يوميات مجنونات

انكشفت الخطط

خطيب سلمى 🖕
البنات ساعة ما شافت خطيب سلمى قالوا بصوت واطي كده : هو انت بجد
و الي سمعهم كان آدم و سلمى
آدم شد دودو من دراعها و قالها بهمس: عاجبك اوي يا حبيبتي ماشي اصبري عليا نرجع البيت بس
دودو: آدم
آدم: بصي بلاش نفرج الناس علينا
دودو وقتها اتخرست تماما و مفكرتش مجرد تفكير انها تتكلم
آدم: يلا من هنا خدي البنات على تربيزة تانيه
دودو: حاضر
و شدوا البنات و راحوا لتربيزة تانيه  
سلمى بقا في نفسها كانت بتقول انا غلطانه اني قولتله ييجي و بصت للبنات و قالت بصوت وصل لبنات بس : بس يا زفته انتِ و هي اشوف واحده بتبصله
ندى : سلمى حبيبتي متجيبيه لفه
سلمى : طيب يا نانو يا حبيبتي انا هقول لافشة و هي هيخليه يخدك لفه
ندى : افشه لومه حبيبتي انتِ بتصدقي كل حاجه كده  انا بهزر
يارا : جابت ورا
ندى: يا بنتي انا مقيمه ورا اساسا
عند الشباب كانوا آدم و يوسف اتعرفوا على أسر و بقوا  يعني اصحاب حقيقةً آدم مش طايقه
أسر: لا بس ايه كميه البنات دي
آدم: اخواتي و منهم واحده خطيبتي و مراتي قريب ان شاء الله
صالح هنا بقا قلبه بقا في رجله ليكون آدم بيحب صفيه و هي هو مقدرش حتى بينه و بين نفسه يتخيل انها تحب غيره
افشة : و مين بقا الي اهلها داعيين عليها دي
آدم: كابتن افشة لو عايزني افركش خطوبتك انت و ندى لا مانع
افشه : ده انا بقول داعيه ليها اه و الله انت بس الي سمعت غلط دي داعيه لها دعا ايه ما شاء الله
احمد : ما شاء الله يا آدم و الله انت ما شاء الله يعني مسيطر ده حتى صفيه و لينا  بيخافوا  منك  و دول ما شاء الله الاتنين لسانهم اطول منهم
آدم: لا بص لينا اختي الي هي دما انما انا و هي ناقر و نقير ما شاء الله غير ندى و مي الي هما قريبين مني كاخوات
هاني حس بشوية غيرة بس طفتها كلمة زي اخوات
محمد : الله طب انسه ردينه دي قريبه منك على طول
آدم: بس مش اختي يا كابتن
اسر: افهم من كده ان هي خطيبتك
آدم: مع وقف التنفيذ
محمد : ليه يعني
آدم : لأنها مسافرة اهي و مرضيتش تعمل خطوبه قبل السفر
افشه : ده انا كنت نسيت خالص هي ندى هتسافر هي كمان
يوسف : لا ابدا ما هي لغت السفر عشان ناس كده
وقتها افشة كان مبسوط اوي اوي و ووجه نظره لندى الي كانت هي كمان بتبصله و نزلت نظرها الأرض على طول
آدم: كابتن اتمنى ترجع راسك مكانها
افشه : و الله خطيبتي و بعدين بلاش كابتن دي
الكباتن : اه ياريت
آدم: اوك بس برضه انت متبصش لحد كتب الكتاب ساعتها بس براحتك
افشه : لا بصراحه كريم اوي
محمد : جدا جدا
احمد: طب ما انت ردينه معاك  على طول
آدم: الله ردينه معندهاش اخوات ندى عندها و لا ايه يا أخ يوسف
يوسف : انت بتكلمني
محمد : واضح ان الاخ سرحان في حد
هاني : امم و في واحده كمان
يوسف : ايه لا ابدا
أسر: طب يا جماعه انا جاي عشان خطيبتي ممكن اخدها و امشي بقا
صالح: اقعد يا أسر مفيش حركه كلنا هنا خاطبين مع ايقاف التنفيذ
أسر: صحيح مبروك يا افشه بس مين فيهم ندى
افشه : ملكش دعوه بقا
احمد : ياااه افشا بيغير الي كان بيقول ان الحب ده كلام روايات بيغير انا مش مصدق
افشة : بس يلا
احمد : حاضر
محمد : طب انا كده هاخد دينا صح
آدم : بث خدني انا و النبي
هاني : ايه ده ليه كده
آدم: اصل البيت زمانه نار  دلوقت طنط سميه و بقيت الأمهات زمانهم ماسكين في بعض
هاني : ايه كده
يوسف : عشان الي ماما عملته في ندى
افشه : اه صحيح انا نسيت هي طنط بتعمل كده ليه
يوسف : ماما مبتحبش البنات و من يوم ما انا و ندى اتولدنا و هي دايما تعامل في ندى كده لان هي شايفه ان البنات عبارة عن نصايب و بابا بيحاول يهدي و مع ذلك ندى بتحب ماما جدا يمكن اكتر مني
هاني: بس ده حال صعب اوي
آدم: اتعودنا على كده خلاص
يوسف : آدم خد كلم طنط جيهان
آدم: مترد انت
يوسف : الله مش حماتك رد
آدم: انا يا رخم
الو ايوه يا طنط
.ايوة يا آدم لو عاوزين ترجعوا يلا سميه و راحت عند اختها
طيب يا طنط بس هناكل و قولي لعمو عبد الله و الباقي ان دينا و صفيه راجعين معانا
.عارفين يا آدم و ينوروا يا حبيبي و خلي سلمى تيجي
مش عارف يا طنط صالح و أسر هيفقوا و لا ايه
.هات صالح اكلمه
حاضر
آدم: صالح طنط جيهان عيزاك
صالح: طنط جيهان مين
آدم:  مامت ردينه يلا
صالح: ايوة يا طنط
جيهان : ايوة يا حبيبي بص انا عايزة سلمى ترجع مع البنات
صالح : بس يا طنط
جيهان : مفيش بس ماشي و خد آدم و يوسف احنا مش عيزينهم
صالح: حاضر يا طنط خلاص ناكل ونجيب البنات كلهم
جيهان: خلاص يلا متتاخروش و قول لآدم يجيب حاجة القاعده ماشي و هو هيفهم
صالح: حاضر يا طنط
جيهان : مع السلامه
صالح : اتفضل و اداله الفون قاله  طنط بتقولك هات حاجة القاعده و قاله هتيجي معانا انت و يوسف
آدم : طيب يبقا بلاش اكل للبنات  بقا
الشباب : ليه
آدم: هتعرفوا  دلوقت يلا نروح للبنات
الشباب : يلا
آدم: بنات قوموا يلا
دودو: انا مكلتش
آدم : طنط جيهان اتصلت و قالت هتعمل قاعده
البنات ماعدا سلمى و دينا و صفيه : يلا يلا يلا
صفيه : طيب انا هرجع بيتي
سلمى و دينا : انا كمان
آدم: لا طنط جيهان عيزاكوا دي طردانا بسببكوا
دودو : احسن احسن
آدم: امم هربتي انتِ صح ماشي بكرة ارجع  
دودو طلعتله لسانها
آدم: يلا يا طفله
دودو : أرجع لماما بس و هتشوف
آدم: انهي واحده
دودو : ماما يسرا طبعا
هاني : دقيقه بس هس مش مامتك اسمها جيهان
آدم: يسرى دي مامتي انا بس هي بتحبها اكتر مني
احمد : يا عيني
أسر: قلبي معاك
آدم: خلصتوا فقرة الدراما ولا ايه يلا يا بنات
طلعوا البنات برة
آدم: طيب احنا لازم نتقسم عشان الطلبات كتير
بصوا شوية بنات و حبه من الكباتن مع بعض و هكذا طبعا متتعودوش على الدلع ده بس للضرورة أحكام 
يلا انا هاخد يوسف و دودو و انسه دينا
صالح: انا هاخد صفيه و سلمى و أسر
مي : انا هاخد يارا وكابتن محمد   و كابتن  هاني و كابتن  افشا و ندى (عربيه البنات كبيره) 
هاني : طيب بس انا هسوق
مي ؛ انا دي عربيتي
ندى : بس بقا الله مي انت لو سوقتي  مش هنوصل
خلي حد من الكباتن  يسوق
مي : يوه طيب طيب
و راحوا ركبوا و البنات وزعوا بينهم في مثلا آدم و الي معاه راحوا ماك و ستاربكس جابوا حاجات كتير يعني جابوا حوالي أربعين بيج ماج و جابوا شوية حاجات متنوعه من ستاربكس
عند صالح بقا راح عند pizza hut  و جابوا بيتزات كتير و راحوا جابوا gâteaux كتير اوي و حلويات شرقي
العربيه الكبيرة بقا راحت الماركت بقا بيبسي و شيبسي و شوكولاته و كيكات و بسكوتات بقا الناس و الشباب كانوا بيبصولهم كأنهم مجنين من الكميات
صالح : طب انت عملت حسابنا يا آدم
آدم: لا احنا هنجيب دليفري دي حاجة البنات و الامهات  بس حتى ابهتنا ملهمش فيه
محمد : انا عايز اشوف القاعده دي
الكباتن و أسر: و احنا كمان
آدم: هوريكوا المكان ماشي
الشباب : اوك
راحوا البيت و لفوا دخلوا عند ال garden الي ورا البيت و لقوا الأمهات قاعدين و فارشين سجاد صناعه يدويه كده شكله هادي و في شلتات على الأرض و جايبين projector و بيجهزوا عشان يشغلوا فيلم
دخلوا و كانوا مبهورين و المكان ريحته بخور يمني تحفه الشباب حطوا الحاجه
نبيله: يلا يا شباب كده من غير مطرود
آدم: طب ترتاح طيب
جيهان: سيبيهم شويه يا نبيله
مريم : طيب بنات اطلعوا غيروا بسرعه كده و البسوا بيجامات أو يفضل عبايات مريحه كده
البنات : حاضر  يلا يلا هنيجي في دقيقه
يسرا : ها ريحتوا يلا يلا مع السلامه
آدم: هو انا مش ابنك
يسرا : يلا البنات هتنزل
الشباب : حاضر
يوسف : طب آخود شيبسي طيب
جيهان : يلا يا يوسف بدل ما اجيلك
يوسف: لا يا طنط متتعبيش نفسك يلا قبل ما الشباشب تنزل فوقنا
و طلعوا الشباب
.........................................................................
STOP
اتمنى يعحبكوا ده تقريبا أطول بارت أكتبه
تفتكروا ايه الي هيحصل في القاعده دي
بجد جربوا تعملوا القاعده دي مع صحابكوا و أهلكوا هتحسوا و انتوا قايمين منها بعيدا عن وجع البطن من الاكل براحه كده و احكوا و اضحكوا و هتلاقوها بقت ذكرى حلوة تتمنوا تكرروها  *الكلام ده عن تجربه 😸😻*