نهوه ابن عمي 🙁

بارت 11

جِذّأّبِ أّلَيِّ يِّحٌبِ عٌيِّوِنِګ بِګدِيِّ 👀😍

••••••••••••••••••••••••••••••••••••••••••••••••••
ئغزل: صلينا وكملنا ورحت جهزت الأكل علئ المائده وذياب احسه يراقبني بعيونه كلش توتر كعدنا ناكل وهوو يسويلي لفات صغار ويوكلني ما اكلت هواي مع العلم اني ميته جوع بس ذياب وجوده يمي كفيل علئ ارتباكي وخوفي كمت غسلت ورجعت لكيته مكمل لميت الأكل الي بقئ وذياب راح يغسل ما حسيت غيرر علئ ايد ذياب علئ خصري وبده يتقربلي شويه شويه وتم كلشي وصرت مرته (هاا شكوو تريدون رومنسيات موو ادري بيكم بس ماكو ختمتها كبل احسن ما ادخل بالعميق 😂😂)
ذياب:كعدت الصبح الساعه 8 غزل بعدها نايمه علئ ايدي ضليت العب بشعرها وجها وحسيتها ضاجت
غزل وهيه نايمه:يااا ماما خليني نايمه ليش تكعديني
ذياب:هههههه لج بويه اكعدي انه موو امج
غزل فزت من النوم: هااا شوكت كعدت
ذياب:قبل شويه صباحج حلوو مثلج عيونج غزالتي
غزل بخجل:صباح الورد
ذياب:يلا امشينا نجهز نفسنا علمود نطلع هسه الأهل ينتظرونا
غزل:يي كايمه احضر نفسي كمت طلعت ملابس الي ودخلت للحمام كملت وطلعت لكيت ذياب ع نومته
غزل:ذياب كوم احضرلك ملابسك تسبح
ذياب: يي بويه نسبح ليش لا وغمزتلها
غزل:دخل ذياب يسبح وطلعتله ملابسه واني لبست فستان ابيض وبي حزام وردي ولبست شال وردي وتكرمون حذاء وردي وجنطه صغيره لون ابيض وحطيت مكياج ( الفستان نفس هذا بس الحزام وردي)

طلع ذياب وكصني بعيونه كص يباوعلي من فوك ليجوه
ذياب:ربي خلقج انتي لوحدج وبس اميره طالعه
غزل:ما رديت عليه اجه اتقرب مني
ذياب:بست راسها اروح فدوه للخجلان
غزل:راح ذياب يلبس ملابسه العاديه  دشداشه بيضه ومطرزه بيجي من الادين والرقبه ولبس شماغ سواه كلش حلوو ومرتب وطلعنا رحت لهلي ودعتهم لان راح نروح للبصره طول الطريق اني وذياب نسولف لحد ما وصلنا البصره دخلنا بالفرع مال البيت هوسه عمامي وجدو ولد عني وناز غربه جنت جايبه عبايه وياي لبستها واول ما نزلنا اشتغل الرمي والهوسات كلبوا الدنيا كلاب
ذياب:غزالتي لزمي عباتج زين وادخلي يم النسوان
غزل:حركت راسي بمعنئ يي ودخلت للبيت تلكتني عمتي ام ذياب وزينب وكمر وباقي النسوان بالهلااهل والجكليت
ام ذياب: هلا هلا يمه شايفه كل الخيرر بنيتي منه المال ومنج العيال
غزل:تسلمين عمه
زينب:كلللللووووش الف الف مبروك حبيبتي بالرفاه والبنين
غزل:ياكلبي يوم الج وافرح بيج
زينب:فدوه لكلبج
غزل:ضليت اسلم علئ الموجوين من عماتي ونسوان عمامي وبنات عمي نص منهم يباركلي من وره خشومهم عابت علئ اساس اني ميته عليهم وافراح ملشفتها لا هيه ولا امها لان ذياب طاردهم من البيت وما يبقل يدخلون متت تعب من كد ما سلمت تالي اجتي زينب اخذتني للغرفه جانت كلشش حلوه وراقيه هيه جبيره وببها حمام داخلي يعني غرفه كامله مكمله مابيها اي نقص ومرتبيها مكياجي مرتبي وملابسي مرتبات كعدت علئ الجربايه واني مهدود حيلي منا الطريق طويل ومنا الهوسه
ذياب:بعد ما وصلنا بيت اهلي وغرل دخلت جوا اجوي ولد عمومتي وعمامي وشيوخ كبار يباركولي وسووا هوسات وجوبي
احمد:وهوو يحضنه كل الهلا بشيخ ذياب نورت الديره بوجودك شايف كل الخيرر يخوي يوم الي اشوف الشيخ الصغير
ذياب:ديره منوره بأهلي ابوو ادهم تسلم يالغالي يوم الك وازفك بيدي انشالله
احمد:هانت هانت انشالله ما بقئ شي شهرر وازوج
ذياب:يي الله يتممها علئ خيررر. ضلينا كاعدين بالديوان للعصر بعد ما غدينهم وبدت المعازيم شويه شويه تروح متت تعب اترخص منهم وصعدت لغرفتي
غزل: بعد الهوسه وكل ساعه وحده جاي تباركلبي صبوا غده للنسوان البنات ما قبان اساعدهن يكوللي بعدج عروس للعصر البيت خف منه الناس واني صعدت لغرفتي سبحت ولبست دشداشه سمائيه قصيره ورحت للفراش
ما احس غيرر الباب انفتحت شفته ذياب ابتسمت بوجه مبين عليه التعب هوو هم ابتسلمي ودخل للحمام يسبح كمل وكبل اجه حضني ونمنا 
زينب: بعد ما اجتي غزل وذياب من بغداد الصراحه كلش فرحتلها لان الشيخ ذياب مبين كلش يحبها وصح غزل عنوديه وراسها يابس بس ماكو مثل طيبه كلبها المهم العصررر ورئ ما راحن النسوان طلعت للحديقه الوره البيت  اجيب الصونده مال المي وجنت رافعه دشداشتي والشال حاطته بأهمال لأن ادري محد يجي للحديقه الي وره البيت بس فزيت علئ صوت احمد وهوو يصيح
احمد:لجججج زينببب جاي سوووين هنااا هاااا منووو كالج طلعين
زينب بخوف من صوته:هااا مووو اجيتت اخذذ الصونده مال المي ليش شكووو وذاا طلعت
احمد وهوو يتقرب عليها:لزمتها من زندها واعت بيها باااعي لجج اذا طلعتي باب المطبخ رجليج اكصهن افتهمتي لوو لا ما شوفين كوووومن زلم هنااا
زينب:نترت ايدي منه لان صدك عصبني اني وين طالعه هسه كتله شببببيكك احمممدد هسهه انيي وينن طالعه واصلاا ماكووو احددد يجي هناا علئ شنوو هل صياح لووو انت بس تريد تناكر ويااي
احمد بعصبيه مكتومه:زينب امشي ادخللي جووه لا ارتكب بيج جريمه
زينب بصياح:ماا معليك بيه انتت عوفني
احمد:ضربتها راشدي علئ وجهااا صوووتجج ما يعلئ عليه مفهوم انه ما عندي مره صوته يلعلع وهسه امشي انكلعي كدامي لا ادفنج هنا ومحد يدري بيج
زينب:ضربني راشدي وضل يحجي عليه انه كلش انقهرت وحزت بنفسي هاي بدايتها هيج لعد لوو نزوج شلون يمكن يموتني كتل عفته ورحت اركض والدمعه بكرف عيني اي احد يحجي وياي ابجي دخلت لغرفتي وطكيتها بجيه ضليت ابجي علئ حضي انه شنو سويتله علمود يصير هيج عصبي
نمت من كد ما بجبت وما كعدت غيرر علئ صوت امي
ام زينب:يمه زنوبه اكعدي بنيتي شبيج شنوو يوجعج حرارتج مرتفعه اكعدي غسلي
زينب:كعدت راسي يوجعني ما اكدر اشيله كل جسمي يوجعني عضامي امي ساعدتني اكوم للحمام غسلت كوه وبدلت ورجعت لفراشي امي عافتني وطلعت
زينب:اجتي غزل وبيدها صينيه مال اكل حطتها يمي علئ الجربايه
غزل:زنوبه حبيبتي كومي اكلي. علمود انطيج دوه
زينب:ماا اريد
غزل:شنووو هي بكيفج ما تردين لأزم تاكلين علمود طيبين
زينب:بديت اكل شويه شويه
غزل:لج احمد خطيه كلب الدنيا من سمع بيج مريضه
زينب:ما اهتميت اله فوك ما يصيح يجي يسئل عليه والله يالله طلعت غزل بعد ما انطتني الدوه واني رجعت نمت
غزل:بهاي الفتره زينب تحسنت وصارت صحتها احسن بس احسها متعاركه هيه واحمد لان كل ما يجي تتهرب منه وهوو يضل يخزر بيها مررر شهررر علئ زواجي من ذياب وعيشتنا كلش حلووه عمتي وعمي وكمر حبابين وياي وعمتي ام ذياب تعتبرني مثل بنتها بس بنات عمي مرات من يجن يسمعني حجي يغث اني ما اهتم الهنا لحد ماا اجه اليوم الي دمرر حياتي وما توقعته من اعزر انسان علئ كلبي هيج يسوي بيه اعتبرته امي وابوي واخوي وزوجي بس ذياب بعملته هاي طعني بضهري.
جنت بالمطبخ اغسل ماعين جان يدخل ذياب ابتسمت بوجه بس بسرعه اختفت ابتسامتي وره ما شفت افراح دخلت وره شعدها جايه وياا شنوو السالفه ضليت بس صافنه عليه واباوع بعيونه جانت نضراته ما عرفت شلون افسرهن كتله
غزل: ذيااااب شكووو شعدهاا هااي هنااا
بعده مااا حاجي ذيااب جان تكمز افراح من يمها
افراح:هاااي بعينج شنووو ماااا عننددي اسم ودكليله هاااي وهااا خلي ابشرج شعندي جايه وياااا اني مرته
ورفعت ايدها تشوفني الحلقه
غزل:تخبلت شنووو مرته شوكت ازوجهاا ومنوو افراح ليش اني مقصررره وياااا بشي ضليت صافنه ومي وجهي راح من الصدمه بسرعه عفتهم وطلعت قبل لا يحجي ذياب وصلت للدرج وحسيت الدوخه لزمتني وعيوني غوشت وكعت وبعدها ما حسيت بشي ..........

joumanahhussam
صباحكم حلوو مثلكم حبايب تابعوا صديقتي واختي وادعموها بكتابها الجديد مقابلات مع كتاب الروايات والقصص اريدكم تروحون تسون هجوم علئ الكتاب 😅

وهسه تعالوا اسمعوا وياي اغنيتي المفضله 😍