وماذنبي أنـا💔

الحلقه السادسة(6)

#وما_ذنبـي_أنَٰـاا💔(6)
                            
للكاتبة:بَـرِيـقُ الْقَمَــر 🌑🖤
‏{The moon}

فـي الحلقـه السـابقـه ه:

ارتمت ع السرير تبكي وتتفكر في كل شيء صار معاها

امها:دخلت ع ميرال بسم الله خيرك يابنتي
ميرال :ااا

الحلقـه الســادسـه :
#قِـراءة_ممتِعـه🖇📚

امها :دخلت ع ميرال بسم الله خيرك يا بنتي
ميرال :لا لا مفيا شي خل عيوني يوجعوا فيا 💔
امها :كله من ورا التلفون يلي تربشي فيه ليل انهار ...نوضي اغسلي وجهگ
ميرال :صحكت لأمها حاضر ..وأمها ماتندري انه ورا هالضحكه هاذي ووجع كبيير وصدمه أكبر منها

طلعت امها من الدار ناضت توضت وصلت ركعتين لعل وعسى يهدا بالها

عند إزدهار
حكيم :خش وجايب معاه بضاعه للحوش ...امي غدوا قولي لإزدهار توتي روحها غدوا بيجي الراجل بيدير نظره شرعيه
امه:سلمك جياب ،بااه تو نقوللها 😊

‎حُقُـــوق النَشِــر محفُـوظه لــدَى 🧸🧸
{The moon}🖤🖤

نعيمه:ازدهااار يا ازدهارر
ازدهار :نعمم جايه
نعيمه :تعالي اني في الكوجينه
ازدهار:اني جيت
نعيمة :وتي روحك غدوا الراجل جاي بيشوفك وديري ف بالك انك حتمشي للجامعه ليك هلبا غايبه
ازدهار :تنهدت ...باه 😔

عند احمد

مقعمز ف السياره ويفكر
شن يلي درته شن الغباء يلي درته ف البنت باه هيا شن دخلها في عمايل خوها اااااه تفوا عليك قاطع تفكيره صوت هاتفه يرن

ترن ترررررن ترررن
احمد :ايووا
عبدو :وينك حميده انا في الشقه اني وعلي تعالا نسهروو مع بعض
احمد :فوتوني منيش جاي
عبدو :والله يابرو لما تجيب عيب عليك باش تجي تهدرزنا شن درت
احمد :تنهد ...باه
ولع سيارته ومشى

عند ميرال
تعشت وغسلت اماعين العشاء وقعمزت في دارها وتفكر شن هيصير بعدين فيها كيف لو اكتشفاها خوتها كيف رح تبررلهم انها هيا بريئة وكل شي صار بالغصب ومن يلي هيرضى يتزوج وحدة خاسره شرفها وافكار ترفع وتجيب

{{كُـسِـرَ قـلْبِـي وطُعِنـتٌ غَدراً مِن أعزِ من كـانَ إلـى قـلْبِــي قرِيبــا بل سأصرخ بِكل ما أُتِـيتُ مِن قُـوه #ومَـا_ذنبي_أنـا😔💔}}

عند احمد واصحابه
سكروا مع بعض وكل واحد معاد يندري ع روحه وين
احمد : تعرفووا اني عييييت  نبي نمووووت
عبدو :ساهلة تبي تموت ولاه انقز من فوق رشاده😂
علي :لالا نقز في حوض الوجه 😂
احمد :تعرفوو من يووم بوي ذبح امي قدام عيوني خلااص عيتت ابشع شيء ريتهـ
عبدو :خلاص ياروحي متبكيش تو نجيبلك زلبلحتك 😂
علي :لا لا اعطيه رضعه 😂
احمد :تي هنوني نبي نفضفض وانتو تسلطوا سلام اني طالع 😡
علي :لا تعالا متحرجش ياروح ماما 😂