تسريع الأحداث
روان..ضليت بصراع ويه نفسي وجان علي ميفارقني ابد جنت دائما اشوفه واكيد مريم معافتني ومروان تعب ويايه سافرنه لتركيا علمود علاجي رحنه لمنطقة ريفية معروفه هناك والحمد لله بعد مرور 8 أشهر ضكت بيهة الحلو والمر بس رجعلي النطق وفرحو كولش هوايه ام علي ورؤوف ومريم بس أكثر شخص جان فرحان هو مروان بجه من الفرحه واني من شفت دموعه بجيت ويا ومشت أيامي الى أن إجه يوم بعمري ما أنساه غير حياتي
روان..كعدت الصبح كالعاده اسوي ريوك واكعد مريم ومروان وأم علي ورؤوف يتريكون يلااااا كوموووو اكعدووو
الكل..كاعدين كاعدين
روان..تريكنه واكيد الجو صار احلى ويه تحشيش رؤوف صاير يشبه علي بكولشي وطلعت من البيت شميت هوى الجو جان كولش حلو وخاصتا جو الطبيعه وبعدين رحت للكليه ولكيت هاندا كالعاده منتصرتني بس جانت تبجي
هاندا.. (هي تحجي اللغه التركيه بس إني راح اترجم الكلام بالعراقي)هئ هئ
روان..ليش تبجين يروحي
هاندا..الدنيا ماسايعتني من الفرح
روان..عابت عبالي بيج شي فرحيني وياج
هاندا..ايمره (وهي تبجي وتضحك)
روان..شبي
هاندا..تعالج من مرض السرطان قبل شويه اتصل بيه وكالي
روان..الحمدلله والله فرحت من كول كلبي الله يخلي الج
هاندا..أمين وماما هم فرحت كالت من يرجع من بريطانيا انسوي حفله
روان..إني اول وحده اجي
هاندا..اكييد اكولج أريد عصير روحي جيبي
روان..أي راح أروح تجيب الي والج
هاندا..يله روحي
روان..رحت اجيب العصير وجنت دامشي بطريقي واندعمت بولد حجيت ويا بالتركي المعذرة جان يرد عليه بالعراقي تفاجئت
يزن..هي هي شبيج عميه متشوفين وجه الصخله (كلتلها وجه الصخله بس هي تجنن سبحان الخالق اي عيني الأتراك كولهم حلوين والله لو عراقيه جان لمت عليه العالم همزين متدري شنو حجيت)
روان..عصبت كولش وجهي هيج صار👈😠 هاي عليمن وجه الصخله إني اعتذرت منك ليش تغلط (رديت عليه بالعراقي)
يزن..انصدمت طلعت عراقيه هسة هاي شرد عليهة والله حيره احم اسف أختي عبالي تركيه طلعتي منا وبينا
روان..عبالك تركيه شنو انته متستحي شطولك شعرضك تغلط
يزن..طبيت بهدومي ياربي خلصني ااااا اسف احم وعفتهة ورحت من الفشله
روان..عابت جيل آخر وكت ههههههه هاي شبيه هيج احجي على اساس إني من جيل العجايز ههههه أستغفر الله العالم تباوع عليه عبالهم خبله احم ورجعت لهاندا
هاندا..هاي شبيج وجهج أحمر ووين العصير
روان..روحي شربي ذاك بالكاع بس ممزوج بالطين
هاندا..روااان عابت هاي شبيج
روان..تعاركت ويه واحد عراقي غثيث ام حلك روحي انتي جيبي (عيوني دمعت تذكرت علي من يكولي ام حلك وجنت إني اكوله هو منو ما عنده حلك وشريط حياتي ويه علي انعاد عليه وبجيت)
هاندا..كلبي ليش تبجين
روان..تذكرت علي على كولن يله نروح للمحاضرة
هاندا..يله بس مسحي دموعج
روان..أي يله ومشه اليوم عادي وطلعنه من الكليه إني وهاندا
هاندا..يله حب بيباي
روان..بأي كلبي وراحت هاندا و اني جنت أريد اوكف تكسي وجان تجي سياره وكفت يمي جانت مضلله مشفت منو بيهة وجان تنزل الجامه ويطلع الغثيث
يزن..تحبين اوصلج
روان..لا ماريد وبعدين انته شلون الك عين تحجي ويايه يا صخل
يزن..لتغلطين أدري تريدين تحسسيني صخل بس إني أثق بنفسي اخبل
روان..روح
يزن..وين أروح
روان..وين متروح روح متهمني وكملت طريقي وضل يمشي ويايه بالسياره
يزن..اسف
روان..لتمشي ويايه روح أخي
يزن............
.
.
.
انتضروني بالبارت القادم القصه راح يصير بيهة أحداث حلوه
لتنسون تصويت وتعليق حلو مثل قلوبكم احبكم موووت
بايييب
أنت تقرأ
فصليتي من تركية
Chick-Litمرحبا إني أسمي روان عمري 20 سنة أعيش بتركيا ويه ماما لان ماما اصلها من تركيا و بابا عراقي طبعا ماما وبابا منفصلين من زمان ولحد هسة منعرف شنو السبب بالمناسبة عندي أخ اسمة مروان أكبر مني عمرة 24 سنة.....
