فصليتي من تركية

البارت العاشر

الساعة 9:30 دقيقه
علي..سمعت المنبه يهوس طفيته وبالقوه فتحت عيوني من النعاس شفت روان نايمه مثل القتيله روان روان
روان..امممممم مروان ولي
علي..لج كومي إني علي مروان شنو كومي
روان..اي آي كايمه انته روح هسه انزل وراك
علي..اييي ام حلك تنزل ورايه جذابه تريدين تنامين
روان..لزكت دروح هسه إني اجي
علي..اي رايح عود كومي
روان..امممممممم افتهمت نزل علي جوه واني وره شويه كمت غيرت ملابسي ولبست👇

ههههه بالمناسبه اموت على بباي...ونزلت صباح الخير
الكل..صباح النور تعالي تريكي
روان..اي اجيت اكو زيتون
علي..لا رؤوف أبو حلك أكله
رؤوف..هاي شبيك قحط شو مكوم بالثلاجة حاط عينك على لكمتي
روان..يمعودين شبيكم بس سئلتكم سؤال راح تتعاركون
علي..هو أبو حلك
رؤوف..على اساس انته ماعندك حلك
علي..ننننننننن😑(يعيب)
ام علي..تره راح اكوم حتى زقنبوت ماريد
علي ورؤوف..لالالا
ام علي..لعد كافي وانتي بنيتي روحي جيبي زيتون وتعالي كلبي
روان..اي خاله😁رحت جبت الزيتون وكعدت وياهم
ام علي.. (بحزن)اليوم يجي الشيخ
روان وعلي..اي
ام علي..اها يله بالعافيه
روان..وين
الأم..شبعت
علي..شوكت شبعتي هسة كعدتي
الأم..لا الحمد لله
تركنا وكملنا وغسلت المواعين صارت الساعه 11 يعني بعد ساعه ارجع لبيتي خلي اخابر مروان الوز مروان شلونك
مروان..هلو عمري شلونج (بحزن)
روان..تمام الحمد لله مشتاقتلك انته وبابا و ماما
مروان..روان اخوج مكسور (يبجي)
روان..هاي شبيك😱
مروان..ابويه اليوم الأربعين مالته
روان..الأربعين شنو
مروان..لم ابوج توفه
روان..من كال هاي الكلمه تهسترت كمت اعيط واصيح بااااااابااااااا هئ هئ هئ باااااباااااا
علي..روان هاي شبيج
روان..هئ هئ ب..أ..ب.أ م.أ...تت
علي..هاي شبيج ميته يجي كولشي مافتهمت شنو بابا مات
روان..ايي ماااات
علي..انالله وانا إليه راجعون
روان..وديني الهم
علي..يله أمشي
ام علي..يمه شبيج
علي..ابوهة متوفي
ام علي..لا إله إلا الله خطيه توتوتو بنيتي الله يصبرج والبقيه بحياتج
روان.. (بهستيريا)خاله البارحه أغني وابويه جوة التراب إني حقيرة هئ هئ
ام علي..حضنتهة حبيبتي كولنه بهذا الطريق كولنه نموت
روان..أريد اروووح هئ هئ
علي..يله أمشي ورحنه البيتهم لكينه مروان ديبجي وحده 😢
روان..مروان هئ هئ هئ حبيبي ابونه راح😭
مروان..كافي احنه أقوياء ابويه صار أربعين يوم من مات واني البيت وحشه عليه بعد لتعوفيني😭
روان..لالالا ماعوفك ابد😭😭
علي..الله يصبركم
مروان..خلي نسوي ثواب لروح ابويه
روان..اي نسوي.مروان بيوم الي رحت فصلية حسيت آخر مره أشوف بيهة ابويه واحساسي بمكانه😢😢
مروان..قوي نفسج خيتي
روان..ماما ليش ماجتي
مروان..روان أمي تبرت منج😭
روان..ششششننو ليش
مروان..تكول راحت تتزوج ومكالتلي وضلت تدعي عليج وتعاركت ويه بابا
روان..هي هاي أمك دائما تفكيرهة غربي واني هم ماريدهة إني سندك وانته سندي بعد اليوم يله كوم نطبخ على روح بابا
علي..عادي اساعدكم
مروان..يله تعال هلا بيك
وطبخنه الأكل هو الصراحه منعرف نطبخ هواية شغلات لأن دروس الطبخ مكملناها سوينه حلاوة جكليتيه جانت كولش طيبه وزعناهة ع المنطقه ورجعنا للبيت
علي..روان قبل شويه أمي اتصلت بيه كالت جاي الشيخ ورايح
روان..خلي يروح إني بياحال
علي..يله صارت الساعه 7 أروح للبيت
روان و مروان..الله وياك
علي..رجعت للبيت واني أفكر بروان حالتهة حاله مقهورة ومكسورة مردت كلبي الله يصبرهة وصلت تلكتني أمي
الأم..ها وين روان
علي..يم اخوهة
الأم........
انتضروني بالبارت القادم احبكم طوووخ
لتنسون التصويت وتعليق لطيف مثل قلوبكم الحلوة