نهوه ابن عمي 🙁

بارت 14

    أّنِهِ أّعٌتّرفِّ ګلَبَِّيِّ
           أّنِګَّسر
وِأّنِهِ أّعٌتّرفِّ صٌأّر أّلَألَمَ
  مَثّلَ أّلَمَرضّ بِيِّهِ أّنِتّشٍر
⭐⭐⭐⭐⭐⭐⭐⭐⭐⭐⭐⭐⭐⭐⭐
ذياب:رجعت للبيت بعد ما مليت وتعبت من كد ما دورت عليها وما لكيتها اذكرت عمي ابو غزل ما اتصلت عليه يجوز راحت يمهم
ذياب:الووو السلام عليكم شلونك عمي
ابو غزل برود:وعليكم السلام الحمدالله بخير
ذياب:ضليت شويه اسولف وياا وحسيته رده ثكيل عليه سئلته عن غزل
ذياب:عمي غزل يمك موو؟
ابو غزل:يي يمنا ليش شتريد منها
ذياب:اريد ارجعها وافهمها السالفه شنوو
ابو غزل:غزل ما الها رجعه الك اول شي اني جبرت بنتي حتئ تزوجك لان اعرف راح تصونها بس مال تزوج عليها لا ما اقبلها وهيه القرار قرارها اني ما الي دخل شنو تقرر اني ويها
ذياب:اعصابي تلفت فد مره كوه كامشهن لا افلتهن علئ عمي من وره حجي غزل من غير طلعتها من البيت بدوون ما دكلي وتاخذ شوري
غزل:مرر اسبوع علئ جيتي يم اهلي وبابا بنفس اليوم كالي ذياب اتصل يريد يرجعج ويفهمج السالفه كتله بابا ما اريد ارجع ولا اريده يفهمني فاليوم عطله الكل كاعد بالبيت مجتمعين بالحديقه انتدكت الباب كام اخوي علي يفتح
علي:منووو فتحت الباب واشوفلك
كلت بصوت عالي ذيااااب
غزل:بس سمعت اسمه احس صار مغص بمعدتي ما اعرف ليش كبل كمت وصعدت لغرفتي وقفلتها ما اريد اشوفه
ذياب:يي ذياب شنوو ما ضيف يااا ابن عمي
علي:لا لا اتفضل ادخل
ذياب:دخلت سلمت عليهم بس كلهم وجوهم ثكيله عليه وهمه ما يدرون انجبرت اخذها لهاي أفراح
باوعت علئ ابو غزل وكتله عمي غزل وين اريد احجي ويها
ابو غزل:بغرفتها ابني
ذياب:احممم جا اروحن احجي ويها
ابو غزل:روح ابني البيت بيتك
ذياب:كمت من يمهم ورحت لغرفه غزل
ام غزل:شجاك يارجال ليش خليته يروح الها انت ما شفت حالت بنتك
ابو غزل:اعرف حالتها كلش زين بس لازم تنطي فرصه يشرح الها احسن من ما ضل معنده وتريد الطلاك وهيه حامل شنوو ذنب الطفل يجي علئ الدنيا بعيد عن ابوو من وره شغله تافهه
ام غزل:والله ما اعرف شكول الك
غزل:وره ما دخلت بغرفتي ضليت اجول بيها اروح منا واجي منا شيريد شنعده جاي النا مرت عشرر دقائق وباب غرفتي اندك
غزل:منووو
ذياب:انه ذياب غزل افتحي اريد افهمج السالفه
غزل بتوتر:ماكو شي اريد افهمه خلص عوفني بحالي وارجع لحبيبت كلبج أفراح
ذياب بحده:غزززل تفتحين الباب لوووو اتصررف غيرر تصررف وياج
غزل:مااا افتحه شنووو تسووووي يعني
ذياب:هينه يغزل انه الج
غزل بجمود:ذياااب
ذياب برود: هاااا
غزل:طلكني
ذياب بعصبيه:بااااعي لج غززل مووو تشوفيني متساهل وياج حيل كلت بعدها طفله ما اريد اقسئ ويها لا تخليني اشوفج وجهي الثاني قسما بالله اذا كلتي هاي الكلمه مرره ثانيه احط طلقه براسج وما اطلكج لووو اعررف اكتلج بيدي وما اطلكجج فااااااهمممه
غزل:بس كلت هل كلمه اجاني صوته اليرعد رعد اكتفيت بالسكوت لأن اذا حجيت بعد كلمه زايده ما عنده مانع يكسرر الباب عليه شويه وحسيت صار هدوء
ذياب:تريدني اطلكها ههه تحلم بالحلم اطلكها عفتهم وطلعت بدون ما اسلم عليهم اعصابي صايره نارر
كبل رجعت للبصره ومرتين اجيت اسوي حادث من وره السرعه وعصبيتي لو يمي هسه جان موتتها
غزل:بعد الي صار اخرر مره مرر شهرر كامل وذياب دائما يجي واني اصده بطني بدت تكبرر وسمنانه
دك جهازي باوعت شفتها زينب اويللي شكد مشتاقه الها
زينب:الووو غزوله حبيبتي شلونج خيه
غزل:يارروحها لغزوله الحمدالله بخير انتي شلونج عمتي وعمي مشتاقتلكم كلش
زينب:دومج يعمري احنا كلنا بخيرر اشتاقينه الج ما ناويه ترجعين
غزل بقهر;خيه عليمن ارجع خليني هيج مرتاحه احسن
زينب:غزل ليش تصيرين انانيه ذياب صحته مو زينه من بعدج من طلعتي لليوم الليل ما ينامه وبس يشرب جكاير وحالته حاله
غزل بتهرب:واني شعليه بي كافي سدي المووضوع
زينب:ارجعي فكري زين غزل لا تخسرين ذياب ترئ يحبج
غزل:سكتت ما رديت شي
زينب:المهم انه اتصلت عليج حتئ اخبرج بشي حلوو
غزل:شنووو هذا الشي
زينب:الأسبوع الجاي عرسي اني واحمد واريدج موجوده
غزل:يعمري الف الف مبروك تستاهلين كل الخير يي طبعا اجي اذا بعرسج ما اجي بعرس منو اجي
ضلينا نحجي شويه وسديته منها كلش فرحت الها لأن جانوا اثنينهم معندين ومزاعلين ههههه
زينب:بعد عركات وعناد كلش طويل مني ومن احمد قررنا نزوج (ما اكتب الكم العركات احسن 😂اريد اختمها تعبت 😫) بهاي الفتره كلها انه يوميه اطلع للسوك اجهز للعرس خلص الأسبوع وباجر الحنه مالتي نمت وكعدت الساعه ب 10 الصبح غسلت وبدلات وتريكت ورحت للصالون اني وامي وعمتي وغزل طبعا اجتي قبل يوم وكلش فرحت بجيتها المهم ام الصالون جانت تشتغل بكم وحده خلصتهن واجتي الي تنضيف ومدري شنوو سوتلي مكياج هادء وتسريحه بسيطه ورحت لبست البدله مالتي كولش حلووه طلعت