نور بعدما خرج امين بعثت ميساج لسوسو: راهو خرج الهدف قومي بالمهمة
اسمهان: خلاص خلاص طيري ازربي كملي خدمتك واخرجي ومتنسايش تحذفي جميع الادلة لي تذبت بلي رحتي عندو
نور: نعرف خدمتي قودي * المهم بعدما خلصت حطت تيليفونها وجبدت الرشاشة تاع البانتورة وراحت للكاميرة لي فوق
الباب ورشت عليها (نشالله تكونو فهمتو )وولات لداخل ديراكت لتسجيلات تاع البيرو تاع المدير ولي صرا هداك النهار
كوبات كلش في لفلاش ديسك وخباتو وسيبريمات ليفيديو لي يثبتو بلي هي راحت عند امين
كي جا امين لقاها قاعدة كي لي مادارت والو كملوحكاو وقصروا شوي وحكاتلو نور بلي بدلوها لولاية خرى وعطاتلو
نيميرو التيلفون وخرجت وهي تتبسم كي الشريرة خخخخ
المهم بعد ماتلاقاو البنات طلعو للمدير باه يسينيو الورق كي خرجو قالتلهم مريم لاسيكريتار باي باي خزرت فيها نور بوحد الخزرة
وقاتلها: مريومة الحبوبة البغلونة وجدي روحك للي راهو جاي باي لحب وهبطو وخلاوها تسك في روحها كي لبغل لمكلوب
المهم هبطو لبنات وراحو ودعو زميلاتهم وزملاؤهم وراحو روحو وكل وحدة راحت لجيهة وخبرو ماليهم يمات نور ماقبلتش
مي هي قنعتها بلي راح تعيش مع سوسو عند خالتها لي معندهاش ولاد وخوها صبر يماه وقالها ليلوش راكي عندك زوج رجال هنا في الدار وخزر في نور وهي تبسمسلو بنص ضحكة وطلعت لشمبرتها توجد في قشها
ترن ترن ترن ترين تران طرنق (متخافوش هادا راهو غير تيليفون نور يصوني خخخخ)
سوسو/ خخخخ متقوليليش مديتيلو نيميرو تاع بو خنونة جاركم
نور/ ايوااااااااااااااه
سوسو/ مسكين غبنتيه جان لي يقلك اعطيلي نيميروك تعطيلو نيميرو بوخنونة
نور/ خخخخخ وش تحبي نديرلهم
سوسو/ كملتي الخطة ولا مازال
نور/ كوبي كوبي دك نكمل مانيش من جور لي يخلي خدمتوفي النص
بعدما كوبات نور راحت فتحت فايس جديد ودخلت للقروب تاع لوبيتال ونشرت الفيديوات وكتبت فضيحة مدير المشفى الولائي مع السكرتيره نتاعو خخخخخ مساكن خلاصت عليهم ماااااااااااال
غدوة مين داك ناضت على 5 تاع الصباح غسلت وولبست ووجدت روحها وراحت كي السراق للشومبرة تاع خوها سرقتلو شارجور تاع البيسي وخلاتلو ورقة *شوشو لعميرة هادي تاع لبيدون تاع لماء حطتهالو توال لبيسي وخرجت ودعت يماها وراحت للمحطة تاع لي بيس باه تتلاقى هي وسوسو ويروحو كيف كيف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هادي لبست نور
هاي لبنات وش رايكم في لمقلب لي داراتو نور للمدير اعطوني رايكم في البارت وفوت وكومنت ياك متخسرو والووووووووو
تشجيعكم يشجعني باه نكمل نكتب ونمد كامل وش عندي نحبكم وتاني نشكر جميع وحدة دعمتني بااااي
