وماذنبي أنـا💔

الحلقه السابعه (7)

                             #وما_ذنبـي_أنَٰـاا💔(7)
                             

للكاتبه:  بَــرِيـقُ الْقَمَـــر 🌑🖤
‏{The moon}

في الحلقـه السـابقـه :

محمد:انا عندي شروط
ازدهار:نعم شن هما
محمد:حوش امك وحوش امي خواتك وخواتي من الناسبه الى مناسبه ومنبيكش تخدمي وانا مش حنقصر معاك ان شاء الله كله يوصل لعندك ومفيش لبس الا عبايه وخمار والعرس نبيه خلال 4شهور كان سخر لنا ربي الحال 😊
ازدهاررر:😳

الحلقــة السـابعـه:
#قراءة_ممتعـة🖇📚

ازدهار:😳
محمد:ها شن قلتي
ازدهار:طلعت وتركاته بروحه
حكيم :انتي شن طلعك كيف تخلي الراجل بروحه
ازدهار:برا شوف شروطه وتو تعرف علاش خليته بروحه
حكيم :صبررك يارب😡...ودخل للمربوعه سامحنا حمود خليناك بروحك
محمد :لا مدورش هي انا السلام عليكم
حكيم ؛تي وين ماشي تعالا قولنا شروطك
محمد:قلتهم ل ازدهار وانتو تفاهموا مع بعض وردولي خبر
حكيم :اه ان شاء الله
محمد :هي متبي شيء
حكيم :هانية مدور شي
محمد:بسلامه
حكيم :سلام

عند ميرال
كانت واقفه تضم في المطبخ حست بدوخه في راسها ومغص رهيييب في بطنه فاتت هذا كله وقالت اكيد برده وبعد تمت ضم المطبخ قعزت هيا وامها في الصاله
خيريه:غدوا سلم بنتي امشي للجامعه ره ليك قداش عليها
ميرال:حاضر ياماما هما كلهم كلهم يومين بس
خيريه:اهزي عليهم اليومين هادو تو تشوفي ميف فايت عليك هلبا محاضرات
ميرال:ااءءءءاااه ومسكت فمها وطلعت تجري للحمام 🤢

خيريه واقفه حدا باب الحمام
شن صار معاك يا بنتي 😖
وتسمع في ميرال ترجع
ميرال:🤮🤮🤮🤮🤮🤢🤮
خيريه:ترجع😨...شكلها واخدة برده

بعد طلعت ميرال من الحمام
خيريه :البسي سلم بنتي تو يرفعك واحد من خوتك للمستشفى
ميرال :م مم مش ضروري
خيريه :شوفي روحك بديتي ترجعي
ميرال:حاسه بدوخه ..يما مش ضروري خلاص تو نعصر ليم ولا اي حاجه
خيريه:ربي يهديك 😓

عند عبدو وأحمد
عبدو :الوو عليوا تي وينك اني واحمد نراجوو فيك
علي :تم مسافة الطريق ياغالي
عبدو:نراجو فيك
وسهرو الشباب مع بعضهم لصبح

‎حُقُـــوق النَشِــر محفُـوظه لــدَى 🧸🧸
{The moon}🖤🖤

صباح ليوم التالي 🌝🌻

ميرال لبست وفطرت وطلعت الجامعه
ونفس الشيء مع ازدهار
اما علي كان يحس بشعور حلو كأنه حب إتجاه ميرال وتأنق ليوم على غير عادته كأنه حس أن ميرال جايه ليوم للجامعه 🙈🔥

ميرال:دخلت ل للجامعه وبحكم انها من يوم يلي اعتدى عليها احمد مكانش عندها نيه تحكي لحد حتى أعز صديقه ليها ويلي هيا ازدهار نفسها يلي باعتها ع خاطر ولد مش قايمها من أرضها
ازدهار :صباح لخير ميرال
ميرال:صباح النور
ازدهار :خير جوك أبصر كييف
ميرال :صارت معاي قصه مش ضروري نحكي فيها
ازدهار :احكي ميرالوو عارفتيني زي أختك ومندسش عليك في خاجة والكلمة يلي تقوليها من هنا تطلع من هنا ....