سلام لبنات نبداو ديراكت.
بدون. مقدمات
استغفروا
استغفرالله واتوب اليه.
راح لعندها لقاها راقدة على السرير كي لملايكة هكاك ببيجامتها نحا لفاست ديالو غطاها بيها جاتو الطبيبة طلبت منو تنظفلو الجرح عطاها ذراعو بلاما يهدر معاها نحاتلو الرصاصة خرجتهالو وعقمتلو جرحو دارتلو الباسما ولواتولو بالضمادة وعلقاتولو وطلبت منو يعقمو يوميا ماهدرش معاها كامل بقا ساكت ومسمطها يخزر في نور وفي حالتها لي متنشافش وجها لي شاحب و معمر بليطراس جسمها لي ضعف ضربة وحدة تبدلت بزاف الشهر يخزر فيها يملي في عينيه يشبع في شوقو ليها لي دام شهر كامل شهر كامل ماشتفهاش ومدابزش معاها يتفكر في ليامات كي ضلمها وتاهمها في شرفها تفكر هدرتها وكيفاه ماعندها حتى حد وكي كانت تحكيلهم على باباها وعايلتها لي متعرفهاش ونظراتها كامل مسلطين عليه يتفكر كيفاه كانت تخزرلو بضعف وبتحدي وكسر وهو لي كان مقابلها ببرودو وجمودو ندم عليها وندم عليها بلبزاف هكا شوية خلط عليهم عارف راحت حكات معاه الطبيبة لي قالتلو بلي لازم يديو نور لسبيطار باه يفحصوها ويديرولها لي راديو باه يتأكدو من سلامتها بالمقارنة بوجها لي معمر تراس العصابة طيحوا بنصهم برك فيهم لي مات وفيهم لي داوه للحبس يحقو معاه ديماراو ديراكت للسبيطار
-»»»»»»»»»»»»»»
قاعدين على الكراسة في الكولوار يستناو في كاش خبر الطبيب طول عليهم وهوما هكاك لحقت اسمهان وعادل وخواتاتو ويماه وسي سليم
---------
اسمهان: وينها نور ياك لقيتوها وينها وينها كاش ماجرالها 😭 (وبدات تبكي)
عادل: عنقها وقالها راهي لاباس واش حسام كي راهي ياك مابيها والو
خلود: ايه ختي شبيها مسكينة تضل تعاني لوقتاه تتهنى🤧🤧
زينب؛ شروق: خلاص خلود تعيشي تبدايناش نتي تاني ماراكيش تشوفي في الحالة😭🤧(وتحاضنو وبداو يبكيوا)
حسام: اووووف اسكتوا زدتولي تكسار الراس واش دارهالي نخبركم تجيو عادل تعيش راني مستريسي ديهم عليا قلقوني وولي ارواح طبيب مزال مخرجش منعندها (هكاك وخرج الطبيب راحوا كامل يجريولو)
سي سليم: وي دكتور كاش خبر ياك غير الخير نشالله
الطبيب: نو ميسيو خير خير نشالله مكان والو فحصناها وشنو مزالها مناضتش ودرنالها راديو غير ذراعها مضرورة شوية درنالها البلاطر يامات وتبرى ماشي حاجة وزيدلها كتفها خدش بسيط برك
حسام: يعني راك تقول مابيها والو الحمدلله ياربي ووقتاه تنوض
الطبيب: منعرف شوف تأثير المخذر لي دارتولها لافارميار قبل ماتجيبوها للجرح باه يخفف لوجع
أنت تقرأ
مكتوب💘على ☸قدري 😍😍
Roman d'amourكرونيك جزائرية 💯💯 ادخلو اقراوها وماتندموش هادي اول كرو ليا ممنوع النقل او الإقتباس من دون إذني 💞💞
