نهوه ابن عمي 🙁

البارت 3

ضّلَيِّتّ أّنِهِ أّلَعٌطّشٍأّنِ
وِأّنِطّيِّتّهِ شٍطّيِّ
أّنِطّيِّتّهِ عٌمَريِّ وِخَأّنِ جأّ
بِعٌدِ شٍنِطّيِّ

••••••••••••••••••••••••••••••••••••••••••••••••••
ذياب:اخخخ يابه من لسانها اطول منها صعدت لغرفتي طلعت ملابسي دشداشه جوزيه وجراويه ودخلت للحمام كملت وطلعت عدلت نفسي ولبست ساعتي والمحبس ونزلت لكيت غزل كاعده يم جدي وتضحك وسولف ويا انتبهت علئ ملابسها عقل ما ضل براسي بنت ال... ملابس ضيكه وكاعده بنص ولد عمي رحت للمطبخ لكيت اختي هناك
ذياب: كمر
كمر: هاا خويه
ذياب بعصبيه مكتومه: تروحين لغزل دكليلها تغير ملابسها لا ادفنها
كمر: اي اي خويه رايحه رحت لغزل لان الشيخ مبين عصبي
غزل: نزلت جوه سلمت عليهم وجدو أشرلي اجي اكعد يمه رحت كعدت وهو حضني ضلينا نسولف ونضحك شويه واجتي زينب كعدت يمي همس الها
غزل: زينب
زينب: هاا
غزل:هاي افراح شبيها شايله خشمها للسمه وتباوعلي بحقد عبالك كاتله رجلها
زينب: يي غير هيه تحب الشيخ والشيخ ما يطيقها وما منطيها وجه بس هيه لزكه اله فد لزكه
غزل: كبر واني شعليه بيها هيه والشيخ
زينب: يااا شلون شعليج غير انتي (وسكتت)
غزل: اشش يمعوده لا دوخيني بهرقل والبومه عسئ ما نارهم تاكل حطبهم شعليه بيهم
زينب: هههههههاي  (ضحكت بصوت عالي بحيث الكل انتبه علينا) 
الكل: شكوو ضحكونا وياكم
غزل: لا لا ماكو شي وكرصت زينب ولج فضحتينا شكو ضحكتي
زينب: غير من وراج ومن وره سوالفج
غزل: دسكتي لا اموتج
اجتي كمر صاحتني رحت وراها وكفنا باب المطبخ كالتلي
كمر:غزوله حبيبتي روحي غيري ملابسج
غزل: ليش ما بيهن شي ومرتاحه بيهن ما اغيرهن
كمر: فدوه غيريهن لا صير هوسه الشيخ كال خلي تغيرهن
غزل بعصبيه: ليش هو منو الشيخ امي ابوي اخوي علمود انفذ الي يريده ما اغيرهن لو مدري منو يجي انداريت اريد اروح ما احس غير ايدي انجرت ولطخت بذياب (ياا عزه هذا شجابه) لازم ايدي بقوه وايده الثانيه لزم بيها فكي حسيته انكسر من وره القوه يحجي بعصبيه وعيونه دم
ذياب: غزل وربي اذا ما تروحين تغيرين ملابسج هسه احركج انتي وياهن فاااهمه لووو لا
غزل: صراحه ما انكر خفت من عنده ومن عصبيته بس قويت نفسي ودفعته وكتله ما اغيرهن لو تموت ورحت كبل لغرفتي باوعت للمرايه وهجي صاير احمر واثار اصابعه مبينات علي وجهي امداك مو ايد انسان ايد وحش
ذياب: يابه هاي حالفه تجلطني ياله ترتاح شلون بيها ام راس يابس هدئت شويه ورحت يمهم
ذياب: السلام عليكم
الكل: وعليكم السلام شيخ
الجد: تعال يالغالي
ذياب: رحت بست راس جدي وكعدت يمه
الجد: وليدي تحضر باجر عدنا كعده نحل مشكله ابو تحسين
ذياب: متحضر شيخ انشالله شغلته مكضيه
غزل: ضجت صالي ساعه كاعده ويه اربع حيطان غيرت ملابسي عندي كلبيه ماما جابتها الي لونها سمائي ومطرزه بذهبي كلش حلوه رهمت شال وياها ونزلت شافني ذياب وخزرني ما هتميت اله رحت كعدت بمكاني
زينب: جنت بالمطبخ اغسل ماعين ورافعه دشداشتي ليفوك وشالي شامرته علئ اكتافي لأن كلت محد يفوت للمطبخ كلهم مشغولين ب سوالف مندمجه واغني بصوت ناصي بس سمعت صوت ورايه
احمد: احممم احممم
زينب: لتفت وره لكيت ابن عمي احمد صافن عليه عززره شكد عيب يا كاع نشكي وبلعيني بسرعه عدلت نفسي ولبست شالي وكتله ااسفه ما نتبهت
احمد: عادي ولا يهمج بس انتبهي بنيتي خاف احد يشوفج هيج
زينب: هااا يي انشالله. انثولت هذا شبي يكلي بنيتي
احمد:  اجه دوري اعرفك علئ نفسي
اني احمد عمري 29 سنه حنطاوي علئ سمار عيوني حادات ولونهم عسلي طولي 179 اني وابن عمي الشيخ ذياب روح بالروح مخزن اسراري هذا وعندي بي ثقه عمياء اني احب بنت عمي زينب بس ما تدري هيه اليوم اجيت علئ بيت جدي دخلت من المطبخ جان اشوفلك اميره كلبي تغني وشعرها نازل علئ خدودها ضليت صافن عليها طلعت صوت وهيه خطيه جمدت ضلت صافنه مثل الصنم حجيت وياها ودخلت جوا
غزل: مر هذا الاسبوع يوميه نفس الروتين ماكو شي جديد اليوم باليل الساعه 11 هم متعودين ينامون من وكت لذالك الكل نايم اني متعوده اضل سهرانه ف طلع للحديقه الجو حلوو والنجوم الي بسمه بعد احلئ كعدت علئ مرجوحه سمعت صوت بزونه كمت رحت عليها لونها يجنن اسود ورصاصي تقربت عليها شويه شويه شلتها ضليت احجي وياها
غزل: يحلوه شسوين هنا حبيبتي ماما وين لعد عافتج وراحت جوعانه تردين اكل رحت جبت الها كامت تاكل واني اسمح  علئ راسها بيدي فزيت علئ صوت ذياب
ذياب: شسوين هنا وليش لسه كاعده بويه
غزل: جاي العب ويه البزونه وما نعسانه ما متعوده انام من وكت
ذياب: ماشي بس ديربالج لا تعورج ومن دخلين غسلي اديج لا تتاخرين
غزل: ماشي اكو بعد اوامر ثانيه يالشيخ
ذياب: لا ماكو ........ يتبع