بنات ابونه

البارت ١٠

اووووف مگدر لازم اكمل البارت ١٠ ادري بيجن تردن تعرف شراح يصير ههههههههههه

# بنات تفاعل اريد . حته تشجعني اكثر واكثر ...

صارت الدنيه العصر .والكل تحظر .

تغريد : لبست تنوره وقميص جوزي وشال .

مروه : يله تغريد زهره وينجن تعالن

تغريد : طلعت لگيتهم كولهم متحظرين . اباوع عله مروه ورونق احلى

ملابس لابسات . وسديم لابس قميص بنفسجي وبنطرون اسود .

ورونق لابسه فستان قصير لحد ركبتها وربع ردان لونه بنفسجي بس

كولش حلو ومروه لابسه بنطرون كابوي . وقميص أسود .

رونق : يله تعالن .

تغريد : همه صعدو بسياره سديم . واني وزهره بغير سياره والغراض

ويانه وصلنه للمتنزه .. نزلنه الغراض اني وزهره.. وشفنه مكان

گعدنه بي . لهناك وأجوي أقاربهم .. هم  عشر نفرات وبنات

بحيث البس مالتهن وحده تگول للثانيه اني احله منج . وشفتهن باسن سديم وسلمن عليه

.عفو منو هاي البنيه

رونق : هاي تشتغل ابيت خالتي ام مروه .

تغريد : اني شوي بعدت نفسي عنهم .. وأسمعهن يحجن عله

الموديلات والعطور والمكياج . انوب سولهم لعبه والي يخسر

يختار شخص ياخذ مبلغ فلوس من عنده ويحرگهن گدامه.............................

سوده عليه يابويه تحصل الفلس عالمود أتجيبلنه بس اكل .

وناس متعرف وين تذب فلوسها . الحمدلله ع كل حال اهم

شي مستوره .

رونق :باوعت على تغريد اني اعلمج اله اذلج .. ياجماعه

لا ماراح نحرگ هاي الفلوس خلي نجمعهن وننطيهن التغريد

حته تنطيها الابوها ايساعدنه بالعربانه . شتگولون

هيثم : ها تغريد ابوج شيبيع بالعربانه

تغريد :حسيتهم يستهزءون ..اني أكولكم ابويه أيبيع انسانيه وضمير

أذا تحبون تشترون ادليكم عله مكانه

رونق : أحنه ماقاصدين شي لا تاخذيها بغير نظره بس گولنه نساعدكم

وراج جامعه هم عاد تشترين ملابس قابل اداومين بهاي هدومج

تغريد : الحمدلله مستوره . اني مامحتاجه ملابس أعتقد الملابس

أنتي تحتاجينهن بدل هذه الي لابسته لا يستر ولايدفي 

رونق : ههههههه تحلمين تشترين مثلهن . اوووي خلي نرجع العبتنه

هوه الفگر يبقى فگر