طلاق رغم النفاق (تكمله)

البارت💫١٣💫

السلام عليكم ورحمة الله وبركاته
شلونكم شخباركم حبايب گلبي

لاتهتمون للحبشكلات الفوك ههههه 😂هاي تشجيع علمود اكتب
يالله خلي نبدي بالبارت 😍💗

الحياه💫🍂 ليست طويله 💙
حتى نجرب كل شيء
ولاقصيره 🌿حتى نتذكر كل شيء☘💜

ولكنها جميله😍💗 إذا عرفنا انها لاتسوي شي😌😞

................................

البارت الثالث عشر
من قصه.
طلاق رغم النفاق
الكاتبه: 👑توته الوائلي👑

..............................

عباس💗

كعدنه ثاني يوم انه طلعت لصاحبي علمود اشوف شصار علا المعامله  وغرام نزلت جوه تتريك انه رحت شفت الاسماء طالعه الحمدلله طبعن انه مقدم من زمان بس

ماكلت لغرام لان ادري بيه شلون متحسسه من هلموضوع  فماكتله احسن  رجعت للبيت فرحان  اول مادخلت رحت للمطبخ لكيت غرام شايله صوفي وتفتر  بحركه سريعه شلته هيه وصوفي وافر بيه 😂

غرام: كعدت الصبح سبحت ونزلت انه وصوفي شويه ونزل عباس مبدل  باسني بكصتي وراح حته ماكالي وين

اذن اذان الضهر  انه جنت بالمطبخ اطبخ عده حته ماكالن عده طفل يبجي شي وحار علي والله شايلته ويبجي وساعه ابطخ وساعه اسكت بي وهنه يجن ولوجنهن انه مو جوده

كاعد افتر بالمطبخ واجهه عباس طاير شالني وضل يفر بيه المصيبه صوفي بيدي

غرام بشهكه: لاعباس صوفي عباس نزلني

نزلني  واخذ صوفي بيده يبوس بيه كلت يااء هاذ شبي   كالي وهوه يضحك

عباس: باركيلي طلع اسمي ولج طلع اسمي

والله احس شي صار بذني تشويش من يلي كاله بس ماحجيت شي ماردت اخرب فرحته عيوني ملت دموع منكوه مصيطره علا  نفسي

غرام بتسمت وكتله: مبروك حبيبي

شافني هيج سكت  وكال خلصتي

غرام؛ اي اصبلك غده

عباس:  ماريد  ماطول خلصتي يالله صعدي كدامي

خليت البيدي ورحت لعبير كتله كملت بس صبي ماحجت شي هيه بس هايي زينه بيهن  صعدت انه وراي عباس شايل صوفي ويبوسه
دخلت للغرفه  رحت طلعتلي تراك  ازرك ورحت للحمام سبحت جنت مخنوكه بس دخلت عيوني كامت تصب طلعت  اباوع لوجهي بالمرايه خشمي وعيوني حمر 

دخلت للغرفه لكيته مخلي صوفي بحضنه ونايم شاله وخلاه بفراشه اجهه ليمي   باوعلي وحسيته يصيبر على نفسه   فتحلي اديه رحت ارتميت بحضنه  كال

عباس: رفعي راسج خلي اشوف

غرام رفعت راسي بمجرد باوعت لعيونه بجيت من شافني ابجي  عقد حواجبه سحبني وكعدني بحضنه علا الجربايه