الدكتور..بنتي ارتاحي
روان..دكتور زوجي وين
الدكتور..بنتي الغرفه محد جان موجود بيهة غير الممرضة وانتي
روان..لا لا تتوهم علي جان كاعد وعلى هذا الكرسي وتاشر عالكرسي
الدكتور..بنتي زوجج توفه الله يرحمه وصارت زفته للجنه
روان..توفه شنو هسة جان كاعد هنا (بهستيريا)
الدكتور..اهدي اهدي ميار جيبي ابره مخدره
الممرضة..حاضر تفضل
الدكتور..ضربتهة ابره مخدره ونامت ميار اتصلتي على أهلها
الممرضة..أي هسة يجون
نرجع لمروان. .......
مروان..من يوم الحادث ولاليلي ليل ولا نهاري نهار حياتي توقفت من فقدت أعز إنسان على كلبي وروان دخلت غيبوبة جنت دائما أدعي تنجو من الي هي بي وياخوفي من تكعد شراح تسوي وطبعا مريم معافتني ابد وحدي ساعدتني وساندتني وأم علي الله يخليهة هم دائما أروح يمهم دكولي انته من ريحة الغالي ورؤوف يعتبرني اخو دائما يستشيرني ب كولشي الله يحفظهم جنت دائما أزور المستشفى إلا بيوم جنت دا اسوك ويه ام علي جان يتصلون عليه
المستشفى وكالولي روان صحت من الغيبوبة من سمعت هذا الخبر نسيت نفسي ذبيت العلاليك بالكاع وعفت ام علي ورحت للمستشفى بسرعه رحت وشفت عافيتي نايمه رحت للطبيب اسئله عن حالتهة
مروان..هاا دكتور شلونهة
الدكتور..البنيه حالتهة غريبه وكامت تسئلني على زوجها وجاوبتهة توفه
مروان..ليش دكتور ليش هي بياحال ليش كلتلهة
الدكتور..ابني صحتهة زينه ومن حقهة تعرف
مروان..شوكت اكدر اخرجهة من المستشفى
الدكتور..اليوم العصر
مروان..خير إنشاء الله شوكت تكعد هيه
الدكتور..بعد ساعة يخلص مفعول المخدر وتكعد
مروان..اترخص أروح يمهة
الدكتور..روح ابني مرخوص
مروان..رحت لغرفة روان ياعيني عليهة نايمه مثل الملاك ضليت كاعد يمهة ساعة تقريبا وبلشت تتحرك
روان..انصدمت من الكلام الي كاله الطبيب ما عرفت شسوي صدمه على قهر جان شعور مخيف شعور مينوصف ومحد راح يحس بيه غير الي مر مثل موقفي وفجئه الدكتور ضربني ابره ومحسيت بشي ثاني حسيت بضوة قوي على عيوني فتحت عيوني بتثاقل وشفت علي يمي جان يكولي روان عمري كومي يله كومي روحي اخوج بحاجتج روحي
روان..لا أريد اجي وياك ولزمت ايده وأجر بي اكوله امشي نروح ماعوفك
علي..دفعني وكال لا اخوج بحاجتج رووحي
روان..واني أجر بي لا لا ماروح أريد اجي وياك
علي..دفعني وكال اسف وراح
روان..ضليت ابجي ورا واصيح وفجئه صحيت من البنج لكيت مروان كاعد واني أريد احجي أريد اصيح ماكو أحس لساني نعقد بس عيوني تذب دموع واباوع على مروان
مروان..صحت روان تباوع عليه وتبجي حبيبتي شبيج
روان..أريد أنطق ماكدر أحاول احجي ماكو إني جنت ماحجي بس أصرخ بداخلي أحس نفسي بسجن
مروان..روان شبيج احجي
روان..حاولت اصيح بس مكدرت اطلع صوت غير الأنين
مروان..هاي شبيج يربي أختي دكتوور تعاال دكتوور (بصياح وصدمه)
الدكتور..ابني اهده اطلع بره خلي أشوف شغلي
مروان..لالالا ماطلع
الدكتور..اطلع ابنيي.
مروان..ايي طالع طالع (بخوف واباوع على روان) طلعت بره وضليت انتضر إلى ان طلع الدكتور وكال
الدكتور..المريضه دخلت بصدمه وهاي الصدمه عقدت لسانهة
مروان..شنووو زين ماكو علاج
الدكتور..إنشاء الله اكو علاج
مروان..وهسة هي شلونهة
الدكتور..زينه بس اتركهة وحدهة ترتاح
مروان..ماشي دكتور راح أضل كاعد هنا
راح أمشي الأحداث. ......
مشت الأيام وروان بصراع ويه نفسهة إلى ان إجه اليوم الي غير حياتهة. ......
يا ترى شنو اليوم الي غير حياة روان هذا ماستعرفونه بالبارت القادم
لتنسون تصويت وتعليق حلو مثل قلوبكم احبكم موووت باييي💋❤
أنت تقرأ
فصليتي من تركية
ChickLitمرحبا إني أسمي روان عمري 20 سنة أعيش بتركيا ويه ماما لان ماما اصلها من تركيا و بابا عراقي طبعا ماما وبابا منفصلين من زمان ولحد هسة منعرف شنو السبب بالمناسبة عندي أخ اسمة مروان أكبر مني عمرة 24 سنة.....
