كسرت كبريائى بحبها 💙

الفصل الثالث عشر

اشرف يقول ليوسف:- انا السبب فى اللى حصل لجميله
يوسف:- وانت ذنبك ايه بس
اشرف يتصل بنورهان
اشرف بخوف :- الو يا نورهان
نورهان:- ايوا يا أشرف
أشرف:- جميله عملت حادثه وهى دلوقت فى المستشفى
نورهان بصدمه :- ازاى دا حصل ياريتنا ما كنا سبناها تمشى لوحدها
أشرف:- انا عايزك تروحيلها المستشفى وتشوفيها وتطمنينى علطول
نورهان:- ماشى.. انا هروحلها دلوقت
وتنتهى المكالمه

¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥
بعد مرور القليل من الوقت يدخل سليم مكتب أشرف
سليم :- أشرف ازيك ...
أشرف:- الحمد لله
سليم:- فيه ايه مالك .. شكلك قلقان ليه كده
أشرف:- مفيش حاجة
سليم:- انت مش أشرف اللى اعرفه.. قولى مالك
أشرف بعصبيه :- قولتلك مفيش حاجه ياخى سيبنى فى حالى بقى
ويترك المكتب ويخرج
يوسف: معلش يا سليم هو زعلان شويه
سليم :- أشرف عمره ما كلمنى بالطريقه دى
يوسف:- معلش اصل جميله عملت حادثه
سليم :- انت بتقول ايه !!
يوسف:- ايوا زى ما بقولك كده
وبدأ يشرح له ما حدث

₩₩ ₩₩ ₩₩ ₩₩ ₩₩ ₩₩

فى الصالون
سلوى تتحدث مع يارا
سلوى:- جميله اتاخرت اوى يا يارا وكمان بتصل عليها مش بترد
يارا :- ممكن تكون روحت البيت .. اتصلى بمامتك وشوفيها
سلوى تتصل بوالدتها
ناديه وقد انهارت من كثره البكاء :- الو يا سلوى
سلوى:- انتى بتعيطى ليه يا ماما
ناديه:- اختك جميله عملت حادثه
سلوى تشعر بدوار واغمى عليها

¥¥ ¥¥ ¥¥ ¥¥ ¥¥ ¥¥ ¥¥ ¥¥
نورهان تتصل باشرف
نورهان:- أشرف الحقنا جميله تعبانه اوى والدكتور قال انها محتاجه دم اصلها نزفت كتير !!
أشرف:- انا جاى دلوقت.. وحاولى تشوفى حد يتبرعلها بالدم
نورهان:- ماشى
وكان أشرف يسوق السياره بأقصى سرعه ممكنه

¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥
بعد مرور نص ساعه
فى المستشفى
تخرج الممرضه
الممرضه:- لو سمحتوا يا جماعه اتصرفوا المريضه محتاجه دم ..
أشرف ياتى:- انا هتبرع بالدم
الممرضه:- تعالا معايا عشان اعملك تحاليل واشوف فصيلتك لو مطابقه لفصيله المريضه
ناديه :- ربنا يخليك يا ابنى
أشرف :- متخافيش جميله هتخف انشاء الله
نورهان:- انشاء الله هتقوم بالسلامه
ويذهب أشرف لعمل التحاليل
¥¥ ¥¥ ¥¥ ¥¥ ¥¥ ¥¥ ¥¥ ¥¥
الجميع منتظر نتائج التحاليل

الممرضه تقول لاشرف :- فصيلتك مطابقه لفصيلتها ..
يفرح الجميع بذلك
ويذهب للتبرع بالدم

₩₩ ₩₩ ₩₩ ₩₩ ₩₩ ₩₩
بعد فتره
يخرج الطبيب
عادل :- ايه يا دكتور بنتى عامله اية دلوقت
نادى :- طمنا يا دكتور.. جميله عامله ايه
الطبيب:- هى كويسه دلوقت وتقدروا تشوفوها..
ناديه تذهب مسرعا

₩₩ ₩₩ ₩₩ ₩₩ ₩₩ ₩₩

ناديه:- جميله بنتى الف سلامه عليكي
جميله بتعب :- الله يسلمك يا ماما
ناديه:- مالك يا بنتى ايه اللى حصلك
جميله تتذكر الذى حدث :- مين إللى جابنى هنا
ناديه:- مش عارفه .. بس الحمد لله بفضل أشرف رجعتيلنا بالسلامه
وعندما ذكرت اسم أشرف تسارعت دقات قلبها
جميله :- أشرف!!! .. مين اللى قاله
نورهان تدخل
نورهان ببكاء:- جميله اختى الف سلامة عليكي
جميله:- الله يسلمك.. ليه طيب الدموع دى .. مانا كويسه اهو
نورهان :- أشرف عايز يطمن عليكى
ويدخل أشرف
نورهان:- يلا يا خالتو احنا نطلع بره
ناديه :- ماشى يا بنتى .. خلى بالك منها يا أشرف لو عوزتوا حاجه اندهولى
أشرف: ماشى
وتخرج ناديه ونورهان من الغرفه
أشرف:- الف سلامه عليكي يا جميله
جميله:- الله يسلمك.. ماما قالتلى على اللى عملته معايا .. بجد شكرا خالص ليك
أشرف:- انتى بتشكرينى على ايه دى اقل حاجه ممكن اقدمهالك .. انتى لو طلبتى عينيا مش هتاخر
جميله بخجل: هاهاها.. لا انا خدت منك الدم كفايه ..
أشرف يقول فى نفسه :- ايه يا أشرف امسك نفسك شويه مش كده هتفضح نفسك قدامها
جميله:- قولى بقا عملت ايه مع جومانا
أشرف:- انا مش طايق حتى اشوف وشها بعد اللى حصل واللى عملته هى
جميله:- دى باين عليها بتحبك اوى
أشرف بحزن :- يمكن
جميله:- هو انت مش بتحبها!!
أشرف :- مش عارف اقولك ايه.. بس الاكيد انى مش بحبها.. المشكله انى مستحيل احبها عشان دى كانت قدامى علطول وعمرى ما حسيت ناحيتها باى حاجه
جميله:- انت مش مجبور تخطبها.. انت لازم تاخد اللى هتحبها.. وبعدين دى حياتك يعنى لو ما ارتحتش دلوقت معاها مش هترتاح ابدا لازم انت اللى تختار عشان انت اللى هتعيش معاها
وتدخل نورهان
نورهان:- ايه مشبعتوش كلام .. كفايه بقى لازم ترتاحى يا جميله.. يلا بينا احنا يا أشرف وابقى نيجى نطمن عليكى
أشرف :- ماشى .. اجيلك فى وقت تانى يا جميله..
جميله :- ماشى
تدخل الشرطه
الشرطه:- فاكره الرقم اللى كان ع العربيه او الشخص
جميله :- لا مش فاكره.. لانى كنت دايخه شويه ومركزتش
الشرطه:- لو افتكرتى حاجه قوليهالنا
جميله: ماشى

¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥
فى فيلا نادى
منى :- اهدى بس وبطلى عياط وقوليلى ايه اللى حصل
جومانا تتنهد من كثره البكاء: كان بيمسح دموع الست جميله وكان معاها فى الكافيتريا
منى تتوعد لاشرف :- ماشى .. متقلقيش وانا ختلك حقك
جومانا تتوقف عن البكاء :- ازاى يعنى

₩₩ ₩₩ ₩₩ ₩₩ ₩₩ ₩₩
فلاش باك
يوسف ونورهان كانوا بيدبروا لخطه تجمع بين أشرف ونورهان وعرفت خطتهم وبعد كده قولتلك تروحيلهم عشان تشوفيهم مع بعض وجميله تتضايق وتمشى لوحدها
شخص ما :- الو يا مدام منى
منى :- انا عايزاك في موضوع
شخص ما:- اتفضلى يا مدام اومرى
منى :- هبعتلك صوره بنت .. بكره عيزاك تخبطها بالعربيه وانا هتفق معاك على كل حاجه وهقولك على المكان وامتى تنفذ
شخص ما :- بس كده .. من عينيا
¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥
باك
جومانا:- هى دلوقت فين
منى :- مش عارفه بس انا اكدت عليه انه يخبطها ويمشى بسرعه
جومانا بفرح : جميله دى عقبه قدامى وانا لازم اتخلص منها و لو نفدت من العربيه اوعدك مش انى هرحمها
منى :- جميله دى بنت مش سهله .. وأن شاء الله نخلص منها قريب

¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥

ياتى اشرف ويوسف ونادى ونورهان إلى الفيلا
أشرف :- ايه اللى جاب المخلوقه دى هنا انا مش طايق اشوفها
نادى :- أشرف مش كده دى خطيبتك ولازم تحترمها
جومانا:- الست جميله عامله اية
ينصدم الجميع
تنظر لها منى نظره شر
منى فى نفسها:- ايه الغباء دا انا كنت عارفه انها هتودينى فى ستين داهيه انا ايه اللى خلانى اقولها بس ..
اشرف:- انتى عرفتى ازاى
جومانا بتوتر :- ااااا.. اصل ..ااااا
أشرف بعصبيه وبصوت عالى :- اصل ايه انطقى .. عارفه لو ليكى ايد فى الموضوع.. صدقينى انا مش هارحمك.. وانتى تعرفينى لما بقلب على حد
جومانا:- قوله حاجه يا عمى شايف بيظلمنى ازاى كله دا عشان واحده ما تستاهلش
نادى :- عيزانى اقول ايه !!
أشرف :- اتكلمى كويس عن جميله ولا اقولك متتكلميش خالص احسن
ويتركهم ويذهب لغرفته

¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥
ومن هنا انتهى الفصل الثالث عشر
انتظرونا في الفصل الرابع عشر من روايتى كسرت كبريائى بحبها 💙💙
تتوقعوا:- أشرف هيعمل ايه لما يكتشف ان مامته هى الل عملت كده فى جميله
عرفتوا مين اللى كان مع جومانا : منى
بقلم 👇

Demiana Milad

👆