قصة : ( دوا النسيان ) الجزء الاول ، ل سهيلة سعيد المنجي

الحلقة ٩ و ١٠

قصة : { #دوا_النسيان } 🎻💔

الحلقة التاسعة { ٩ } 🌎

( ادم عاوز يحضنها هو كمان بس نفسه منعاه ، يبعدها عنه ويركب العربية ويمشي ، تقعد هنا ف الارض تحط دماغها ع رجليها وتعيط ، ادم شايفها ف مراية العربية ، يوقف العربية ويفضل باصصلها ، عاوز يرجع بس مش قادر ، يخبط ب ايده ع الدركسيون وينزل يرجع ، يقعد جنبها ف الارض ويحط ايده ع دماغها ، تتخض هنا وتبصله )
ادم : نسيت شرابي جوة 😒🧦
( تترمي ف حضنه وتعيط وهو يحضنها ويعيطوا الاتنين )
هنا ب انهيار : والنبي متعملش فيا كدة تاني متسبنيش ي ادم 😣❤
ادم : مش هسيبك .. قومى يلا ادخلي جوة
هنا وهي بتبصله : انت مش هتسافر مش كدة ؟
ادم : لأ
هنا : والله م هعمل حاجة تزعلك تاني وحيات ربنا 😥
ادم : اوك
هنا ب فرحة : بحبك والله ⁦❤⁩
ادم وهو بيحط ايده ع دماغها : قومي يلا عشان مامتك 👋
هنا : حاضر
( يقوموا ، تمشي هنا )
ادم : امشي ع مهلك بطلي تنطيط
هنا : حاضر 😅
( تدخل هنا بيتهم ، مامتها قاعدة )
الام : تعالي هنا ي بت انتي هو في ايه بالظبط ؟!
( تقعد وتحكيلها )
الام : انا هقولك كلمتين ي هنا .. لو لفيتي الدنيا دي كلها مش هتلاقي حد ف حنية وطيبة قلب ادم وخوفه عليكي .. ولو سامح كل مرة عشان بيحبك الانسان ليه طاقة بردوا وبتصرفاتك الغبية دي هتجيبي اخره معاكي .. متوصلهوش ل كدة وخلي بالك من تصرفاتك ⁦☝⁩
هنا : تعرفي .. لما يكون انسان نفسه يبعد عن العالم دة كله .. نفسه يبقا مع الي بيحبه وبس .. انا نفسي ابقا كدة معاه .. معاه هو وبس .. لما يغيب عني بحس ان الدنيا كلها غريبة .. الوانها غامقة اوي لدرجة بحس اني عامية .. وقت زعلنا مببقاش شايفة غيره وان ازاي هنرجع .. وهو قريب مني بحس انه بيبي صغير فرحان ب وجود امه جنبه ومطمن بيها .. وافضل ماسكة ايده خايفة ليتوه مني .. بزعل اوي لو سابها .. بس بيرجع يمسكها تاني .. دايماً بيرجعلي .. بس مش بلحق افرح برجعوا ليه .. اوقات بحس انه كتير عليا ابقا جنبه .. هو كتير عليا ي امي 😟
الام وهي بتطبطب عليها : لا ي حبيبتى مش كتير عليكى طبعاً .. بطلي عياط بقا ويلا اطلعي نامي الوقت اتأخر
هنا وي بتقوم : حاضر .. تصبحي ع خير 😔
الام : وانتي بخير
( تطلع هنا اوضتها ، تمسك الفون ، ادم ف اوضته قاعد ع طرف السرير ساند ايده ع رجله وباصص للارض ، يرن فونه ، يمسكه ، يلاقي اسم هنا ، يحط الفون ع السرير ويفضل باصص للصورة وميردش ، تقلق هنا ، ترن تاني ، يمسك الفون )
ادم : الو
هنا ب قلق : انت نمت ؟!
ادم : اه
هنا : طيب كمل نوم اكلمك بكرة 😕
ادم : اوك
هنا : باي
ادم : باي 😒
( تقفل هنا وتنزل دموعها تعرف انه لسة زعلان منها ، تمسح دموعها وتروح ع سريرها وتتصل ب سلمى يحكوا للصبح ، يطلع الصبح ، ف الكلية ، سلمى واقفة مع كريمة )
كريمة : بقولك ايه ي سلمى
سلمي : نعم ؟
كريمة وهي بتقلع دبلتها : خدي ادي دي ل حمزة
سلمي ب خضة : ايه دة انتي اتجننتي 😳
كريمة : سلمي اعملي الى بقولك عليه
سلمي : لا طبعاً مش هعمل كدة ✋
كريمة : والله لو معملتيش كدة هيكون اخر كلام بيني وبينك ⁦☝⁩
سلمي : طب فكري ي كريمة مش بالسهولة دي 🤷🏻‍♀️
كريمة : انا عارفة انا بعمل ايه .. اعملي الي بقولك عليه بس
سلمي ب يأس : حاضر امري لله 😬
( تاخد سلمى الدبلة ، حمزة واقف مع صحابه ، تقرب عليه )
سلمى ب تردد : حمزة
( يبصلها )
حمزة : نعم ؟
سلمى : تعالى عوزاك 😬
حمزة وهو مازال واقف : حاضر دقيقة وجايلك
سلمي ب اصرار : ي حمزة ضروري دلوقتي يلا
حمزة ب استغراب : في ايه ي بنتي ؟!
( يروح معاها يقفوا ع جنب )
حمزة : في ايه ؟!
سلمي : انا عرفاك هتزعل مني بس انا ماليش دعوة
حمزة ب قلق : م تقولي في ايه ي سلمى قلقتيني 😕
سلمي وهي بتديله الدبلة : كريمة قالتلي اديلك دي
حمزة وهو بياخدها : ايه دة هي بتهزر ولا ايه !!
سلمي : معرفش .. بس شكل كدة الموضوع جد
حمزة : تمام 😐
( يمشي حمزة يقرب ع كريمة )
حمزة : ايه تصرفات العيال دي انتي اتهبلتي !!
كريمة وهي بتضير وشها : حمزة خلصنا لو سمحت 😒
حمزة : لا ي كريمة مخلصناش !
كريمة : مش دة الي امك عوزاه ريحها بقا وريحني
حمزة : يعني انتي شايفة ان دة هيريحك ي كريمة ؟!
( متردش )
حمزة ب عصبية : م تردي 🤷🏻‍♂️
كريمة : معرفش بقا .. بس احنا مخطوبين وكأننا مش مخطوبين وانا تعبت م المشاكل مع مامتك 😕
حمزة ب انفعال : يعني دة هيريحك وطبعاً هيريح امي واولع انا بقا ف النص محدش حاسس بيااا 😠
كريمة : لو بتحبني بجد ي حمزة حافظ ع الي باقي بينا
حمزة ب ابتسامة سخرية : هه هو بقا في حاجة باقية احافظ عليها .. م خلاص 🙂💔
كريمة ودموعها بتنزل : والله انا المشاكل بتخنقني .. انا اسفة .. استحملني 😥
حمزة : انا وعدتك قبل كدة اني عمرى م هسيبك مهما حصل ومشاكلك مع امي متاخدنيش ب زنبها انا مينفعش اتحط بينكم ي كريمة .. قلتلك ميت مرة طنشي عشان خاطري انا 😕
كريمة : حاضر 😔
حمزة وهو بيمسح دموعها : بطلي عياط بقا والبسي الدبلة 👋
( يلبسهالها )
حمزة وهو ماسك ايدها : كريمة اوعديني مش هتقلعيها تاني مهما حصل
كريمة : وحياتك مش هقلعها تاني 😟
حمزة : مهو انتي لو قلعتيها تاني انا هقتلك⁦ ☝⁩
كريمة : ربنا يخليك ليا ي حمزة ي ابن فريدة ويبعد عننا الشيطان يارب والحسد وعين خالتك وبنتها وجنان امك و .........
حمزة : بااااس يما خلاص فضحتي العيلة 🤷🏻‍♂️
كريمة : خلاص 🤭
( عند هنا ، قاعدة ف اوضتها وباصة للفون بتاعها ، تمسكه وتتصل ، ف الكلية ، ادم واقف مع صحابه ، يرن فونه ، ياخده ويبعد شوية )
ادم : الو
هنا : صباح الخير 😐
ادم : صباح النور
هنا : عامل ايه ؟
ادم : كويس وانتي ؟
هنا : كويسة .. وصلت الكلية ؟
ادم : اة من شوية .. انتي ايه الي مصحيكي ؟!
هنا : قلت اطمن عليك معرفتش اكلمك امبارح
ادم : امممم
هنا : انت كويس ؟
ادم : اة
هنا : مش حاسة 😕
ادم : ليه بتقولي كدة ؟!
هنا وعيونها بتدمع : مش عارفة بس مش حساك عاوز تكلمني 💔
ادم : لأ عادي ي هنا بنتكلم اهو
هنا : بنتكلم غصب عنك
ادم : ي ستي لأ في ايه !!
هنا ودموعها بتنزل : مفيش ي ادم بس انا مش هتوه عنك .. روح شوف بتعمل ايه .. سلام 😥
( تقفل هنا ، يتنهد ادم ب ضيق ، عند هنا ، بتعيط ، يرن فونها ، تلاقيه ادم ، تمسح دموعها )
هنا : الو
ادم : هو انتي عاوزة تعملي حوار جديد ؟
هنا : انا مش عاوزة اعمل حاجة !
ادم : اومال ايه طيب !
( تنزل دموعها وتمسحها )
ادم : الو !
هنا : ايوة ؟
ادم : بكلمك انا !
هنا : معاك 😥
ادم : انتي بتعيطي ؟!
( تذيد دموعها )
ادم : بتعيطي ليه دلوقتي ؟!
هنا ب عياط : عشان مش متعودة منك ع الطريقة دي انت لسة زعلان من امبارح وانا اعتذرتلك ووالله اسفة كان يارب ياخدني قبل م اعمل كدة 🤷🏻‍♀️
ادم ب ضيق : بصي بقا الكلام الي يعصب 😐
هنا : اعمل ايه طيب اعمل ايه عشان متزعلش مني 😥
ادم : والله م زعلان منك انا متضايق م الموقف من حقي مش عارف اتعامل عادي اديني فرصة بس وانا هبقا كويس