••❤️❤️لـم تكن تهمه كثيرًا القصة التي كانت ترويها له ما كان يهمه هو صوتها ❤️❤️
عدنا من جديد
•••• مريم : وش الزين مخطوب ولا تستنى في لمكتوب
اسحاق : نستنى فيك(سمعو امير بسكو التيليفون كان في جيهتو وبان عليه بلي تقلق مالا مريم دارت تيليفون في الجيهة لخرى)
مريم : هههه وش من ريح طيشاتك لعندي
اسحاق : راكي معروضة لعرسي في 20ديسمبر(عطلة الشتاء)(هوما كانو في 1 ديسمبر)
مريم: يا قول والله عمري كبر وتحلب😂
اسحاق : يخي تجي متخلينيش وحدي في يوم كيما هذاو
مريم : ودي عايزة كلام يا حبيبي🙂كي مانكونش معاك انا شكون يكون معاك
اسحاق : ارواحي قبل هاي باينة بلا منوصيك
مريم : معليش باينة بلا متوصي وقطعت
•• كي قطعت مريم شافت في امير باين بلي مقلق
امير في داخلو( يما انا طحان تحكي معا صاحبها في وجهي 💔 خاف يسقييها وتقولو وش دخلك)
كي شافاتو مريم مهدر والو نطقت قاتلو : كلمني ولد عمي( ايه اسحاق ولد عمها) عرضني لعرسو
قالها: وولد عمك تقوليلو حبيبي وعمري ومناو🙂
قاتلو : مداخصاتو برك مالڨري معنديش خوات بصح هو جامي خلاني نحس بهذا النقص لاخاطر هو دايمن واقف معايا في لمليحة ولي مش مليحة جامي ننسى وقفتو معايا
قاللها: احكيلي على les souvenirs تاعكم ( حسها بلي عجبها الحال وزيد خير ميبقاو طريق كامل ساكتين)
• مريم بدات تحكيلو مسكتتش( هو تمنى انو يكون قضى معاها وقت ڨد ولد عمها وغاضاتو شوي بصح كي شافها تحكي وفرحانة فرح مام هو)
مبعد قاللها: كاش نهار عرفيني بيه
قاتلو: ان شاء الله( اول مرة متقولش نشله بربي😂)
امير تمتم بين شواربو وقال: كي نجي نخطبك ان شاء الله
• مريم لعبتها مسمعتوش وقاتلو : وش قلت قالها قتلك ان شاء الله مريم دارت جيهة التاقة وتبسمت عجبها الحال وقالت في داخلها ان شاء الله❤️
... في جيهة اخرى فؤاد واحلام طريق كامل وهوما يضحكو مبعد سقساتو مريم على علاقاتو السابقة قاتلو: كشما ارتبطت بكري قالها مرة وحدة قاتلو: حبيتها؟ قاللها: بزااف كثر ماتتوقعي ( كذب عليها هو جامي ارتبط في حياتو) احلام دارت للجيهة الاخرى بسكو غارت وغاضها لحال وفؤاد حس بيها وتبسم عجبو لحال قاللها: بصح ضك صاي نسيتها لي فات مات تبسمتلو حلومة••• مبعد راحو للبحر وضلو يتمسخرو معا بعضاهم ويلعبو بالماء يبانو ولاد صغار ايه الحب يصغر لعبااد يخليهم يوليو عباااد وحدوخرين ......مبعد جاو فايتين واحدين الذر قاعدين يخزرو في احلام مالا تحضنها فؤاد (كأنو يقوللهم هاذي تاعي وحدي بغيتها ليا وحدي) واحلام عجبها لحال وبادلاتو العناق مبعد راحو قعدو في الرمل شوي هك نطق فؤاد قاللها: بغيت نصارحك بحاجة قاللها : من اول مرة شفتك فيها حبيتك بغيتك ليا وحدي وقبيل كي فاتو لولاد زدت تأكدت قاللها :مانيش باغي جوابك ضك تقدري تخمي براحتك قاللها بصح اعرفي نيتي صافية وناويك للحلال نطقت احلام : قاتلو مام انا نحبك هو تشوكا ملقاش وش يقول مبعد تلاحت فيه احلام عنقاتو مبعد باسها من راسها المهم مبعد راحو تعشاو وروحها للدار
اااا نسيت الابطال تاعنااا اصبرو نتفكر وش صرا معاااهم صاي تفكرت ••
امير راح هو ومريم راحو لحديقة الملاهي 🙂 مريم فرحت بزاااااف بزاااف وامير كي شاف الفرحة على وجها فرح كثر منها المهم ركبو في الشواية وهي خافت وحكمتلو يدو هو فرح وهي حست بالامان كي حكمتلو يدو ..ركبو قداه من لعبة تخوف وكل ماكانت تقيسو كان يحس بشعووور جامي حسو معا طفلة من لي عرفهم في حياتو المهم مطولوش بزااف مبعد راحو لواحد الحديقة فيها غير شجر ونافورة كبيرة كانت خالية غير هوما وزوج اخرين قعدو مبعد امير جبد موس مريم قاتلو: وش وليت مجرم وحاب تقتلني هو تفلق بالضحك حكمها من يدها قالها ارواحي معايا نفس الرعشة دايمن يحسو بيها مبعد راح كتب اسمها واسمو في الشجرة وتحتهم قلب مريم فرحت وتبسمت مالا امير نطق قاللها :•••
Les filles svp les votes et les commentaires la bghitou zaema🙂
