يوميات مجنونات

طراطيش كلام

طبعا وقفنا عند لما صفيه خدت البنات و قعدوا بعيد هما طبعا حولوا يهدوها بس هي كانت بتعيط بانهيار
و بعدها عمرو السوليه جه و احمد الشيخ و سعد سمير و قعدوا معاها
عمرو السولية : خلاص بقا يا صافي اهدي
احمد : طب و الله انتِ وحشتينا جدا بقا تيجي القاهرة و متنكريش تكلمينا بقالنا كام شهر بندور عليكي و انتِ و لا حتى اتصلتي تطمنينا عليكي  
صفيه: معلش يا احمد بس انا كان لازم ابعد عنك و عن الكل لان انا قلبي كان متكسر روحي كانت مقهورة عارف يعني ايه تحب حد و تتخطبوا لا و كمان كنا هنكتب الكتاب بعد ست ايام و ييجي بكل بجاحه و يقولك انتِ كنت سلمه عارف يعني ايه اختار اقعد في مصر عشانه و اسيب اهلي و هو بكل بساطه يسيبني
ده حتى مقليش اي اعتذار راح كده قايل ميرسي لأنك كنتي موجودة في حياتي و قدرتي توصليني للي انا عايزه و ساب دبلته و مشي.
سعد : احنا عارفين انه صعب بس هو عنده سبب
صفيه : لو سمحت كفايه سبب ايه ها انا لا اذيته و لا اذيت اي حد منكم
عمرو : اهدي كده يا صافي انتِ مش ضعيفه
صفيه: انا مش ضعيفه يا عمرو انا مكسورة
سعد : طب ايه احنا موحشنكيش ولا ايه
صفيه : لا طبعا وحشتوني جدا ده الايام الي قضيتها معاكوا كانت احلى ايام حياتي     
طبعا البنات شكلهم مسخرة كل واحد يتكلم يبصولوا و يبصوا لبعض مش فاهمين ولا كلمه واحده يعني زي الأطرش في الزفه
و بعدها جم هاني و محمد محمود 
و محمد محمود كان باين عليه الحزن و عيونه مجمعه دموع مش راضيه تنزل
محمد : صوفي 
صافيه: محمد
و قامت سلمت عليه و كان باين اوي حب الاتنين لبعض بس هو كان حب اخوي من الطرفين
و بعد ما الاتنين عيطوا تاني و الشباب و البنات كانوا متأثرين بشكلهم
محمد : وحشتيني بقا تسيبيتي و متساليش عني كل الفترة ده انا دورت عليكي في كل حته
صفيه: مكنتش قادرة و الله و كنت عايزة ابعد و مش اتعبك معايا
محمد : تتعبي مين هو مش انا اخوكي برضه يا هبله
صفيه: طبعا كلكوا اخواتي و بحبكوا اوي و الله و الله العالم اني كنت موجوعه اوي اني سيباكوا

و بعدها الاتنين قعدوا و هاني كان اصلا اعد
و البنات مبتسمين بطريقه توحي بأنهم هبل و الشباب اصلا نسيوا ان البنات معاهم
مي : احم صافي
في ناس بصتلها بانتباه و ناس بصت للبنات بنظرة انتوا هنا من امتى
مي : معلش يعني ممكن تفهمينا ايه الي بيحصل
دودو : اه ياريت و بسرعه لان احنا شكلنا اهبل اوي
ندى : ممكن اسال سؤال
صفيه: اتفضلي
ندى: احم انتِ تعرفي الشباب منين و ايه علاقتك بصالح
صفيه : مع انهم سؤالين بس لما نروح هحكيلكم
دودو: بنات في مفاجأة هتسرعكوا
البنات : ايه
دودو : آدم و يوسف واقفين عند المدخل و شكلهم بيدوروا علينا
مي : و ايه المشكله
لينا : احم ميوي انتِ نسيتي كلامهم لينا قبل ما نسافر
ندى : متهيالي احنا المفروض ننسحب بكل هدوء انا مش عايزة برستيجي يبقا في الأرض
............: لا هو اصلا في الأرض و انا هخليه تحتها
ده كان صوت يوسف الي مسكها من رقبتها من ورا و قومها
لينا : ايه ده ايه السرعه دي فين ادم
لينا مرة واحده حست ان ودانها سابت رأسها
لينا : دوني اهلا بس معلش يعني وداني انا عيزاها
و دلوقت صافي و الشباب بيبصولهم بهبل مش فاهمين مين دول ولا ايه علاقتهم بالبنات
صافي : بنات مين دول
البنات : عملنا الاسود
هوب كل واحده اضربت على دماغها
لينا : ده آدم اخويا
ندى : و ده يوسف توامي الرزل ...(ضربه كمان على دماغها ) حبيب قلبي يوسف احلى توأم في الدنيا العسل الطيوب ده اخويا
دودو: دومي ايه الي جابكوا
آدم: اونكل عمرو يا ستي هو الي خلانا نيجي و راجعين بعد الحفله على طول هو مجهز لينا طيارة خاصه لان مفيش مواعيد
في الوقت ده في اتنين اتكلموا بصوت واطي مع بعض
هاني : الحق ده جاي النهارده من ساعتين و راجع تاني
سعد: لا و طيارة خاصه كمان
هاني : ده احنا لعيبه كورة و و احنا رايحين ماتشات بره بنروح في الطيارات العاديه لا و حتى مش first class
سعد: يالله ارزاق ......ينفع أقر عليهم
هاني: متهيالي نص المكان بيقر عليهم
سعد: عندك حق 
و بعدين آدم استأذن الموجودين و خد البنات دقيقه
البنات ماشيه تجر رجليها لانهم عارفين آدم عايزهم ليه
آدم: بكل هدوء ايه عرفكوا على اللعيبه دول
دودو : احنا مش نعرفهم اتقابلنا صدفه عند خالو في المركز و هنا كمان
آدم: و ايه الي اعدكم معاهم
مي : لا ده هما يعرفوا صافي صحبتنا الجديدة
آدم: اممم يعني كمان اتعرفتوا على ناس و مش قولتولي
ندى: خلاص يا دومي سوري
آدم: لا لازم عقاب مهو اصل انا معرفتش اربي
لينا : نفس التربيه ....نفس الموضوع ضربه على رأسها....دومي ده متربي تربيه الله اكبر ادب و اخلاق و التزام لازم ناخده قدوة يا بنات
يارا : امال يوسف فين
مي : بيتصور مع اللعيبه عشان يغيظ أصحابه
يارا : اممم اصدك امير
مي : هو اه
دودو : امم بالمناسبه ناريمان اتصورت مع توم كروز و بعتالي الصور
يارا : ايه ده هي سافرت أمريكا امتى
دودو: قبلته في دبي
ندى : و الله دبي دي احلى مدينه في الدنيا ممكن تقابلي هناك كل المشهورين
يارا : اه فاكرين لما قابلنا جينفر لوبيز هناك
لينا : اه ولما قابلنا بوي باند
دودو : اه  ذكريات حلوة
آدم: اطعت عليكم فقرة الذكريات معلش يلا كل واحده زي الشاطرة ترجع مكانها انا عايزكم تناموا النهاردة كويس و بكرة تصحوا تطلعوا الساحل
لينا : ايه ده انت سامحتنا و هنروح نصيف
آدم: بس يا بت انتوا تروحوا هناك في تلت شاليهات و ال house keepers الي هناك في اجازة فانتوا هتروحوا تنضفوهم و عايزهم بيبرقوا و تجيبوا جبن و اكل و كده يعني و تملوا تلاجات التلت شاليهات
البنات : ليه ده كله ليه
آدم : انا و اصحابي و يوسف و اصحابه هنيجي نصيف بعد حوالي اربع أيام
دودو: و الشاليه التالت
آدم: لا ده بقا ليكوا احنا هنعد خمس ايام بعدها روحوا انتوا الساحل صيفوا و نضفوا الشاليهات تاني و ارجعوا
مي : طب ادعي لك ولا أدعي عليك
آدم: بس يا بت
مي : حاضر
آدم: روحوا اقعدوا مع صاحبتكم
البنات مصدقت و جري على هناك
طبعا في شخص كان حاسس بغيرة اوي ان البنت الي هو معجب بيها بتتكلم مع ولد تاني هو ميعرفش يقربلها ايه لانه مش حضر القعده من اولها
و الشخص ده هو افشا و كان غيران على  ...........................................ندى
🖤🖤🖤🖤🖤🖤🖤🖤🖤🖤🖤🖤🖤🖤🖤🖤
البارت يبان صغير بس هو 1030 كلمه يعني كتير اوي و كتبته في حوالي ساعتين البارت الجاي اول يوم العيد و هو الي هنعرف فيه الجزء الأول من حكاية صافي و صالح اي سؤال استفسار توقع للمشكلة الي بين الاتنين سيبوه في الكومنتات و vote كتير بقا
اتمنى البارت يكون عجبكوا ❣