في إحدى المدن و الشوارع والبيوت والغرف كانت نور راقدة
وتحلم في الأحلام الوردية فارس أحلامها رافدها
ويمشي بيها بين الورد والياسمين وفجأة أوب طخ
سطخ ( علابالي مرڨتها 😂😂) ويسيح عليها
بدون تاع لماء وتنوض تسوغ كي المهبول يايما
حملتنا الحملة يا شوشو أجري أجري دبرلنا فلوكة
فاش نهربو 😂😂😂وهي هكاك تعيط وتسوطي فوق البونك وخوها ويماها مراغيين عليها بالضحك
وأوب وتحل عينيها علاه يعني علاه والله غير كنت
مع فارس الأحلام والله حرام عليكم قطعتوها علينا
ليلى: ياو أزربي راح عليك الحال واقيل تخدمي في
فسبيطار باباك 😑😑
نور: قولي والله قداه راهي
ليلى: راهي 15: 9
نور : ياخاه والله ليوم نتحاوز
شهاب: أزربي نوضي أزربي نوصلك
نور : راني نايضة مي هادي تاع لبيدون منبعد
نتفاهمو عليها 😒😒😒
شهاب: ياوو قيوو ماديري فيها والو😏😏 وأوب ملقاوهاش راحت تجري لسالدوبان تغسل في وجها
وراحت لبست قشها سروال حمر مع تريكو صفر
😂😂😂وشعرها دارتو طمطومة باسكو كان
مكشرد ومشنشف هزت ساكها ولبست سباطها
وتكلت على ربي
حبسو حبسو نعرفكم على روحي أنا نور طفلة مهبولة ورايحة فيها مي عاجبتني عمري مانأذي حد
مانتبلى على حد المهم أنا عندي 23سنة نخدم
طبيبة مختصة فلماساج وفي نفس الوقت نتعلم في الجراحة في سبيطار لكبير تاع الولاية أنا بيضة شعري ماغون وعينيا خوضر
ماطويلة وماقصيرة مليحة في طول ومام لميزان
تاني مليحة مي لاطاي تاعي شابة معمرة غير في
اللازم أحم أحم أحشمو شوية 😂😂
____________________________________________________________
المهم بعدما راحت نور للخدمة تلاقات هي وصحبتها
إسمهان خخخ قدرة ولقات غطاها لزوج روطار
إسمهان: هاه هاه نور نتي تاني روطار
نور: أسكتي وش بيك تلهثي كي لكلب المكلوب
إسمهان: والله جيت نجري نضت روطار وزيد مول
الطاكسي طاحتلو الطوموبيل أون بان
نور: هيا بلعي عليا وقوليلي واش نديرو
إسمهان: ياوالله اليوم المدير يجيبنا برا شفتي راهو
غال علينا يحوس يطردنا
نور: يااحوجي أنا منهار حكمناه هو والمصفارة
نتاع مريم وهو غال علينا (حبسو نفهمكم البنات
قبل يومين راحت نور وصحبتها إسمهان لعند
لمودير تاع لوبيتال باه يعطيولو وحد لي دوسي
حكموه هو ولاسيكريتار تاعو في وضع مخل
بالحياء ومنهار هاداك وهو يحوس يلقى عفسة
باه يطردهم) المهم شدو في يدين بعضهم وطلعو
ليه دقدقو ودخلو
المدير: يخزر فيهم بنص عين واش واقيل كون
زدتو شوي مشي خير 😠😠
نور : ميس قطع عليها الهدرة : نتي تبلعي فمك
ديجا عندي وقت ونا نحوس نقلعكم منا ودكا
تعرفو مليح واش راح نديرلكم من غدوة يسموكم
في لوبيتال تاع العاصمة.
نور وإسمهان : ياخاااه 😱😱 وش بيك تبدلنا
لولاية خرى منقدروش ميسيو.
المدير: بالاك تحوسو تتزعكو طول😏😏
نور: خلاص خلاص أوووف هيا سوسو نخرجو
خرجت تسب وتتكتف الله لاتربحو والله مايحشم
وجه الكسرونة بصح كون منفضحوش ونخليه
بلبالة ميعرفنيش شكون أنا 😏😏
ويخزرو في بعضاهم ويعطيو بعضاهم الخزرة
الشريرة 😈😈😈وتروح كل وحدة لخدمتها خخخ
لبنات فوت وكومنت بليييز راني جديدة في
دومان هادا ساعفونييي حبكم آرائكم تهمني 😘
قولولي توقعاتكم للبارت الجاي ووش رايحين
يديرو للمدير في رايكم حبكم 😍😍😍
أنت تقرأ
مكتوب💘على ☸قدري 😍😍
Romanceكرونيك جزائرية 💯💯 ادخلو اقراوها وماتندموش هادي اول كرو ليا ممنوع النقل او الإقتباس من دون إذني 💞💞
