مكتوب💘على ☸قدري 😍😍

♠ بارت 20♠:

سلام لبنات كي راكم نشالله
تكونوا لاباس انا مارانيش
لاباس من اللخر وشنوو
اووااه نتوما تنساو بزاف
ياك راني مخطوفة
كاش ما نزيدلكم ولا
تحوسوني نموت اه
قولو 🤧🤧
ايا نبداو على بركة
الله استغفر الله

دخل هو وعادل للدار مفزوع من لي صرى لقاو الباب مكسر آثار الرصاصة عليه اسمهان مع سمعتهم راحت تجري لعادل حضناتو وتبكي وتترجى فيهم يلقاو ختها شوي هكاك لحقت البوليس دخلوا ودخلت معاهم الشرطة العلمية تعاين في البلاصة هزوا كامل الآثار كملوا خدمتهم وخرجوا إسمهان راحت مع عادل للبوست بوليس باه يستجوبوها وتعاونهم  هكاك ووالو مافادهم التحقيق في والو شكون هادو لي خطفوو نور؟؟ واش يستحقوا منها؟؟ ولا واش دارتلهم؟؟  ووين داوها؟؟ وكيفاش راهي دوكا؟؟ هادو كامل حارو فيها باينين ناس مش عاديين اصلا الرصاصة لي هزوها من موقع الجريمة رصاصة غريبة شوية لا تاع الخارج لا تابعة لعصابة مافيا امريكية لا ايه ومن غيرها هاديك العصابة لي مشتتاهرة بهاد النوع تاع الرصاص ولا تاع السلاح؟؟ اوووف شكون هادو واش يبغوا منها هي حتى متسكنش في الخارج؟؟  جاز شهر وهوما يحوسوا عليها حسام هبل حوس عليها في كل شبر ملقى والو راح لكامل أعدائوا مي والو صح هوما منافسينوا في الإقتصاد وعندهم بزاااف قوة بصح متيستفادو والو كي يخطفوها راح لآدم هدو اما آدم خاطي راح لخليل اما خليل خاطي بقى قدامو مشتبه فيه واحد عبير!!
ايه ومن غيرها!!! عبير كي تعميها غيرتها دير كلش وي تموت على الإنتقام وبزايد هي بنت سي فؤاد****
عندو معارف بزاف وهي تتحكم كي باباها تسمى تقدر تتواصل مع هاد العصابات كي والوو ناض بعد ماخمم في هاد الإحتمال مخو راح يترشق من التخمام هز لافاست تاعو مفاتح لوطو ديالو وخرج ركب وديمارا ديراكت لدارها لدار عبير٠٠٠٠٠
-----------

عند نور:

شانحكيلكم وشانخليلكم مسكينة مرمدوها شهر كامل وهي بلا ماكلة الضرب كل يوم تدي فيه ضو ربي ماشافاتوش وجها ولا كامل احمر غير من لي طراس تاع الضرب كل يوم تحاول تتقاوا على روحها اما ميفيدش قوتها مكفاتش باه تواجه هادا كامل كل يوم تزيد تضعاف وتزيد صحتها ونفسيتها ترشى صرى فيها الباطل في هاد الشهر ذاقت الويل تعيط واحد مايسمعها تستنجد وبيمن تستنجد بصح هادو شكوني وش يبغوا منها هي شادارتلهم سؤال محير هي كيفاش طاحت مع عباد ولا وحوش كيما هادو زهرها ديما مقود والدنيا معاكستها فقدت الأمل أنها تخرج حية من هاد البلاصة تتفكر في حياتها مع باباها لي توفى وهي صغيرة مع يماها لي كافحت علاجالها مع خوها وصاحبها لي ديما يوقف معاها في وقت الشدة وميخليهاش ذكرياتها مع صحبتها وختها واش كانوا يديرو أحلامهم كي يدابزو في الكلاسة ويقسموا الطابلة تاعهم من القلقة وبعد ربع ساعة يتسامحو (هادي  انا وإسمهان ختي وآنتيمتي  كي ندابزوا في الكلاسة😂تحية ليك جغنونتي 😝)