بسم الله الرحمن الرحيم.
تصويت فضلًا🌟.
هدير: يا عمرو يا حيوان يا حقير يا متحرش يا قذر
صوت بأعلى صوت عندي.. الحيوان ده بقى قليل الأدب اوي بجد.. ومع العلم.. أنا بصوت بأعلى صوت ليا الساعة أربعة الفجر.. دقيقتين وهكون مطرودة عند عمرو
رامي: إنت يا عم.. لو مش عارف تلم مراتك فـ قولي وأنا هلمهالك.. أنا عايز أتخمد كفاية المصيبة اللي عندي
وده للأسف كان صوت رامي اللي ثانية كمان وهيدخل يموتني.. الواد ده صعبان عليا والله.. يا عيني ملاك حامل تاني و.. و.. أحيه إيه ده! طلعت أجري على الحمام وتقريبًا كدا رجعت كل اللي فـ بطني
السولية: مالك يا حبيبتي في إيه؟
سألني عمرو بلهفته اللي بعشقها.. إبتسمت بسماجة وقولتله
هدير: عمرو يا حبيبي.. إدعي إن اللي فـ بالي ميبقاش صح.. عشان المرة دي أنا هنتحر حرفيًا
عمرو بصلي بصدمة: إن شاء الله مش اللي بفكر فيه.. صح!
هدير: لا هو يا بيبي.. بس متخافش ده مجرد شك مش أكتر
عمرو: بلا شك بلا مش شك.. هدير إنتِ مستحيل تكوني حامل تاني.. مستحيل
هدير: وايه اللي خلاه مستحيل يا شارلوك هولمز؟ 😒
عمرو: ببساطة عشان أنا مش بخلف
ويت ويت ويت.. هو الحيوان ده قال ايه! مبيخلفش! متخلف عقليًا فعلًا.. أنا محستش بنفسي غير وأنا ماسكة في رقبة عمرو وبحاول اخنقه.. وصالح عمال يحاول يبعدني عنه
هدير وهي ماسكة رقبة عمرو: سيبني أقتله يا صالح.. سيبني بدل ما أنا اللي اولعلكم في نفسي وارتاح
صالح وهو بيحاول يبعدها عن الغلبان ده: إهدي بس يا حبيبتي.. هتودي نفسك في داهية
إسراء وهي بتشد صالح من هدومه وبتقول بزعيق: ناعم يا عُمر! حبيبتك مين دي إن شاء الله! حبك برص.. حبتك عقربة وخلصتني منك يا بعيد
عمرو وهو بيطلع في الروح خلاص: وهو ده وقته يا بنت الحيوانة! سيبي جوزك يبعدها عني
رامي وهو بيقول بدرامة: اول مرة أشوف واحد بيحب يطلعله قرون أقسم بالله.. عايز يخلي صاحبه يشيل مراته.. ونعمة الاخلاق يا أبو سارة
سارة بنبرة حادة: إنتِ يا بت.. شيلي إيدك من على رقبة بابي.. لو إنتِ موتيه مين هيدفع إشتراك النادي.. إنتِ مثلًا! ده إنتِ بخيلة ومعفنة
