يوميات مجنونات

تكملة النكد 😌

وقفنا عند صوت الصويت
صالح مصبرش و دخل هو و البنات بسرعه اما الشباب فاستنوا بره
نرجع لورا تلت دقايق
الممرضه : حمدالله على السلامه يا انسه
سلمى: الله يسلمك
الممرضه  : اهم حاجه البقاء لله يا انسه
سلمى : انت بتقولي ايه مين الي مات
الممرضة : الراجل الي كان معاكي في العربيه ده هو الي حضنك عشان متتئذيش
سلمى : انت كدابه اطلعي برااااا يا صااااااالح
نرجع للواقع
صالح: في ايه يا حبيبتي
سلمى: المجنونة دي بتقولي ان اسر مات يا صالح
صالح: اهدي بس كده
سلمى : صالح بالله عليك قول لي انها كدابه صح هي كدابه
صالح اكتفى بأنه راحل لها و حضنها و هي بقت بتضربه في ضهره و صدره بهستريه
سلمى: لا يا صالح لا متقوليش ان هو سابني هو قالي مش هيسيبني لا هي كدابه كدابه اطلعي بره صالح هاتلي أسر صالح و النبي هاتوه طب وديني ليه طيب هو قالي انه مش هيسيبني ليه يا رب كده ليه كنت خدتني معاه
ساعتها الممرضه كانت جابت الدكتور و هو ادالها  حقنه مهدئ و هي وقعت نايمه في حضن صالح الي كان هو كمان بينهار اصل دي اخته مش اي حد
هاني: خدوا اشربوا العصير عشان يرد روحكوا شويه لسه قدامنا موال صالح انت اتصلت بأهله
صالح : لا مش قادر اكلم حد و لا عايز اشرب حاجه
صفيه: صالح اشرب بس لسه في اجراءات و حاجات لازم تخلص
صالح: مش قادر
صفيه قامت راحت قعدت جنبه و ادته العصير
صفيه: عشان خاطري اشرب احنا لسه اليوم طويل
و بعد محايلات شرب و الكل كمان
دودو: معلش يا جماعه احنا لازم نروح نطمن اهلنا و هنجهز للعزاء و نجيب لبس لسلمى
آدم: طب يلا يا بنات يوسف وصلهم
افشه: لو مافيش مشكله هوصلهم انا و اجيب لبس لينا بالمرة
آدم: لا عادي و خود يوسف
البنات كلهم اتحركوا على برة ماعدا صفيه
آدم: صفيه يلا
صفيه: لا يا آدم مقدرش اسيبه كده
صالح: روحي يا صفيه بس ارتاحي لاني هحتاجك معايا بقيت اليوم
صفيه : انا معاك للاخر
صالح: روحي بس غيري هدومك و ارجعي
صفيه اكتشفت ان هي لازم تغير للبس اسود فمن سكات راحت للبنات
البنات كانوا ساكتين مجرد عياط و بس صوت شهقتهم مالي المكان و افشه و يوسف مكانوش احسن اصل مش سهل يكون حد معاك من كام ساعه فجأة يختفي من العالم و يبقى ماضي
وصلوا البنات و طلعوا على البيت ماعدا ندى الي وقفت شكرت افشه و طلعت
دودو: بنات بسرعه كل واحده تاخد شاور على السريع و البسوا اسود ها متنسوش و الي عايزة تاكل تشرب اي حاجه بسرعه لينا روحي قولي لماما ماشي هتلاقيها الوحيده الي صاحيه على ما اجيب لبس لسلمى و اعمل كام سندوتش لينا و ليوسف و الشباب مش هيكون في وقت نشتري
لينا : خلاص اهو بسرعه و النبي اصل سلمى اكيد محتحانا جنبها
البنات: حاضر
و كل واحده انطلقت تخلص الي وراها
لينا راحت لجيهان
لينا: طنط انت صاحيه
جيهان : طنط في ايه يا لينا مالك و عينك حمرة كده ليه
لينا : سلمى و خطيبها عملوا حادثه على الطريق
جيهان : بسم الله و هي كويسه
لينا : كويسه شوية كسور بس أسر توفى
جيهان: انا لله وانا اليه راجعون طيب طيب انا هحهز و اجي معاكوا
لينا: لا يا طنط خليكوا للعزا ماشي و بلغي العيله
جيهان : ماشي بس خليكوا على اتصال معايا
لينا : حاضر يا طنط عن اذنك
جيهان: سلام يا حبيبتي
البنات كانوا هديوا شويه و غيروا كلهم فاضل دودو و لينا
دودو: لينا بسرعه يلا غيري و تعالي كلي
لينا : لا يا دودو مش قادرة (لينا تبان برده و قويه بس هي من جوا فعلا طيبه و حساسه  و ضعيفه اوي )
دودو : لينا كلي اليوم طويل يلا صفيه يلا كلي
صفيه : لا يلا بس هاكل مع صالح
دودو : على راحتك انا دقيقتين و هجهز يلا يا لينا بسرعه
لينا : جايه و راحوا غيروا و كان يدوبك يوسف و افشه جم من عند بيت الشباب
البنات كانوا لابسين 👇
               لينا               يارا                 دينا

       ندى                    صفيه                   مي

     سلمى 

                               دودو
مي : بنات يلا يلا يوسف تحت 
دودو: يلا ندى جيبتي السندويشات
صفيه: انا جهزتهم يلا
و طلعوا على بره و برضه من غير ولا كلمه في العربيه ووصلوا المستشفى طلعوا على الاوضه بس صوت الزعيق من جوه خض الكل
.....................🖤......................🖤.....................

اتمنى يعجبكوا بارت يعني مش كبير بس لان الاحداث جايه كتير البارت الجاي
عايزة توقعتكوا لياترى ايه سبب الزعيق ده
VOTE  AND COMMENTS PLEASE ❤