Sa bawat patak ng luha,
puso ko'y nagwawala
Hindi malaman ang gagawin,
gulong-gulo ang damdamin.
Nang ika'y makilala,
labis akong natuwa
Puso'y binigyang pag-asa,
na sa wakas ay may iibig na.
Mga ngiti mong nakakahalina,
Ang sa aki'y nagpapaligaya,
Sa iyong bawat halakhak
Damdamin ko'y galak na galak.
Sa kaunting oras ng pagsasama,
Ika'y lubos na nakilala.
Sa bawat oras na pinagsaluhan,
Ako'y nahulog ng tuluyan.
Ngunit may mga bagay na sadyang di mapipigilan
Panahong pinagsamahan, mga ala-alang maiiwan.
Sa iyong paglisan, damdamin ay luhaan
Pilit umaasang ako'y iyong babalikan.
