بنات ابونه

البارت ١٢

براء علي:
# بنات أبونه

# للكاتبه baraaAli

البارت#12  

گولوله العشگ ذمة .....
وگولوله العيون شما تشوف تريد
بس تنترس م̷ـــِْن تعمه •
وگولوله تره اليعشگ صدك ميموت
بس يموت لمن ينذبح حلمه🥀🥀💔💔

..............
وصلنه للبيت .. رحنه رگضنه حظنه أبونه وبوسناه . بويه افتخر

بينه . حققنه الحلم

محمد : خير يارب . ها بويه گللي شكووو

تغريد : بويه نجحنه بالمعدل العالي وطلعنه الطب . اني معدلي ..

٩٨

ياسمين : واني معدلي ٩٩ .💗💗

محمد : ياالله ياالله يالله . الله يبشرجن بالخير .. ساهره

بساع جيبيلي السجاده ....

ساهره : گلللللللوووووووووووش . الله يفرح گلوبجن صدك

احله خبر .. هاك هاي السجاده

محمد : وخرن عني خلي اصعد للسطح وانتن توضا وتعالا ورايه

توضينه وصعدنه للسطح .. ابويه فرش سجادته واحنه وراه

وسجدنه لله سجده الشكر ..

وبعدهه اجينه يمه وحظناه ..... بويه كافي تبجي دموعك غاليه

محمد : دموع الفرح .. اول مره هيج افرح بحياتي كلها .. ان الله

مع الصابرين ... صبرت لحد ما نلت . جوهراتي ..

أتمنى امنيه من رب العالمين ان ينطيني عمر أشوفجن ببيوت ازواجن

مرتاحات .

بويه عمرك طويل نروحلك فدوه .ان شاء الله تشوفنه وتزوج حته احفادك

محمد : الله يسمع منجن .. لازم اوفي نذري أجيب ذبيحه لوجه الله

واوزعها عله الفقراء .

..........
ساهره : وينجن بنات هذه موبايل يدگ

محمد : يله خلي ننزل .

تغريد : أجيت شفت مكالمات من مروه وسديم . ورسائل وينج جاوبي

بس بوقتها ماعندي رصيد ارجع اخابرها .عفتهم گلت خلي باجر

اشوف شيردون خلي اروح يم ابويه اليوم احله يوم .

گاعدين نسولف ونضحك . سمعنه دگ الباب بس بقوه

ساهره : ياستار هاي منو هيج يدگ وبهل وقت ؟؟

محمد : خلي اروح أشوف .. فتحت الباب وشفت مروه وياهه شاب