صبر عاشقة

العاااااااشر

صبر عاشقة10

زينب.. اسمع يابنى أنا بنتى مش مرتاحه معاك وزى مادخلنا بالمعروف نخرج بالمعروف

ظل وليد ينظر لها محاولا إستيعاب ما قالت هل تحرمه من زوجته حب عمره بعد كل ماحدث لطالما سعى بكل جهده لكى يحصل على موافقتهم يوم كتب كتابهم يظل أسعد يوم بحياته دائما تحمل الكثير منها ومن والدتها ولم يقل حبه لها أبدا هل الأن تحرمه منها

أما عادل فظل ينظر لوالدته تارة ولوليد تارة يحاول قراءة أفكار احدهم وأخيرا تدخل

عادل بربكه.. إيه دا.. إيه ياماما اللى بتقوليه دا

،، كانت تنظر لوليد بتحدى وحده وهو أيضا يطالعها بغيظ،،

زينب ومازال نظرها على وليد.. اللى سمعتوه أنا مش هدفن بنتى الوحيده بالحيا من حقها تتمتع وتعيش حياتها اللى هى تستاهلها مش تدفن شبابها وعمرها مع واحد طول يومه شغل وفى الأخر بياخد مرتب مايجيبش فستان من فساتينها

،، أغلق وليد عينيه كأنه يخرج مما هو فيه لكى يستعد لخوض معركه تعود عليها لكنها كانت هذه المره أقسى،،

وليد بهدوء عكس مابداخله من ثورة.. حضرتك قررتى دا بناء على ايه لا انتى رشا ولا انتى ابوها او وليها انا حاطط ايدى فى ايد راجل مش حضرتك اللى هتقررى

زينب بابتسامه صفراء سخيفه.. ما تقلقش ابوها متفق معايا فى الرأى دا

عادل.. ايه اللى بتقولوه دا وازاى تقررو كدا من غير ما ترجعو لى انا او فارس

، هب وليد من مجلسه.. وقفت زينب تترقب رد فعله وقف أيضا عادل،،

عادل.. استنى ياوليد رايح فين إقعد هنتفاهم

وليد ومازال نظره على زينب مقلدا إبتسامتها السمجه.. مين قالك انى ماشي رشششششا رششششششا رششششششا

جاءت رشا مسرعة

رشا.. ايه دافى ايه بتنادى بصوت عالى كدا ليه

وليد.. إسمعى كويس اللى هقوله دا لأنك مش هتسمعيه منى تانى أنا صاحب أخواتك ومتربين سوا من أول يوم شوفتك وانتى لسه عيله حبيتك وإحترمت البيت دا ورجالته عمرى ماحاولت حتى أكلمك أو أوصلك إنى بحبك لحد ما إتقدمت لك وربنا وحده اللى يعلم عملت ايه واستحملت ايه علشان أقدر أوفر لك حياه تليق بيكى بس اللى حصل دلوقت ان مامتك شايفه ان اللى أنا عملته ولا له لازمه وإنك مش مرتاحه معايا وحابه انى أسيبك

شهقت رشا واضعة يدها على فمها ثم نظرت لوالدتها.. معقول الكلام دا ياماما

، ــــــــــــــــــــــــ،
فى سيارة فارس

ركبت جنه بجواره رآها تتمتم ببعض الكلمات

فارس.. بتدعى عليا فى سرك ولا إيه