط عليها جامد
-سلمى اتالمت : سيب ايدى انت مجنون
-رامز بغضب :انا فعلا مجنون ...وممكن كمان اوريكى المجنون ده هيعمل فيكى ايه
-سلمى دموعها نزلت بسبب ضغطه الجامد على أيدها : ابعد ايدك عنى
رامز شاف دموعها قلبه رق فشال أيده براحه كانت صوابعه معلمه ف أيدها استغرب نفسه ازاى اتعصب لدرجه دى بس هى بصتله ومسكت دراعها ومشيت راحت الصيدليه .........

               _____________________

وصل رامز الفيلا وهو متعصب جدا دخل اوضه الملاكمه ولبس القفازات وفضل يضرب جامد وكل شويه تظهر قدامه صوره سلمى وهى بتتالم ودا بيجننه اكتر لحد ماهدى شويه كان بينهج وهو بيأنب نفسه ازاى اصلا أدى لنفسه فرصه انو يفكر فى واحده

                    *-*-*-*-*-*-*-*-*-*-*-*-*-*
عند كريم
كريم : يعنى هى معاها كليه رياض اطفال ولا لا
-سلوى : ياباشا هى اخدت سنتين فيها ومكملتش كانت شاطره والسنتين دول طلعت الاولى على الكليه مع انها كانت جايبه مجموع طب بس دخلت الكليه دى علشان حبه المجال ده وعلشان ظروفهم على قدهم وابوها كمان مات ف اضطرت تسبها وتشتغل بس على ضامنتى ياباشا جدعه ومحترمه
-كريم :تمام خلاص هتيها هنا الاول اشوفها
-سلوى : بس سايق عليك النبى ياباشا إن كان ليها نصيب ف الشغلانه دى بلاش الناس اللى هتشتغل عندمهم يعاملوها وحش هى نسمه وتتحط ع الجرح يطيب
-كريم :خلاص يا سلوى كلميها وخليها تيجى معاكى
-سلوى بفرحه : حاضر ياباشا