قصة : ( دوا النسيان ) الجزء الاول ، ل سهيلة سعيد المنجي

الحلقة ٢١ و ٢٢

قصة : { #دوا_النسيان } 🎻💔

الحلقة الواحد والعشرون { ٢١ } 🌎

هنا : لا جاية هحصلك
حمزة وهو بيمشي : اوكااااي 🚶🏻‍♂️
ادم : م تخليكي شوية
هنا : معلش عشان بس ميقلقوش عليا .. هشوفك تاني ؟
ادم : مش عارف 🤷🏻‍♂️
هنا : يبقا هشوفك تاني 🙂❤
( تبتسم هنا وتمشي ، ادم يحط ايده ف جيبه ويبتسم ، ترجع هنا الشاليه ، حمزة قاعد ع مرجيحة وكريمة ف حضنه ، تقرب عليهم هنا )
هنا وهي بتقعد قصادهم : صباح الخييير 😊
كريمة : انتي نمتي اصلاً ؟!
هنا وعيونها بتدمع : لأ 😅
حمزة : عيطي عيطي انا شايفك ماسكة نفسك قدامه بالعافية !
( تنزل دموعها )
هنا : انا بس مش مصدقة اني شوفته 😥
كريمة : انا والله م حبالك كل دة .. خايفة الموضوع ميتمتش زي م انتي عاوزة وميفتكركيش يبقا ساعتها ايه العمل 🤷🏻‍♀️
هنا وهي بتمسح دموعها : هبقا حاولت ي كريمة .. حاولت وعافرت ل أخر فرصة اكون معاه .. الباقي بقا مش بتاعي .. تصبحوا ع خير 🙂
( تقوم هنا تطلع اوضتها )
كريمة ب حزن : انا خايفة عليها تتعلق تاني 😕
حمزة : ربنا يستر وتتم ع خير .. اكيد بردوا ادم حتى لو نساها شكل مش هينسى الي كان بينهم وممكن دة الي خلاه اتشدلها ووقف يتكلم معاها
كريمة : يارب يكون كدة ي حمزة 😟
حمزة وهو بيحضنها : يارب ي بطتي ♥️
( تدق الساعة ٢ الضهر ، الكل يقوم يفطر )
امان : بقولكم ايه انا زهقت اجدعااان
داليدا ونسمة : واحنا كمان ✋✋
كيمو : ايوة عاوزين نكتشف المكان دة مش هنقضيها بحر ولا ايه 🤷🏻‍♂
حمزة : بيقولوا في حفلة ل عمرو دياب انهاردة بالليل
يوسف : اة حاطين اعلانات ع الطريق
مازن : طب م نروح 🤷🏻‍♂️
سلمى : نروح فين التذاكر خلصت دي بتتحجز قبلها ب شهر ع الأقل
مازن : اة صح
كريمة : اوووف بقا 🙄
امان : ايه النحس دة !!
داليدا : نقضيها تمشية بقا 🤷
سلمى : شكلها هترسي ع كدة .. امان قوم تعالى معايا
امان وهو بيقوم : يلا 🚶🏻
( يقوموا يمشوا ، ويمشوا نسمة وداليدا وكيمو ويوسف )
كريمة ل حمزة : زومااااااا 😙
حمزة وهو بياكل : انسي انا مبتمشاش مع حد ⁦☝⁩
كريمة : بلاش رخامة وقوم مشيني بقا دة انا حتى مراتك 🥺
هنا : م تقوم معاها ي رخم
حمزة : لو هتعزمني ع الغدا ماشي 🤷🏻‍♂
كريمة : يخربيت بطناااااك 🙄
هنا : هو انت شايل اللوز قبل الجواز ؟
حمزة : هو كدة والي مش عاجبها تلعب حاجبها هههههه 😂
الكل : ههههههه 😆
كريمة ب انفعال : م تحترم نفسك ي جربوع انت سكتالك م الصبح انا 😠🔪
حمزة : بت لمي لسانك بدل م اطلقك ☝️
هنا : بس بقا الله يخربيتكم .. اطلعوا براااا 😑
حمزة وهو بيقوم : ماشي عشان خاطرك انتي بس ي نونة
هنا : حياتشيييي 😊
( يمشي حمزة وكريمة )
مازن : روما
روما : ايه ؟
مازن : م تيجي افسحك .. جت علينا 🤷🏻‍♂
روما : وهنسيب هنا لوحدها !!
مازن وهو بيبص ل هنا : ناخدها معانا
هنا : لا متشغلوش بالكم بيا اتفسحوا انتوا ✋
روما : م تيجي تتمشي معانا
هنا : لا احتمال عم محمد ييجى هو ومراته دلوقتي عشان ينضفوا البيت
روما : طيب ماشي خلي بالك من نفسك
هنا : اوك
مازن : يلا
روما : يلا
( تمشي روما مع مازن ، بعد شوية ، يوصل عم محمد ومراته الشاليه )
هنا ب ترحيب : عم محمد حمدلله ع السلامة 😃
عم محمد : الله يسلمك ي بتي .. اني جبتلك مرتي هتروجلك البيت وتشوف طلباتك
هنا : متشكرة والله تعبتك معايا
عم محمد : متجوليش اكدة تعبك راحة .. دة انتى بت الغالى الله يرحمه
هنا : الله يرحمه
( تدخل مرات عم محمد تروق المكان ، تقعد هنا تحت وع رجليها تابليت بتلعب عليه ، يدخل ادم ، تتخض هنا )
هنا وهي بتقوم : ادم 😐
ادم : وحشتيني قلت اجي اشوفك انا 🤷🏻‍♂
هنا : ههههه لا والله 😅
ادم : اة والله
هنا ب استغراب : انت بتخرج ازاي كدة انا سامعة انك مع الفريق كله ومشددين عليكم !!
ادم وهو بيقرب عليها : انا بخلع منهم 😉
هنا : ازاى ؟!
ادم : طرق خاصة 💁🏻‍♂ اومال فين باقي الشلة ؟
هنا : كل واحد خد المزة بتاعته ومشي 🤷
ادم : وسابوكي لوحدك كدة !
هنا : اه عادي .. مقلتليش بردوا ايه الي جابك بجد ؟!
ادم : والله جاي عشانك
هنا : اشمعنا ؟!
ادم : وحشتيني ♥️
هنا : مش بهزر ع فكرة 😐
ادم : وربنا وحشتيني من ساعة م مشيتي الصبح وانا مشتاقلك .. ف جيت اشوفك واحتمال اخد جزا بسببك كمان 🙂
هنا : كل دة عشان تشوفني ؟!
ادم : شوفتي بقا انا متبهدل ازاي عشانك 😕
هنا ب تلقائية : كلامك دوخ كام واحدة قبلي ي دوما ؟
ادم : دوماااا 😐❤
هنا ب ندم : ادم سوري 😅
ادم : لا انا حبيتك خلاص بحبك وربنا 😐❤
هنا ب ضحك : ههههههه فصلتني .. الرومانسية دي بالليل احنا دلوقتي بالنهار 😂
ادم ب ضحك : اقسم بالله انا الي بنهار 😂❤
هنا : ههههههه 😆 لا الكلام دة بجد دوخ كام ؟
ادم : بصراحة كتير لدرجة اني مش فاكر 😂
هنا : ي صريح انت 😂💔
ادم : وربنا مفيش اجمل منها 😉
هنا : هى ايه ؟
ادم : الصراحة طبعاً ⁦
هنا : اممم طب اقعد .. تشرب ايه ؟
ادم : لا مش عاوز اقعدي انا شوية وماشي
هنا : خلاص هحطلك عصير معايا
( تدخل هنا المطبخ تاخد نفس طويل ب تغميضة عين وبعدين تجيب العصير ، ترجع تلاقي ادم بيتكلم ف الفون )
ادم : ي قلبي انا راجع بكرة خلاص .. وانتي والله وحشاني اوي 💚
( تتخض هنا وايدها تترعش ، تقرب تديله العصير قبل م يدلق منها )
ادم وهو بياخد العصير : طب هقفل انا دلوقتي .. اوك شوية واكلمك .. باي
( يقفل الفون )
هنا وهي بتقعد : انت راجع بكرة ؟
ادم وهو بيقعد جنبها : اه هنحضر حفلة عمرو دياب انهاردة وبعدين هرجع بكرة الصبح .. اكيد هشوفك ف الحفلة مش كدة ؟
هنا : لا للاسف اتأخرنا ع التكت مش هينفع نروح الحفلة 😕
ادم : خلاص لمي صحابك انهاردة الساعة ٩ وانا هقابلكم هناك وادخلكم
هنا : مهو مش هينفع التكت خلصت خلاص 🤷
ادم وهو بيشرب العصير : انا هتصرف بس ملكوش دعوة انتوا
هنا : خلاص اوك هقولهم .. هوااا انت مرتبط ؟؟
ادم ب فهم : لا الي كنت بكلمها دى اختي الصغيرة .. انا فاضي بس هملى قريب 😉
هنا ب احراج : ههههه 😅 ميرسي ع الحفلة هيفرحوا اوي لما يعرفوا
ادم وهو بيقرب عليها : كل دة عشانك حسي بيا بقا يحس بيكي ربنا تعبتي قلبي 😐⁦❤⁩
هنا وهي بتبعد : سلامتك 🤭💚
( تقوم من جنبه )
هنا وهي بتقف : صحيح سمعت انك سيبت النادي ال **** بسبب مشكلة جامدة بس مجابوش تفاصيل .. كانت ايه المشكلة بقا ؟
ادم وهو بيقف : اتقفشت مع واحدة ف الاوتيل
هنا ب صدمة : نعم 😳
ادم : ايه ؟
هنا : واحدة !!
ادم : اه عادي 🤷🏻‍♂
هنا ب انفعال : عادي ايه انتااا ......... 😡
( تاخد بالها من عصبيتها )
ادم وهو بيبصلها ب استغراب : ايه مالك ؟!
هنا ب هدوء : اااااا لا كمل كمل 😊