Section Series #1 - Ex

Chapter 10

CHAPTER 10

"Annie?! Nasaan ka na ba?! Ako ang kinukulit nila dito tungkol sa ibang costume." bungad sa akin ni Kathleen ng masagot ko ang tawag niya. Naglakad na ako palabas ng gate at nagpaalam kay Lola bago umalis.

"Pasensya na, Kath. On the way na ako, naka ayos na ba sila?" tanong ko habang naglalakad sa sakayan ng jeep bitbit ang mga costume na gagamitin.

"Yung costume na lang ang inaantay. Mag last minute practice pa kasi sila Simon with costume para matignan na din ni Ma'am Rivamonte yung performance." sagot nito sa akin. Tumango tango ako.

"Sige, pasensya na talaga. Malapit na ako sa sakayan. Ibaba ko na 'tong tawag. Bye!" sabi ko at nilagay na sa bulsa ko ang cellphone. Lakad takbo na ang ginawa ko para makarating sa sakayan nang may biglang humarang sa akin na motorsiklo.

Tinignan ko ito ang sasakyan at alam ko na agad kung sino ang may ari nito.

"Pwede ba? Wina-warshock na ako mga kaklase natin dahil late na ako kaya wag ka ng maki-sabay!" sigaw ko dito at akmang lalampasan ko na siya ng sumagot siya sa akin.

"Alam kong nagkakagulo na sila sa school, nabasa ko sa groupchat kaya ihahatid na kita kesa naman sumakay ka pa sa jeep, panigurado aantayin muna ng driver na mapuno ang jeep, bago umandar." sagot ni Clyde. Umirap na lang ako sa kanya dahil wala na akong choice kung hindi ang umangkas.

"Annie, your arms." sabi niya. Umirap ulit ako, baka tumirik na ang mata ko kaka-irap sa kanya.

"I'm holding the costumes, Clyde." sagot ko dito. Kinuha niya ang plastik na bitbit ko at nilagay iyon sa bandang ibaba ng manibela.

"Problem solve. Now your arms." sabi niya at siya na mismo ang kumuha sa dalawa kong kamay at iniyakapan iyon sa bewang niya. "... In my stomach."

"Ganito din ba ginagawa mo sa mga umaangkas sayo?" hindi ko mapigilang tanong dito. Lumingon ito sa akin at ngumiti ng matipid.

"Only to my Annie." sagot niya at pinaandar na ang motor. Wala pang trenta minutos ay nakarating na kami sa school na agad akong sinalubong nila Finn para kuhain ang costumes.

"Pasensya na talaga, guys! Sorry!" agad kong sabi sa kanila.

"Ayos lang, Annie. Basta next time, be on time." sagot ni Dashiel sa akin. Tumango naman ako sa kanya.

"Nasaan ba sila?" tanong ni Clyde.

"Nasa likod sila ng mini stage." sagot ni Finn at nauna na sila ni Dashiel na pumunta doon.

Pumunta na kami kung saan naka-pwesto ang mga kaklase ko. Mga 1PM pa daw gaganapin ang program. Magkalaban ang buong grade 10 sections kabilang na ang pang umaga.

Nag practice lang sila ng tatlong beses at nagpahinga na habang nag aanounce si Simon tungkol sa mamaging sayaw nila. Samantalang kaming mga hindi kasali na naglalakad na ngayon papuntang covered court para hindi maunahan sa pwesto.

Nakita namin sina Yanzee, Rana at Bobby sa mataas na baitang ng bleachers, doon kami pumunta para magkakasama kami. Agad akong tumabi kay Yanzee na ngayon ay busy sa pagsigaw sa mga kaklase niyang nasa baba lang ng bleachers na kina-uupuan namin.

"Kinakabahan ba kayo?" tanong ko sa kanila.

"Hindi. Alam kong kaya nila yan." sagot ni Yanzee habang naka-tingin sa mga kaklase niyang sasayaw.

"Same. Manalo man o matalo, ang mahalaga nag enjoy sila." naka-ngiting sabi ni Rana at siniko si Bobby na busy sa pag-rurubics cube. "Diba, pres?"

"Oo naman, yes." sagot ni Bobby na hindi pa rin inaalis ang tingin sa ginagawa. Nagpatuloy kami sa pagkukuwentuhan habang inaantay na magsimula ang program.