الحب لا يعرف المستحيل

بارت الثالث

ناضت بتاسمات ليهم و هبطات مع دروج حلات الباب للكبيدة ديالها باستها و عنقاتها و ودعات المراقبة و هزات المحفظة دبنتها و ساك ديال الماكلة و بقات كتسول بنتها كيجاها نهار و كيدوزاتو داتها اول حاجة دخلاتها لطواليط قدات حاجتها و غسلات يديها و وجهها و نشفات اپخي خرجات هي وياها دخلاتها معاها عندهم حطات الساك و الماليطة فوسط الدار لي كيطلل على صالة و خلات بنتها كتسلم عليهم و هما فرحانين ليها حتا من ابراهام ضحك ليها و هي حشمانة و رجعات كتجري عند مها لي كانت متكية على الحيط كتشوف فيها شداتها فيدها و طلعاتها تبدل ليها لبسات ليها كسوة مزيييونة خفيفة بحكم صيف بدا يدخل الكسوة واصلة ليها حد الركبة فالاصفر مشطات ليها شعرها لي كيتشابهو فيه و قادات ليها و هبطات هي وياها دخلو للكوزينة حطات ليها الماكلة و جلسات توكل فيها من بعد غسلات القشوع و خرجات هي و ياها جلسو معاهم
مريم : الزوينة أجي عندي أجي
مشات عندها إيريام و هزاتها حطاتها على رجلها كتلعب معاها
شيماء هزات عينيها جات فعين أسامة لي كان كيغمزها خنزرات فيه بمعنى شنو دار ليها براسو للكوزينة ناضت كتشتف و تبعها هو شدها من يديها مزير عليها
شيماء : طلق مني الحمار طلق
أسامة : شنو دابا غاتجلسيني معاكم فحال نعيوة
شيماء : واسير تقود سير سير و راني هضرت ا أسامة و الله و دخل ليا شي صوبيصة حتا نتفاهمو انا وياك
مجاوبهاش زاد فيها و خرج اما هي بقات فالكوزينة كتوجد للگوتي حتا دخلات مريم عوناتها
مريم : جداك حلفاتليهم حتا يباتو ههههه كون تشوفي داك ابراهام كيولا وجهو و هي ماخلاتو حتا يهضر
شيماء : واراه مسكينة شحال كانت تبكي و تنحط باش تشوف بنتها و جدي فاش كان فايامو لخرة شحال قلبو عليها على ماشي محسين عمي ماحضرش لجدي فاش طلعاتو روح ماوصل لطنجة حتا كانو داوه يصلي عليه على پوانت و كان غايضيع صلاة
مريم : الله يرحمو الله يدخلو فسيح جناته اودي كلشي فات دابا ها هي رجعات
شيماء : الحمد الله على كل حال مشي جبدلي من فريكو لا داند فيمي
عدلات الگوتي على حقو و طريقو و العائلة على برا مجمعة أجواء عائلية بامتياز مرة مرة شيماء تجاوبهم من الكوزينة مجمعين و يعاودو على صغر جبدو الالبوم تصاور و جلسو يتفرجو فيه حتا حطات ليهم الكوتي ياكلو و يشكرو فطيابها هذا حال العائلة المغربية واخا كل واحد و مشاكيلو كل واحد و يعمايلو كيحاولو ستناساوهم فالمجمع