كسرت كبريائى بحبها 💙

الفصل السابع عشر

نورهان فى نفسها:- يارب يكون عرف بغلطته ويروح يتاسف ل جميله ...

وبعد مرور ساعه

أشرف :- اروح ولا لا ... طب ياترى هى هتقبل تتكلم معايا ولا لا .. اقولها ايه .. طيب هقابلها ازاى.. اروحلها البيت ولا لا
يوسف: ايه يا عم بتكلم نفسك ولا ايه
أشرف:- مفيش مفيش
يوسف:- ايه هو اللى مفيش انت مش شايف نفسك متوتر ازاى
أشرف يحكى له ما حدث
يوسف :- ايه يا أشرف.. دى جميله بنت كويسه ومستحيل تعمل حاجه زى كده.. وبعدين مكنش لازم تقولها الكلام دا .. انت لازم تروح تتاسفلها
منى:- يتاسف لمين!!!!
أشرف :- ل ج...
ويقاطعه يوسف
يوسف :- اصل طرد موظف من الشركه بسبب غلطه مش مقصوده ... وانا قولتله يتاسفله
منى :- هيتاسف ل حته موظف..
وتخرج منى من الغرفه
أشرف :- هو انت ليه خبيت على ماما
يوسف:- اكيد لو عرفت على اللى حصل هتقف قصاد حبك تانى احنا ما صدقنا انها وافقت .. يلابقا روح ل جميله

¥¥ ¥¥ ¥¥ ¥¥ ¥¥ ¥¥ ¥¥ ¥¥

فى بيت عادل
جميله : انا مش هروح الصالون النهارده..
سلوى :- خلاص ماشى .. انا رايحه دلوقت عشان متاخرش
ناديه :- انا جايه معاكى عشان اشترى حاجات للبيت .. عشان عادل وسامح مشيوا واحنا محتاجين الحاجات دى ضرورى
سلوى:- ماشى ..
ناديه :- جميله لو حد خبط متفتحيش غير لما تعرفى مين
جميله :- ماشى يا ماما

¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥

جميله بمفردها فى البيت
ويرن هاتفها ويكون سليم
سليم :- الو يا جميله
جميله :- ايوا .. كويس ان انت رنيت كنت عيزاك فى موضوع .. انا فكرت فى الكلام اللى قولتهولى..
سليم :- وايه قرارك
وفجاه تسمع جرس الباب
جميله :- طيب هكلمك شويه تانى عشان الباب بيخبط
وتنتهى المكالمه
تفتح جميله الباب
جميله :- أشرف!!!!! .. انت عايز ايه .. اكيد جاى علشان تقولى كلمتين تانى صح !! .. لو سمحت روح من هنا انا مش عايزه اشوفك تانى.. لو سمحت امشى من هنا

أشرف :- اهدى شويه .. عمالا تتكلمى ومش مديانى فرصه اتكلم ..
جميله تذكرت انه ابن خالتها
جميله :- انا آسفه مكنش ينفع اتكلم معاك كده ولا اطردك من بيت خالتك
اتصدم اشرف:- بيت خالتى !!!!
جميله :- ااااا... اقصد يعنى زى بيت خالتك
أشرف :- جميله انا حاسس انك مخبيه حاجه عنى ..
جميله :- بصراحه انا مبحبش اكذب بس الاول اوعدنى انك مش هتقول لاى حد حتى اخواتك
أشرف :- خلاص .. وعد
جميله :- انت تبقى ابن خالتى.. ومرات باباك منى جت ل ماما وهددتها عشان ما تقولش انها خالتكم.. خافت تاذيكم
أشرف :- وطول الوقت دا كانت مفهمانى ان ماما ملهاش اخوات .. دا انا طول عمرى بحترمها وبقولها يا ماما وفى الاخر تكدب عليا ..
جميله :- اكيد عشان مش عايزه حد يشاركها فيكم معاها ..
أشرف :- انا آسف سامحيني على اللى عملته معاكى النهارده .. انا مكنش قصدى اجرحك بس انا مقدرتش اشوف حد ماسك ايدك ..
جميله :- عايزنى اسامحك ازاى.. انت قولتلى كلام جرحنى اوى