هلو حبايبي شلونكم طبعن اشكركم عله دعائكم الي فدوه رحتلكم
وشكر خواتي هم والله اكثر من خواتي عله حجيكم الحلو شكرا الكم
😊😘
طبعن راح اكتب الكم عله قدر المستطاع وابذل جهودي الكم ونشالله يعجبكم😳😍
يالله بنات تعليقاتكم ترسوه بين الفقرات اريده تملوهن وتفرحوني 😘
.............................
البارت العاشر
من قصه
طلاق رغم النفاق
الكاتبه👑تقوى الوائلي 👑
...............ّ......
غرام💞
طبعن مشت ايامنه اني وعباس الحمد لله زين وياي مرات يجي يشرب تصير مشكله بس تنحل اما عمتي بيداء مطيحه حضي بالشغل وشلعان الكلب والقران بطني واصله لخشمي مايتعبن رواحتهن ويجن وياي
اما عادتهن هاي يلي لمن يجون الولد يجن ويضلن يحجن تعبنه والشغل كله علينه دامن يسون هيج وانه ماحجي اوكول عيب من الولد مره شكبره تجذب
وصار عله حملي سبع اشهر الحمل شالع كلبي كلش لان بسرعه اتعب اما عباس ماهاملته ابدا بالعكس مداريته ومامخليته بنقص شكلي ضعف بس بطني مبينه.
اما كليتي فتحت الموضوع وي عباس وماقبل وضل يومين مايحاجيني بس بعدين لا اني سكتت ومافتحت الموضوع لان ادري مايقبل
وامي ماخلت شي ماشترته للطفل هيه جهزته وعباس هم رحت حللت طل بيه ولد كلش فرحت الحمد لله
بيوم من الايام جاي اسوي غده وخلصت ومسحت الارضيه مال مطبخ خلصت اجو حمويني الصغار تقاوي وزيوني كلش وكحين جانو بالمدرسه. واحذيتهم وصخ دحلو للمطبخ يتراكضون
غرام: لااا هاي ليش هيج امشو طلعو بره
عله صوتي طلع عمي صاح عليهم وطلعهم
واني رحت من جديد ذبيت ماي وزاهي ورحت جبت الماسحه وامسح عله كيف اجت تقاوي وهيه تصيح
تقى: غرام بسرعه وصله انجفه العصير بسرررعه
خبصتني ذبيت الماسحه ورحت بسرعه اخذت الوصله وماحس اله زحلكت بالمي صارت وكعتي عله ايدي وضهري صحت صيحه من الالم رج البيت رج دخت كلش من الوجع اجو كلهم عله صياحي اخر شي سمعته
عبير: ماما شوفي تنزف
بيداء: صخام راح تسقط ابو عباس الحك
غوشت عيوني ورحت استنقض الضلام يلي يخلصني من والوجع
كعدت عله اصوت حوالي فتحت عيوني شفت امي اجت عليه وهيه تسألني شبيه بس انه مابيه طاقه احجي
اجت الدكتوره فحصتي وكالت
الدكتوره: ودوه لقسم للمولاده الطفل كلش نازل
غرام: يمه عباس وين
امي: سوده عليه يمه هسه يجي هسه
الدكتوره: يالله عيني ستعجلن تره الطفل يموت
أنت تقرأ
طلاق رغم النفاق (تكمله)
Maceraهلو حبايبي راح اكمل هاي القصه من هل حساب اتمنه تشوفون وتقرون القصه حبابين دعموني علمود اكمل طبعن اله جزء الاول بحسابي القديم موجود بالبارت الاول مشهد بسيط جدا 💫 غرام: أي عباس: وجعي و وضلينه هناك غرام: وكثرتو وماكدرت تجي موو عباس: تأدبي لا اك...
