اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
براء علي:
#أهلا حبايبي .. رجعنالكم ابارت جديد .
#بنات ابونه
للكاتبه #baraaAli
#گلوله انتهت طابت تره #جروحه
#وبعد من هسه كلمن يلتهي #بروحه
#وباجر لا يجي بحجت اخذني #الشوگ
#گصيته الحبل ماريد #مرجوحه
البارت #4
تغريد ::أستمرينه بدراستنه ودخلنه مرحله علمي لان مخلين ابالنه
ندخل طب . هاي ابسط شي نقدمه الابونه . كانت حياتنه بسيطه جدا . وعايشين عالعربانه .. وصلنه مرحله سادس علمي . انطونه فتره
مراجعه واني وياسمين نراجع وندرس سوه وزوجه ابويه عليها البيت وتسويلنه الاكل وماتخلينه ابد نشتغل
اندگت الباب .
تغريد : منو بالباب
اني خويه افتحي الباب
تغريد : فتحت الباب تفضل شرايد .
العفو اختي بس ابوكم اتخربط وهسه ناقلينه بالمستشفى وحبيت اخبركم وهاي العربانه مالته
تغريد : يمه خويه شكو شبي ابويه وبيا مستشفى هسه راح البس عبايتي واجي
تغريد : ولج ياسمين ابويه ناقلينه مستشفى گومي بسرعه
رحنه للمستشفى والطريق كوله ندعي ونبجي وين انروح اخلاف ابونه .
وصلنه للمستشفى . ورحنه قسم الطوارئ . شفناه متمدد ومركبيله مغذي ونايم
تغريد : خلي اروح للدكتور اشوف شبي ابقن انتن اهنا
تغريد : دكتور دكتور فدوه ابويه شبي
الدكتور : عله كيفج بنيتي ومنو هوه ابوج
تغريد : اسفه دكتور بس والله خايفه عليه هذه الرجال الي متخربط
الدكتور : اهاا . بنتي لا الحمد لله جلطه وعدت سلامات . هذه الرجال مبين تعبان ويحتاج راحه . حاولو لاتخلونه هاي الفتره يطلع يشتغل وصيف حاره .
تغريد : يعني دكتور هسه ابويه مابي شي
الدكتور : لا الحمدلله . تگدرون تاخذونه بس تعبان يحتاج راحه
تغريد : سوده عليه يابويه صدك ماارتاحيت .
ياسمين : ها تغريد شگالج الدكتور
أنت تقرأ
بنات ابونه
General Fictionالي قدوتي الاولى والى نبراس قلبي الى من علمني الوفاء والحب والتضحيه .
