كسرت كبريائى بحبها 💙

الفصل العشرون

أشرف:- ماما انتى مش هتطلعى من البيت !!!
منى بفرحه:- كنت عارفه يا ابنى.. يلا اطردها من البيت
جميله بصدمه:- للدرجادى يا أشرف متخلى عنى .. كده هتسيبنى
نورهان ببكاء:- ماما معلش خلى جميله معانا
منى :- نورهان اطلعى اوضتك دلوقت
أشرف :- يلا يا جميله عشان هحضر الشنطه بتاعتى!!
نادى :- شنطه ايه يا أشرف انتوا مش هتروحوا مكان
أشرف :- لا يا بابا مش هينفع نقعد هنا غير لما ماما تحترم جميله
منى فى صمت :- يلا كله يخف من البيت.. وياريت لو ختوا يوسف بالمره معاكم عشان ابقى ارتحت خالص
نورهان :- أشرف انا مقدرش اقعد فى البيت من غيرك .. معلش خليك قاعد هتسيب اختك يا أشرف هونت عليك
أشرف:- نورهان ابقى ابعتلك العنوان وتيجى تزورينا
وذهب أشرف إلى غرفته
جميله:- اشرف انا مرضتش اكلمك تحت عشان مش عايزه اكسرلك كلمتك او اصغرك قدام اهلك .. انت ليه عملت كده انا عايزه اعيش معاكم بين اهلك
أشرف :- انا مش هتستحمل حد يهينك او يجرحك بكلمه وانا عارف اللى هيحصل انا عايزك تدعمينى ولما ماما تحترمك هجيبك البيت
جميله:- انا دايما هدعمك بس مش عايزاك تبعد عن اهلك وبيتك بسببى
أشرف:- انت بقيتى اهلى وحياتى كلها
جميله:- ربنا يخليك ليا يا حبيبى
أشرف:- هههه .. شوفتى اديكى قولتى حبيبى من غير ما اطلب منك تقوليهالى
جميله وهى تخبط بارجلها على الأرض :- انا عايزه اكل جعانه اوى
أشرف:- هههه .. حاضر حاضر بس متعمليش حركات الأطفال دى تانى .. يلا واحنا ماشيين ها اجبلك اكل..

¥¥ ¥¥ ¥¥ ¥¥ ¥¥ ¥¥ ¥¥ ¥¥

نورهان ببكاء :- ماما ارجوكى امنعيهم متخليهمش يمشوا انا ممكن اتجنن على اخويا معلش خليهم قاعدين معايا يا ماما ردى عليا هتسيبى ابنك يمشى عادى
منى بصوت عالى :- دا مش ابنى وعمره ما هيكون ابنى واللى عايز يمشى الباب مفتوح وتترك نورهان وهى حاله ذهول

¥¥ ¥¥ ¥¥ ¥¥ ¥¥ ¥¥ ¥¥ ¥¥ ¥¥

أشرف وجميله وهم خارجون من باب الفيلا ولكن يوقفهم صوت نورهان
نورهان :- أشرف استنى شويه عشان عايزه اتكلم معاك فى موضوع
أشرف:- ايوا اتفضلى يا نورهان
نورهان:- ماما قالتلى كلمه غريبه اوى
أشرف:- قالتلك ايه ؟؟
نورهان:- قالتلى انك مش ابنها ..
أشرف:- اااا.. نورهان نتكلم فى الموضوع دا بعدين
جميله:- لا يا اشرف نورهان لازم تعرف كل حاجه وانا اللى هقولها .. نورهان الكلام اللى قالته مامتك صح اشرف مش ابنها .. أشرف يبقى ابن خالتى ومامته اتوفت من بدرى ومامتك هى اللى ربتهم
نورهان وهى لا تصدق ما يقولونه وفجاه تشعر بدوار ويغمى عليها
أشرف بقلق وخوف :- يوسف هاتلها الدكتور بسرعها
منى :- نورهان بنتى مالها عملتوا فيها ايه
يوسف :- اغمى عليها واتصلنا بالدكتور وزمانه جاى
وبعد ما استعادت نورهان وعيها واطمئن اشرف عليها
أشرف وبعد ما ودع الجميع ما عدا منى خرج فى الحال من الفيلا

¥¥ ¥¥ ¥¥ ¥¥ ¥¥ ¥¥ ¥¥ ¥¥

فى السياره
أشرف:- ليه يا جميله قولتى ل نورهان
جميله:- نورهان مش صغيره ولازم تعرف كل حاجه .. هو احنا دلوقت هنروح فين
أشرف:- لازم تعرفى من طول ما انتى معايا تبقى مطمنه على الآخر ماشى يا بنت خالتى هههه
جميله:- هههه بنت خالتك بس
أشرف:- لا طبعا.. انتى قلبى وعقلى وروحى وكل حاجه بالنسبالى
جميله:- طب حاسب حاسب وركز فى سواقتك
ويقف اشرف عند مكان ما
جميله:- انت وقفت هنا ليه !!
أشرف:- تعالى بس
وياخذها ويطلب منها الا تفتح عينيها الا اذا قال لها
جميله:- هااا وصلنا ولا لسه
أشرف:- ايوا وصلنا فتحى عينيك
وتتفاجا جميله بالمكان وكانت الأرض مزينه بالورود وكان ملئ بالشموع
جميله:- ايه دا يا أشرف المكان حلو اوى ..
انت عامل كل دا عشانى
أشرف:- اه طبعا لو مش ليكى هيبقى ل مين
جميله بفرحه :- مش مصدقه نفسى حاسه انى بحلم .. انا محستش بالامان غير وانا معاك ربنا يخليك يا أشرف
اشرف :- ويخليكى ليا يا قلب أشرف ..يلا تعالى عشان تاكلى
ويجلسون على مائده لتناول العشاء