نهوه ابن عمي 🙁

بارت 8

♪♪♪♪♪♪♪♪♪♪♪♪♪
مَأّعنِدِيِّ َّسبِعٌ عٌيِّوِنِ
وِلَأّ عٌنِدِيِّ َّستّهِ
شٍوِ هِنِ بَِّس أّثّنِيِّنِ
وِتّأّرَّسهِنِ أّنِتّ
      😘
♪♪♪♪♪♪♪♪♪♪♪♪♪

غزل:ضلينا كاعدين نسولف اني عفتهن ونزلت للمطبخ اشرب مي لكيت افراح بالمطبخ (كلت بكلبي اهووو هم هاي شي اكيد راح تسمعني كلمه خلي اشرب مي واطلع) شربت مي واجيت اطلع حسيت ايدي انجرت حيلل من افراح
غزل:اخخخخ هاي شبيج
افراح;باوعي ولج لا عبالج ذياب خطبج يعني اخذتي مني لا تحلمين تاخذي مني ذياب الي وبس
غزل بأستهزاء:ههه شنو سوين بلا
افراح:يي اضحكي يجي يووم ودكومين تبجين وره ما اخذ ذياب واسويج خدامه الي
غزل:لزمتها من فكها وكتلها باااعي لج لا انتي ولا اكبر وحده مثلج تكدر تذلني واذا علئ ذياب مستحيل يعوفني لو يريدج هوو جان اجه خطبج من البدايه بس لا اصلا ما يطيقج ف كافي لواكه يااحلووه وابتعدي عن طريقي لا اشوفج شي ما يعجبج
افراح:اني الج يااا غزل شوفي شنو راح اسوي بيج حقيررره
غزل بأستهزاء:هاهاها سوي الي يعجبج اعلئ ما بخيلج اركبه عفتها ورحت فورت دمي هل حيوانه
زينب:اجتي غزل ومبين عليها ضايجه وجها صاير احمر كتلها شبيج غزل
غزل:لا مابيه شيي
زينب:شلون مابيج شي وانتي مثل الواحد الي مشربي سمم احجي
غزل:سولفت الزينب كلشي
زينب:وولللج عززه ديري بالج منها ترئ خبيثه هاي كلشي اسوي
غزل:هففف اسكتي كافي يعني شتريد تسوي
زينب:والله ما اعرف بقت يمج شويه ودخلت بنت اخوي ميس عمرها 6 سنين كالتلي زنوبه جدوو يريدج
زينب: يروح زنوبه انزلي جايه وراج عفت غزل بالغرفه ونزلت يم بابا
ابو زينب:هلا بحبيبت ابوها شلونج بنيتي
زينب بأبتسامه:بخيرر اذا انت بخيرر بابا
ابو زينب:تعالي ياروح ابوج اريد احجي وياج بكم كلمه
زينب:يي بابا اتفضل
ابو زينب:ايي يابنيتي سنه الحياه تكون من واحد يستقر ويكون نفسه ويكمل نص دينا
زينب:ضل بابا يحجي بالزواج وسنه الحياه والنصيب
ابو زينب:ف ياا حبيبتي اليوم عمج ابو احمد طلب ايدج لأبنا احمد واني وافقت بس هم اجيت اخد رئيج ترئ احمد رجال عليه العتب وكد حجايته واخوا خيته ما تلكين احسن منه هم ابن عمج وتتفاهمون احسن من الغريب
زينب:ضليت صافنه بوجه بابا هذا شبي احمد مستعجل ما توقعت بهل سرعه يجي
ابو زينب: هاا شوو سكتي
زينب:هاا بكيفك بابا شور شورك
ابو زينب:لا بابا منو راح يزوج اني لو انتي اريد اسمعها من عندج موافقه لو لا ما دام الشغله بعدها بارده علمود ننهيها
زينب بخجل:يي بابا موافقه كلتله هيج وشردت للغرفه يم غزل ايدي علئ كلبي احسه راح يوكف من كد ما يدك سريع
غزل:عافتني زينب وراحت لعموو واني نزعت الشال ولميت شعري طوبه وره ربع ساعه اجتي زينب خدودها حمر وبس تبتسم
غزل:هييي زينب شبيج وين فاقده الووو بعدني ما مكمله كلمتي جان اسمعلك الهلااهل ترج البيت رج عفت زينب ونزلت اشوف شكوو
غزل:كمررر شنوو هاي الهلااهل شصاير
كمر:هاي لأن احمد طلب ايد زينب وبعد اسبوع النيشان
غزل:عااا صدك اياا حقيره يازينب ما كالتلي واني اكول ليش تبتسم للهوئ
غزل:رحت عليها ودفرت الباب خطيه فزت 😅 كتلها ولج ليش ما كلتيلي احمد اجه يخطبج عابت
زينب:ولج شمدريني اصلا اني نصدمت ما توقعته هيج مستعجل هههه
غزل:الف مبروك حبيبتي تستاهلين
زينب:الله يبارك بيج
غزل وهيه تغمز الها:والله عرفت من وراكم شي انتوا الأثنين عيونكم فاضحتكم سولفيلي من شوكت
ضلت تسولف الي زينب لحد ما كملت مره الاسبوع بأقصئ سرعه ما حسينه بي كل يوم نطلع للسوك نشتري ملابس وشغلات الخطوبه وزينب واحمد اشتروا الذهب واليوم الخطوبه اني اشتريت فستان اسود يوصل لركبه وبي حزام مطرز بذهبي وتكرمون حذاء ذهبي ومكياج خيفف وشعري خليته مفتوح ونزلت لكيت زينب طالعه مثل الأميره كلش حلوه
زينب:خلصت هذا الأسبوع واني مكسور ضهري يوميه رايحه للسوك اشتري ملابس وذهب وكومه شغلات واليوم هوو خطوبتي اخوي وصلنا للصالون اني وامي وعمتي بدت ام الصالوون تحفلي وجهي وحواجبي وتنضيف للبشره وبعدين بدت بالمكياج والتسريحه كملت وكمت البس الفستان جان شكله ابيض علئ ذهبي مخصر علئ الجسم مو كلش قصير الصدر مالته فضيحه لبسته وباوعت علئ نفسي اتغيرت 180درجه كلش طلع حلوو وامي وعمتي يقرن معوذات فوك راسي وهلاهل اجن اخوي اخذنا وصلت للبيت وانه راسي متفشخ من وره الجكليت وصوت الهلااهل كلش عالي كعدوني علئ كرسي واغاني وركص شويه ونزلت غزل طالعه تخبل اجتي يمي باركتلي
زينب:لج غزل متوتره
غزل:لا تتوترين حبيبتي الله يتممها علئ خير
زينب:كالوا اجه الشيخ يعقد الكم جيبوا العروس يم الباب كومتني امي وغزل وكعدني وره الباب علمود اسمع صوت السيد وحطوا قرأن بيدي وحبات مال هيل بين اصابيعي ورجلي بمي ورد وياس وفوك راسي قطه بيضه وبيها شكر لازماتها كرايبنا بدا اليسد يحجي ايات قرانيه لحد ما كالي بنتي هل انتي موافقه علئ الزواج ان قبلتي قولي نعم وانت وكيلي ردده ثلاث مرات واني كوه نطقت كلمه نعم جسمي يرجف اشتغلات الهلااهل ورجعوني المكاني شويه وكالوا احمد راح يدخل يلبسني الذهب دخلت وباسني من راسي وهمس يم اذني مبروك عليج ياحلاالي لبسني الحلقه واني هم لبسته وايدي ترجف واجه علئ كلاده شاورني وكالي
احمد:علئ كيفج يحلوه لا ترجفين ترئ ما اكلج هسه وهوو يغمز الها اني بعدين حصتي
زينب: فتحت عيوني علئ كبرهن ولا يستحي شكد جريئ طلع احمد وخلصت الحفله واني رحت كبل نزعت الفستان ودخلت للحمام امسح المكياج وافتح التسريحه واسبح وانام كملن ورحت كبل نمت من وره التعب ومادري بعد شصارر ما صارر
غزل:خلصت خطوبه زينب واني رحت ابدل ملابسي لان لو شايفني ذياب يتخبل ههه مايقبل مرر ثلاث ايام من بعد الخطوبه وبتجر احناا نرجع لبغداد العصرر كاعده وحدي بالغرفه ضوجه كلت خلي انزل اروح للحديقه جاي انزل من الدرج بقت اربع بايات جان اتزحلك واوكع من الدرج
غزل:اخخخخخخ ماماا الحكيلي اهئئ احس عضامي كلها تكسرت ودم ينزل علئ عيوني واسمع ذياب اجه
غزل:ذيااااب اهئئ اهئئ رح امووت اخخخخخ بعد ما ادري شنو صار
ذياب:غزززل غزززل جيبوا الها عبايه بسرعه خللللي اخذهااا للمستشفئ شلتها وطلعت للسياره واني ادعي ربي كون مابيه شي هاي روحي من الدنيا اتخبل اذا صارر بيها شي يارب دخيلك وصلت المستشفئ واني اصيحح التموا الدكاتره واخذوها وره فتره طلع الدكتور
ذياب:هاا دكتور بشرر شبيهاا اكدر ادخل
الدكتور:شيخ ذياب عدها كسر بأيدها الأيسره ورجلها الأيمن وجرح بسيط براسها جبرنا الها ومابيها غير العافيه
ذياب:اهاا تسلم دكتورر اكدر ادخل
الدكتور:يي تفضل شيخ
ذياب:دخلت واشوف غزالتي نايمه بالفراش ورجلها وايدها مجبسات وشاش علئ راسها وأثار دم علئ خدهاا تقربت يمها بس لوو اعرف شلون وكعتي ......

السلام عليكم حبايب عندي حجي وياكم واريد رئيكم بي
1/ احب اعتذر منكم علئ التقصير بس والله ضروف ودانيا حاره وكهرباء مو زينه ومنا الأوضاع فد مره تعبانه واسفه علئ خاف اكو اخطاء بالكلمات
2/شنوو رئيكم بالسرد تحسوو صعب لو سهلل استمرر هيج شي لوو اغيررر

وهسه تعالوا وياي اسمعوا هاي الأغنيه 😅