🖤🖤مؤلم، أليس كذلك؟ أن يتم الكذب عليك أن يُقال لك إنك شيئًا ما و من ثم تكتشف أن كل ما قيل لك غير حقيقي 🖤🖤
عدنا من جديد🙂
فاتو ضك 3 اشهر هيا نشوفو التغيرات لي صرات
• امير ومريم كل يوم يزيد حبهم كثر وكثر مريم مطهلية فيه وهو مطهلي فيها❤️🥰 .. في زوج كي يصليو يحمدو ربي ويشكروه لي لاقاهم ببعضاهم❤️
• أما بالنسبة لأشرف وتسنيم فتسنيــم أونسانت في شهرها الثاني( كان اجمل خبر سمعوه)❤️
• أما بالنسبة لفؤاد وأحلام فتفاهمو أنو بعد شهر يروح فؤاد يخطبها من والديها❤️
• أيهم تبدلت معاملتو معا مريم ولا يعاملها كأنو خوها يادرا نساها ولا كاين خطة في راسو؟❤️🙂
• نرميم طلبت السماح من أمير ولاو أصدقاء مقربين يادرا نحاتو من بالها ولا كشما راهي تخطط؟❤️🙂
•• نرجعو ضك لحكايتنا🙂
•أحلام ومريم توحشو بعضاهم بزااف مالا حلومة طلبت من مريم تجي تبات معاها🖤 فبطبيعة الحال مريم طلبت من أمير فوافق لاخاطر مايرفضلها حتى طلب بالرغم من أنو مش حاب يبعد عليها حتى دقيقة ولات كي الاكسجين لي يتنفسو🥰
• في جيهة مريم وأحلام ليلة كامل وهي تقصر مع حلومة وفرحانين😍
• في جيهة اخرى نرمين راحت لدار أمير وهي تبكي
أمير: وشبيك تبكي وش صرالك
نرمين: قوات في البكية كثر و كثر
أمير: ادخلي ادخلي للدار نحكيو فيها
• نرمين دخلت للدار ومحبستش بكا
أمير: ضك ندير قهوة ونجي
نرمين بقا تجي وكي جا أمير وجاب لقهوة ....
قاتلو : أمير معليش تجيبلي الماء؟
قالها : باينة هاذي ( امير حط القهوة فوق الطابلة وراح)
•مبعد راحت دارتلو مخدر تاع رقاد في القهوة شوي هك جا أمير قعدو و بدات تحكيلو : حبيتو ودرتو كلش في حياتي علاش خاني علاش مبعد بقات تندب عليه وهو اكيد شرب القهوة بش ميرقدش •مبعد كي شافاتو نرمين بدا ينعس
نرمين: اسمحلي عييتك معايا انا نروح لداري خير
امير: لا لا اقعدي باتي هنا وين تروحي في هذا الوقت
نرمين: اوكي امير ربي يخليك
امير: تبعيني نديك لبيت الضياف ❤️مبعد كي وصلها راح لبيتو معا حط راسو في السرير رقد
• مبعد شوي هك جات نرمينن دخلت لبيتو هزت تيليفونو و bien sur تعرف لكود تاعو قداه من مرة شافاتو حتان حفضاتو
• المهم في جيهة اخرى أيهم عرض أشرف بش يتعشاو في برة ومبعظ كي ناض أشرف يغسل هز أيهم تيليفونو ودارو في جيبو وأشرف نسا طول تيليفونو مبعد كي كملو عشا كل واحد راح لدارو
• ضك تبدا الخطة تاع ايهم ونرمين(ايهم ونرمين تفاهمو بش يفرقو مريم وامير)
المهم بداو يهدرو معا بعضاهم بتيليفونات أمير وأشرف دارو conversation هكا
أ•شرف :وش معا مريم؟
•أمير : أسكت عليا برك بالسيف باه راني حاملها
أشرف : وكتاه معول تطلقها وتديلها صواردها وطيشها؟
•امير: قريب قريب لازم سع نخليها تحبني مليح هههه ..مسكين فؤاد تعبتو معايا يضل يقولي كيفاه نطيحها😂
•أشرف: مالا مبقاش بزااف حقا فكرتني أحلام اقتنعت طلعت مام هي كيفنا مش حاملتها قاتلي غلطت معايا قداه من مرة وبلي راهي تتصرف معاها فوق قلبها
•أمير: هيه علابالي ديجا انا قتلها الليلة قوليلها تجيك بش نفوت الليلة معا نرمين وهي قبلت يا بصح اخويا فوتت واحد الليلة معا نرمين معندي منقلك لازم نزرب نتهنا من مريم هاذي بش نتزوج بنرمين🖤(
(نرمين سقسات أمير ويني مريم قاللها بلي عيطتلها احلام مالا حبت تجبدها في الحكاية)
أشرف: أيا معليش أنا نروح خويا مرة أخرى ان شاء الله🙂
يادرا وش راح يصراا المرة الجاية🙂؟
