السلام عليكم حبايبي.طبعن جدا جدااسفه لان توقفت
بنشر القصه لان صارت وياي ضروف وماكدرت اكمل
بس انشالله اكمله الكم
بس الاريده منكم انو تتفاعلون يعني انه انشر وماكو تفاعل بس مشاهده يعني والله حته متسوولي واهس بالنشر كلش
ادري بيكم تقصرون حتتفاعلون انشالله يارب 😍
يالله اخليكم وي احداث القصه بس قبل لانبدي عندي كلام وياكم يلي تكول انو حياته مابيه ضحك خلي اوضحه الكم وانو غرام اولن ماخذت عن حب بعدين حبت وره الزواج .
ومثل ماشفتوه اول مدخلت بدت عليه البيت كوله يادوب تلحك تجهز لزوجه
وثانين القصور مني انه بان جنت ماجاهزه لنشر بس نشرت وقصرت وياكم وقصرت بحق القصه بس انشالله اكملهالكم
وحكمو عليه بعدين ❤
يالله نبدي بقصتنه 🌷☺️
،،،،،،،،،،،،،،،،،،،،،،،،،،،،،،
البارت الحادي عشر من قصه
طلاق رغم النفاق 💮
الكاتبه 👑توته الوائلي👑
،،،،،،،،،،،،،،،،،،،،،،،،،،،،،،
عباس 💖
مرت اربع ايام و غرام مويمي حسيت بنقص بدونه الصراحه جنت كليوم اخابره وامر عليه مرات لان عيب من اهله اروح اله انطيه مصرف واشوف ابني وارجع
مشت الايام وصارعلا غرام 15 يوم وغرام مويمي احس نفسي ضايع والله فاقد ضحكته بالغرفه عطره عناده كلشي بيه
خلصت شغلي والحر صامطني صمط رحت بوجهي لبيت اهل غرام دكيت الباب طلعلي اخوه علي سلمت علي ودخلني للديوانيه مالتهم راح جابلي ماي
علي: هلا بأبو مصطفى شخبارك مشتاقين ياغالي
عباس: هلا بيك ابو حسون .تسلم ياخوي
علي: شلونه الشغل بهل حر هاذ
عباس: والله تعب يخوي بس شنسوي هيه هاي الدنيه تعب بتعب
علي: اي والله تعب الله يساعدك خويه
عباس: تسلم ياغالي
علي: خلي اصيحلك غرومه من رخصتك 😇
عباس: مرخوص خويه
راح علي يصيح غرام وانه احس عيوني حتنط من التعب وحراره تطلع منهن والديوانيه بارده مددت روحي وخليت ايدي علا عيوني وانه اتاني غرامي
غرام🌹
ضليت عند اهلي مرتاحه كلش وعباس مامقصر عليه وعلا ابنه الحمدلله ويجيني كل ثلاث ايام واخر مره علا جيته اربع تيام مشايفته ومشتاقتله كلش بس هوه متاركني هم يخابرني
خامس يوم علا اخر مره من اجاني جنت بالحمام الضهر اسبح وطلعت لكيت امي مسبحه صوفي ومجهزته مشطت شعري وخليت معطرات وحطيت كحله وحمره لان مالي واهس ابد
أنت تقرأ
طلاق رغم النفاق (تكمله)
Adventureهلو حبايبي راح اكمل هاي القصه من هل حساب اتمنه تشوفون وتقرون القصه حبابين دعموني علمود اكمل طبعن اله جزء الاول بحسابي القديم موجود بالبارت الاول مشهد بسيط جدا 💫 غرام: أي عباس: وجعي و وضلينه هناك غرام: وكثرتو وماكدرت تجي موو عباس: تأدبي لا اك...
