سأنتظر حبك(مهما تدور السنين انتي لي)

22

وصل حمزه وجوزيف للقصر وكان شايل فرح والجروح بتنزف
سليم برعب:حصلها ايه يا حمزه
حمزه:معرفش يا سليم فجاه وقعت بين ايديا وبقت بالمنظر ده
احمد بيفحصها:الجروح نزفت لازم تتخيط امير هات شنطه الاسعافات بسرعه
امير:ثواني وتكون هنا
ممدوح بيحسس علي شعرها :ايه اللي بيجري معاكي يا بنتي
اسر بيطبطب علي كتف ابوه:ان شاء الله هتكون كويسه اختي قويه يا بابا
احمج بدأ بنضف الجروح وهي فاقده للوعي وضمد الجروح وهي فاقده للوعي سليم ماسك ايديها :مش بتفوق ليه يا احمد
امير:هي نايمه من كتر الوجع هتصحي بس لما ترتاح
سليم:يبقي ترتاح في اوضتها صبا هاتي البنات وتعالي ورايا علشان تغيروا ليها
صبا:حاضر يا سليم اطلع انت واحنا وراك
اشتالها سليم وطلع بيها وكل شويه يبوس جبينها ويحضنها اووي مش عايز يطلعها من حضنه وحطها علي سريرها والبنات طلعوا وغيروا ليها وسليم جمبها :امتي بقي جروحك دي تشفي عارف ان قلبك مليان جروح وعذاب بس اوعدك هعالج كل ده يا حبيبتي وهفضل جمبك طول عمري
وباسها ونزل لعند العيله :هي جروحها دي هتشفي امتي يا احمد
احمد اقلل حاجه شهر بس لازم ترتاح  اسبوع في البيت ويكون الجو مفيد ليها
سليك:يبقي نروح المزرعه ايه رايك يا جدي
محسن:والله فكرا حلوه بكرا بليل نتحرك وتكون فرح بقت كويسه
ليلي :انا هكلم البنات هناك يظبطوا كل حاجه
سالم لحمزه:المهم ايه االي حصل النهارده انا مش فاهم حاجه
حمزه:احنا كمان مكناش فاهمين حاجه خالص
سليم:بس اللي شوفناه ان فرح غيرت صاحب الصفقه وكمان هتخلي ادهم النجار يدفع الشرط الجزائي
حمزه:وكلفتني بالمهمه دي ان هاخد الشرط الجزائي من ابن النجار لا وكمان ايه زودت العمال مكافئه شهرين والمرتبات زادت
سالم:كل لما يزيد عدد الطلبيات فرح بتزودهم
سليم:لسه زي ماهي من وهي صغيره بتوزع شوكلاته بتاعتها علي الكل
محسن بمكر:مش المفروض بقي ندور ليها علي عريس
سليم:عريس ايه ان شاء الله اومال انا بعمل ايه كرسي قدامك يا جدي
محسن:والله اللي قدامي واحد مش بيتحرك فعلا وزي  الكرسي والبت هضيع منك
سليم:لا مش هضيع اطمن مراتي المستقبليه فرح وبلاش سيره العريس ده يا جدي
فارس:طب شد حيلك بقي عايز اجوزك مع اخواتك
سليم:ان شاء الله يا حج
وجه الليل ونزلت فرح ليهم:مساء الخير
الكل :مساء النور
سليم جري عليها ومسك وشها بين ايده:انتي كويسه صح حاجه وجعاكي
فرح:كويسه يا سليم اطمن
سليم بيسندها:تعالي ارتاحي متتعبيش نفسك
فرح مشت معاه وقعدت في حضن ابوها:حبيبت بابا كويسه
فرح:انا بخير والله وبعدين ايه اللي حصل اخر حاجه فكراها ان اغمي عليا
احمد :وجروحك نزفت وكانت حالتك حاله الحمدلله علي اد كدا
فرح:الحمد لله المهم انا جعانه
البنات:واحنا كمان
سليم:بس كدا عايزه تاكلي ايه
فرح:بيتزا بالخضروات ومعاها بيبسي
احمد باعتراض:ممنوع طبعا انتي مجنونه اكلك اكل مسلوق وبس
فرح بضيق طفولي:والله حررام كدا
سليم غمز ليها وقالها اسكتي :خلاص يا فرح  اسمعي كلام احمد احنا خايفين علي صحتك
فرح:طيب انا هطلع انام
امير :والاكل
فرح:اتسدت نفسي وبصت لاحمد بحزن وطلعت
ممدوح لاحمد:ينفع كدا وفيها ايه لما تاكل يعني
احمد: انا خايف عليها تعدي يومين بس وبعدين تاكل اللي هي عايزاه
ممدوح:طب اطلع رضيها
احمد:طيب بس عندي اتصال هعمله واطلع ليها وخرج طلب بيتزا باللحمه والخضروات وبيبسي وكاتشب وهمبرجر وكل حاجه في نفس الوقت كان سليم بيطلب نفس الطلبات
فوق عند فرح قاعده وجعانه بس زعلانه من اخوها حزن طفولي فجاه لقت الباب بيتفتح وداخل سليم وبيبتسم ليها
سليم قعد جمبها علي السرير: اميرتي متزعلش تعالي جبت اللي نفسك فيه
فرح ابتسمت:علشان كدا كنت بتغمز ليا
سليم :ايوا يا ستي يلا تعالي نقعد علي الارض هنا جمب سريرك وناكل جايب اكل كتير وبيبسي بس جايب عصير
فرح:انت جايب عصير ليه
سليم:علشان انتي مش هتشربي بيبسي هتشربي عصير فرش
فرح باعتراض طفولي:لا هشرب بيبسي
سليم بنفي:بطلي عناد بقي ممنوع بيبسي هتشربي عصير والا اشيل الأكل
فرح:خلاص خلاص هشرب عصير بس هات بيتزا
سليم بيفتح علبه البيتزا :اتفضلي يا اميرتي
فرح :ليه بتقولي اميرتي
سليم:لانك اميره قلبي يا فرح قريب اوي هتفهمي كل حاجه تمام يا حبيبتي
فرح بتبص في عيونه: هو اللي انا شيفاه في عيونك ده بجد مش كدب
سليم: انتي شايفه ايه يا فرح
فرح سكتت ولسه بتطلع في عيونه :ساكته ليه يا فرح قولي شايفه ايه
فرح لفت وشها الناحيه التانيه وقالت بتهرب:خلينا ناكل علشان جعانه
سليم بايده ورجع وشها وكانت شفايفه قريبه من شفايفها :شايفه ايه في عيوني
فرح بتوهان:شايفه حب ليا يبقولوا ان العيون مش بتكدب شايفه حاجات كتير اوووي في عيونك
سليم بابتشامه عاشقه: واللي شيفاه كله صح انا بحبك انتي وبس وقرب منها شفايفه لامست شفايفها واخدها في قبله عميقه فيها كل المشاعر اللي فرح شافتها في عيونه حس بفرح بتبادله مسك خصرها وقربها اكتر وتاهوا مع بعض في دنيا مفيهاش اي حاجه غير الحب والعشق وبس فيها قلوب بتنادي علي بعض في دنيا بعيده عن الحقد وكل شيئ شر محسوش بالدنيا غير لما نفسهم اتقطع فصلوا القبله وبصوا في عيون بعض وكان صدرهم بيطلع وبينزل تنفسهم سريع بيدل علي انهم كانوا بيجروا لاميال فجاه اتفتح الباب وفاقوا علي دخول احمد والشباب والبنات بعدوا عن بعض
احمد بيمسح علس شعر فرح:شوفي انا جبت ليكي ايه
فرح بزعل منه :مش عايزه انت منعتني من الاكل بتعمل زي ما كنا صغيرين
اسر بمرح:بس سليم زي كل مره جاب ليكي اللي عايزاه
سليم : هو انا عندي كام فرح في الدنيا لو طلبت القمر هجيبه ليها
سها :ايه الرومانسيه دي ياريت الناس تتعلم
اسر: يعني انا مش رومانسي
سها:انا مقولتش انت اللي قولت
اسر:حسابنا بعدين يا زوجتي المصون
احمد لفرح:خلاص متزعليش مني بس انا خايف عليكي انتي لسه طالعه من المستشفي والأكل ده خطر عليكي بس شوفي انا جبت ليكي ايه بيتزا وهمبرجر بس في عصير
فرح :ههههههههههه سليم بردك جابلي عصير انت عصيرك ايه
احمد:مانجه
فرح:بس سليم عرف انا بحب ايه
احمد :لسه عصيره ايه
فرح :فراوله
سليم :طول عمرك بتحبيها وكنتي بتتخانقي مع صبا وسها علي الفراوله
صبا:اه يخويا وكنت بتاخد ليها لوحدها طبق مش بتعبر اخواتك
سليم :ما زياد كان بيجبلك بردك
زياد:يلههههوي دا مكنتش بتسكت وهي صغيره وكل ده علشان الفراوله والمانجا
امير:مافيش احلي من حبيبتي كانت هاديه وهي صغيره صحيح كانت بتدوشني برسمها ولازم تيجي ترسم في اوضتي وتبهدلها بس كان علي قلبي زي العسل
رنا:ما انت كنت بتساعدني في الالوان فاكر لما رسمت علي وشك وانت نايم و كنت هتضربني بس جدو هو اللي لحقني منك
امير :ياااااه كنت متغاظ منك لو كنت مسكتك ساعتها كنت موتك
حازم: اه وجدك كان هيضربك بس لما شاف وشك محدش قدر يبطل ضحك
فريده :هو انت احسن منه منا ولعت في رجلك وانت نايم
حازم:انتي بتفكريني ليه الوقتي يعني كنت ناسي
فريده:ولا تقدر تعمل حاجه جدو يقف ليك
سليم :كانت ايام حلوه اووووي خلينا ناكل قبل ما الاكل يبرد
فرح بتسمع ليهم عن ذكرياتهم وهي بتبتسم ايتسامه خفيفه بس من جواها حزينه لانها معشتش طفوله زي اللي عشوها
:يا تري لو كنت عايشه هنا ايام طفولتي كنت عملت ذكريات كدا ااااه تعبت
بدأت تاكل وهما ياكلوا بيضحكوا في واحد ملاحظ ب
وعارف اللي بتمر بيه بس مش عارف يعمل ايه
********
تحت عند بقيت العيله
محسن :هما الولاد فين
فارس :مش عارفين بس سامعين صوت ضحك من اوضته فرح سالم :بيعملوا ايه دولت
محسن:اكيد مصيبه من مصايبهم
محمد :ما تيجوا نشوف بيعملوا ايه
محمود:ايوا والله تعالوا
ليان :ماتسيبوا الولاد
محمود :احنا بس هنشوف مش اكتر مافيش ازعاج
سعاد :طول عمركم بتتصنتوا عليهم
فارس: بيعملوا مصايب حضرتهم ممكن يولعوا في البيت هما كبروا اه بس عقلهم لسه صغير
محسن:مهما طالعين  ليكوا فين وفين لما عقلتوا
محمد بضحك:كنا عيال يا بابا خلاص بقي
محمود:طب يلا صوت الضحك علي اووي
طلعوا يشوفوا لقوا المنظر ده كل شاب اخد مراته جمبه وقاعدين علي الارض وفي النص في بيتزا واكل وبيبسي وكل حاجه غير صحيه وبتكلموا وبيضحكوا كان منظرهم حلو اوووي
وفرح قاعده بين سلسم واحمد وكل واحد فيهم بيأكلوها ابتسموا وكل واحد اخد مراته وراح اوضته
******
في الاوضه فرح قامت فجاه وراحت قدام المرايه واخدت الدوا ورجعت تاني
حمزه:دوا المعده صح
فرح اومأت بالايجاب وكملوا اكل ولسه بيضحكوا فرح:انا شبعت الحمدلله
احمد :انتي مأكلتيش حاجه
فرح:شبعت والله كمان شويه اكل
سليم:طيب اشربي العصير يا قلبي يلا
فرح بخجل من الكلمه :لا مليش نفس للعصير بجد شويه كدا ابقي اشرب واكمل اكل
اسر:احمد سيب فرح برحتها لما تجوع تاني تاكل ماشي يا قلب اخوكي
فرح:تمام يا اسر
وفضلت قاعده جمبهم وخلصوا اكل
اسر:تيجوا ننزل الجنينه ونشغل فيلم ونسهر الشهر ده اجازه من كل حاجه ايه رايكم
سها :والله فكرا حلوه ونعمل فشار ونسهر
سليم:قبل كل ده احنا مسافرين بكرا العصر كدا المزرعه هنقعد هناك اسبوع او عشر ايام جهزوا نفسكم
فرح:مزرعه ايه دي
سليم : انتي مش فكراها ازاي دي فيها حصانك مهره
فرح:هي لسه موجوده
سليم :ايوا وكمان دي كانت متعلقه بيكي اووي بكرا تشوفيها هتلاقيها بتجري عليكي لوحدها
فرح ابتسمت
صبا :هاااا نجهز السهره ولا لاء
سليم :جهزوها خلينا نقعد مع بعض
حازم :من ساعه ما فرح جت واحنا بقينا بنجمع فين وفين لما كنا بنجمع
وكلهم نزلوا وفرح كانت بتحاول تساعدهم بس هما رفضوا علشان تعبانه وجهزوا السهره وكانوا كالاتي:
اسر حاضن سها واخدها في حضنه وجمبهم فريده سانده راسها علي كتف حازم وحازم ايده علي خصرها
قدامهم احمد حاطط ايده علي كتف هدي وجمبهم زياد نايم علي رجلين صبا
حمزه حاضن فريده وفريده سانده دماغها علي صدره وشابكين ايديهم مع بعض
جوزيف وجسيكا نفس حمزه وفريده وحولين الولاد
بالنسبه لفرح وسليم قاعدين سليم كان ورا فرح قاعد بالعرض وفرح قدامه كأنه بيسندها من ضهرها وبيتفرجوا علي مسرحيات (مسرح مصر) كل واحد مندمج مع حبيبته بس سليم مشلش عينه من علي فرح فرح حاسه بكدا والخجل مسيطر عليها لفت وشها ليه فجاه انصدمت من اللي عمله بعتلها بوسه في الهوا كأنه مراهق لسه مش واحد كبير عنده33سنه لفت وشها للشاشه وبتضحك عليه
وبعد وقت كلهم نايمين في الجنينه وكل واحد حاضن حبيبته ونايمين اما بقي فرح فهي نايمه دماغها علي رجل سليم وسليم ناسم وحاطط ايديه في شعر فرح كأنه كان بيلعب فيه ونايمين بيحلموا كل واحد حلم جميل كل واحد حلم خاص بيه وطلع النهار مع اشراقه الشمس الجميله وفتحت عيون الجميع لقوا نفسهم نايمين في الجنينه بس الوحيده اللي مصحتش هي فرح لسه نايمه وعلي شفايفها ابتسامه جميله
****************
نكمل الحلقه الجايه
صوتوا وادعموني
واسفه لو في اخطاء في الكتابه دي اول مره اكتب فيها اتمني بجد تعجبكم روايتي