Hasad kay baad Malal ( Mukamal complete)

Inkishafat...

izzah jaenamaz par beti tasbehat parh rahi thi . shehar kay dosray taraf zarak bhi jaenamaz par baita dua mangnay mein mashghol tah..

' Ay Allah mujh se woh gunnah honay wala tah jo tere nazar mein sab se badtareen amal hai...Ay Allah mein tera shukar kaisay adaa karo kay tunay mujhay woh kalmat mukamal karnay hi nahi diya. agar mein woh keh deta toh mein kya karta. Ay Allah tera lakh lakh shukar hai tu nai mujhay itnay baray khasaray se bacha liya . Ay Allah tera yeh banda boht kamzor hai . mein gunnah kar leta hu tu mujh se gunnah karnay ka moqa chen le. tu mujhay koi glaat kaam karnay ka moqa he na day " zarak ki ankhay Ansowo se bhar gayi thi

" Ay Allah mamo ko sehat ataa karay . Ay Allah tu toh bara he raheem o kareem hai . tujhay tere raheem honay ka wasta Hum par reham farma . Ay Allah..... mein ap se kya mango ....... zarak kay hawaly se . boht manga mein nai ussay bachpan se . hamesha ussay mangti rahi .kya mila mujhay . woh milla bhi toh sirf 4 dino kay liye . Ay Allah mere mangnay ka tareqa galat tah ya insan ki talab galat thi . woh toh mera mehram tah . toh mangna kaisay galat ho sakta tah . Ay Allah mujhay ap se koi gila nahi koi shikayat nahi . hai toh us kamzor insan se jo kuch bhi keh deta hai bina sochay samjhay . kyun itna asan hogaya hai kisi ko talaq dena kyun yeh lafz itna aam ho chuka hai yeh toh boht badtareen lafz hai mere Allah . " izzah kay ronay mein shedat ayi thi

"Allah kaisay azala karonga es galti ka . kaisay mana pawonga izzah ko kya woh mera yaqeen karay gi . kya woh mujhay maaf kar paye gi . Ay Allah us kay dil ko mere liye naram karday .warna mein mar jawonga" zarak ka chehra ansowo se tar huwa tah

" Ay Allah mera dil sakht karday zarak kay hawaly se. mein nahi chahti zarak kay agay kamzor par kar phir se apnay ap ko uskay kisi bhi khel ka nishana bana du . mamo ko azeyat dene kay liye usnay yeh sab kiya tah . warna koi insan itnay jaldi itna caring kaisay ho sakta hai . shadi se pehle shadi se bhaagta tah . rukhsati karwanay kay haq mein nahi tah ek dam se shadi ki jaldi macha kar 4 dino mein mujhay farigh karana chaha . meri maa se nafrat karnay wala shaks kuch hi dino mein mujh se shaded muhabbat karnay laga aur phir 4 dino mein mujh se ukta gaya " izzah ka sara wajod hichkiyo kay zid mein agaya tah . izzah bad gumaniyo kay akhri had ko pohanchi thi

dua mangnay kay bad zarak phir se dairy utha kar zameen par bait kar usse parnay laga tah

Benish umar ki dost honay kay bawajod ussay bilkul bhi nahi janti . mujhay bhi bila waja us ki wajah se umar kay ghusay ka samna karna para . asal mein benish ajj mujhay Bahir le gayi thi mere liye khobsurat se shirts liye aur uskay sath jeans pants leye. mein nai us se mana bhi kiya kay mein kab pehanti hu jeans lekin usnay " umar ko boht pasand hai " keh kar mujhay khamosh kar liya. Woh phir mujhay parlour mein lekar gayi . usnay Beautition se keh kar mera pedicure karwaya . usnay lakh bar kaha balo ko cut lo umar ko lambay bal nahi pasand lekin mein nai ussay mana kiya. kyun kay mujhay lambay bal pasand hai .shukar hai mana kiya warna umar se khair nahi thi phir mujhay ghar leja kar woh pant aur lamba gutno tak ata  shirt pehna kar aunty kay ghar bhi zabardasti le gayi mein nai itna mana kiya . uskay samnay kis ki chalti hai . shirt kay sath mein nay kab paint pehna tah chahay jitna lamba shirt bhi ho tah toh pant hi na uskay sath .jab hum waha gaye toh umar garden mein he beta tah . us nai mujhay bilkul nazar andaz kiya .muh mor liya .. benish se batay karnay laga benish andar gayi woh waha he kara tah . mein nai usse salam kiya usnai koi jawab hi nahi diya . mujhay itna rona aya tah . ek toh us kay liye mein nai itni ajeeb o gareeb kapray pehne thay uppar se woh itna attitude dekha raha tah .mujhay bilkul nazar andaz kartay huway andar gaya tah . jab mein urooj se milnay uskay kamray mein gayi toh woh mujhay dekh kar itna hansnay lagi ."""