طلاق رغم النفاق (تكمله)

البارت💫١٩💫

هلو حبايب قلبي شلونكم شخباركم

بنات شسالفه والله جاي اتعب بالكتابه والنشر ليش هلتفاع حشاكم زفت والله محروك كلبي جاي انشر

وماكو تفاعل ماريد.اطش علكولت بعض الناس بس بتعليقاتكم الحلوه والله يجيني تفأل كلش

حلو واهس للكتابه يعني هسه والله كلش ضايجه ليش هيج؟؟😔😔

مـــــــــدري انـــــــه ضـــــــــــيعــــــــــت الوكـــــــت😟💋

مــــــــدري الوكــــــــت ضيــــــــعـــــــــــــــــني 😳💟

مـــــــارايــــــــد يـــــــطيـــــــــب الوجـــــــع✋😿

ردت اعـــــــــرف شيوجــــــعني💔✊

..................................

البارت التاسع عشر
من قصه
طلاق رغم النفاق

الكاتبه: 👑توته الوائلي 👑

..............................

غرام: منو كالج

افراح: كتلج سمعت من انتصار

سديته منه وانه مصدومه من يلي سمعته كمت ابجي اجت امي شافتني كالت شبيج حجيتله كولشي كمت اتوسل بيه حته تروح لبيت جيرانه وتفهم صدك هلخبر لو لا ماقبلت كالت.عيب مناسبتيش اروح وسأل عنهم من شافتني كلش نتهيت من البجي

كالتلي

امي: ولج عيب عليج والله اخوج لو يدري بيج جان علكج بالمروحه كافي بجي

غرام: يمه ماكدر والله احبه

امي: حرام تفكرين بي كافي شوفي حياتج شستفاديتي منهم هاا بس الاذيه وكافي باجر عود اسأل

سكتت كمت دخلت سبحت وطلعت راسي يوجعني كلش رحت كبل نمت كعدت بليل تقريبن ب١٢ كمت سويتلي لفه كمت وغسلت رجعت للغرفه كمت اكلب بالموبايل صارت و١٢ ونص رحت لرقم عباس خابرته ضل يدك فتح كال

عباس: الووو الوووو

عباس: غرام

سمعت اسمي كلبي كام يدك حيل رأستن سديته منه منه كمت ابجي يعني ماناسيني اذن شلون راح يزوج ويخليني

وانه منو اليجي يتقدملي ارفضه اكول ماكدر اخون عباس ولا اكدر اتقبل احد غير عباس

كام يدك جهازي شفته رقم عباس سويتله حضر ونمت ثاني يوم امي راحت لجيرانه رجعت كتله

غرام: ها يمه شكالتلج

امي: مالكيته كالت بته راحت للعرس

غرام: اي عرس

امي: شبيج عرس بيت حاتم بس منو ماعرفته