[Unicode]
Chu jinu ကို အချိန်ပိုင်းအလုပ်အစားထိုးဝင်ဖို့ပြောပြီး စာသင်ပေးရမယ့်အိမ်ကို အိမ်က ဒရိုက်ဘာဦးလေးကြီးလိုက်ပို့လို့ ဒီနေ့ စက်ဘီးတောင်မပါဘူး ..
လူက အရမ်းတွေ တက်ကြွနေခြင်းမရှိ စာသင်ရမှာ မပင်ပန်းပေမယ့် သင်ပေးရမယ့်လူက ဘယ်လိုအနေအထားရှိမလဲ စိတ်ပူမိတယ်..
အချိုးမပြေရင်တော့ အဖေနဲ့ တစ်ပွဲတစ်လမ်းနွှဲရတော့မယ်..
စဉ်းစားနေရင်းနဲ့မှ ဦးလေးကြီးရဲ့ အသံကြောင့် လက်ရှိအချိန်ကိုပြန်ရောက်လာခဲ့တယ်..
"ရောက်ပြီ မမလေး "
"သြော် ဟုတ်ကဲ့ ဦးလေးကြီး "
အိမ်ကတော့ ကြည့်လိုက်တာနဲ့ ချမ်းသာမှန်းသိသာတဲ့ လူချမ်းသာတွေနေလေ့ရှိတယ့် အိမ်ပုံစံ လူခေါ်ဘဲကိုနှိပ်လိုက်တော့ အထဲမှ မေးသံကြားလိုက်ရတယ်..
"ဘယ်သူလဲ မသိဘူး"
"စာသင်ပေးမယ့် ဂိုက်ပါ"
Chu ပြန်ဖြေလိုက်တော့ ခဏလောက်ငြိမ်သက်သွားပြီးတော့ တံခါးကပွင့်သွားခဲ့တယ်..
Chu လည်းအိမ်ထဲဝင်သွားခဲ့တယ် ပတ်ဝန်းကျင်ကတော့ လူချမ်းသာတွေဆိုတဲ့အတိုင်း နေချင်စရာပုံစံပေါ့ ..
chu အိမ်ထဲကိုလည်း ဝင်ရောအသက်၄၀ခန့်ရှိမည်ထင်သည့် တနည်းအားဖြင့် သူဌေးကတော်လိုမျိုး အမျိုးသမီးတစ်ယောက်လာကြိုတယ် ..
"လာ..လာ...သမီးလေးထိုင်ထိုင် "
"အဒေါ်ကြီးရေ အအေးယူခဲ့ပါဦးနော် "
Chu ကိုပြောပြီးတယ်ဆို maidတစ်ယောက်ကို အအေးယူခိုင်းတာကြားတော့ chu လည်းအားနာတာနဲ့..
"ရ..ရပါတယ် အန်တီ သမီးလမ်းမှာသောက်လာတယ် "
"ရပါတယ်သမီးရယ် အန်တီသမီးကို စာသင်ရင် သမီး လည်ချောင်းတွေခြောက်လာလိမ့်မယ် ဟား...ဟား..."
အဲ့ အန်တီကတော့ ရီရီမောမောနဲ့ပြောနေပေမယ့် chu ကတော့ ကြက်သီးထတယ် ဘယ်လိုတောင်ဆိုးလို့ လေကုန်ရတဲ့အထိ ပြောရမလဲပေါ့ chu ကိုပြောပြီးတယ်ဆို သူ့သမီးဆိုသူကို လှမ်းခေါ်နေလေရဲ့ ..
