مكتوب💘على ☸قدري 😍😍

♥بارت13♥:

كمل بيها حسام للبارك داها لعبو شبعو فرح وطفل لي تجوز عليه نور يدوموندي منها نيميرو تيليفون ومستر تشناف وش قاعد يدير لي يشوفو يخزر فيها يخزر فيه خزرة تاع مووت حتى يحط راسو ونسيت نقلكم ضرب واحد كان يطيش لنور في الكلمات يخدم تما قتلو بالضرب ماجاو يفكوه من بين يديه غير بالسيف وداها وراحو روحو مع 20h تاع الليل باه وصلو المهم جوزو آجورني هبال وكي ولاو للدار حكى حسام ليماه وقالها توكل بزاف وريشتني تعشاو وراح كل واحد لبيتو باه يستراح

"صباح🌄جديد واحداث جدد على أبطالنا: "

*عند حسام ☸☸: *

ناض الصباح فرحان على غير عادتو ايه باسكو تأكد من حقيقة مشاعرو لي يكنها لنور وقرر انو يعترفلها
ليوم ويطلب منها تكون معاه وتكمل حياتها معاه الدنيا مشي سايعاتو حاب يخرج للناس لكل ويقلهم ياناس انا نحب انا نحب نور ونموت فيها فرحان لأنو الطفلة لي حابها راح يكمل حياتو معاها راح تكون حلالو ليه وحدو كل يوم يصبح بوجها راح عمل دوش ومشط شعرو وبرفن وهبط للفطور لقى لعايلة كامل متلايمة على الطابلة حوس عليها ملقاهاش  قعد يحوس عليها بعينيه بالاك تخرج في اي لحظة مي هي طولتها ماجاتش مقدرش يصبر سقسى يماه
------------
حسام: يما وين راهي نور مشفتهاش ياك راهي لاباس؟؟؟؟؟
زينب: لالا ياوليدي نضنها عيانة برك 😊😊
خلود: يااو النوري ونعرفو باين بات يكونيكتي 🙂
حسام: مممم معليش مي لازم تفطر
خلود: وي الفطور لازم هي عندها فقر الدم شوية حاد من بعد نديلها اماما 🙂🙂🙂
زينب: وي بنتي لازم نحرصو عليها
خلود: اماا غير نور لي متسمحش في كرشها كون يخيروها بين كرشها وبين حسام تخير كرشها (وخزرت في حسام 😏😏😏)
حسام: ايه قوليلي وانا واش دخلني بينها وبين كرشها حتى تخير بيناتنا 😑😑😑
--------------
ناضو كامل يضحكو عليهم كملو فطرو جاو لخديمات هزو الطابلة وكل واحد راح لشومبرتو من غير حسام لي راح للكوزينة باه يدي لنور تفطر
--------------------------------------------------------------------------------

"عند نور: "

كانت راقدة وتشوف في روحها مع حسام ودايرين بيهم 9 ولاد (معوليين يديرو ايكيب نتسيونال😂😂😂😂)  وكل واحد يجبد فيها من جيهة واحد يقلها بدليلي ولوخر اديني ولوخر وكليني وهاداك دوشيني حتى تفجعت من لخبيط ناضت مفجوعة لقاتهم الجيش الإنكشاري وأعوانه دايرين بيها ومربعين يديهم ويخزرو فيها بخزرة المووت 😂😂😂
❇❇❇❇❇❇
شروق:  نوض يانوري خلات عليك

نور: سمله الرحمان الرحيم اشهد لا إلاه إلا الله وان محمدا رسول الله ماذا هناك ياقووم 😱😱😱
خلود: لقد حكمت عليك الجبهة بالإعدام يانوري وجد روحك 😒😒
نور: ماهذا ياهذا من اين اتيت بهذا يانذير ياصاحبي هل منك سيريو 😣😖😖😖
ايمان: جدك الحلوف نوضي شونجي قشك علينا اتحركي حنا نستناو فيك
نور: ياخلاياا فواش تستناو
خلود: رانا نستناو فيك تفرغيلنا القرع 😏😏😏
نور: واش من قرع وواش راكم تخلطو مافهمتش
شروق: تحكيلنا واش درتي نتي وحبيب القلب وواش شريتو ووين درتوا وواش كليتوا ايا تحركي حنا نستناو قودي 😒😒😒
نور: وشنو واش راكم تخلطو حبيب القلب شكون حسام؟ 😶😶😶😶
خلود: والله ونحسب منا للثلاثة ونلقاك قدامي تخلاص عليك بايتة مع الجاجات 😒😒
نور: (بقات واقفة 😐😐😐)
خلود: تسمى معولة تباتي معاهم واحد☝ زوج ال(خخخخ نور هربت تجري راحت دخلت لدوش وسكرت الباب)
نور: هانذير صحبي علاه الجاج دك ندير دوشة ونحكيلكم واش تحبو 😅😅😅
------------------------------------------------------------------------------------نوليو لعند حسام لي كان لاتي في الكوزينة يدير في القهوة لنور 😂😂😂 ويوجدلها في البلاطو المهم كمل ديكوراه وستيكاه وراح جاب بوكي ورد  احمر جابولو لاجارديني وحطلها بارفان وبرية (السيد راح فيها 😂😂😂)