#ذكريات طفلة

البارات الثاني والعشرون

ذكريات طفلة

الكاتبه : سلار 

حال سامر
بعد بينه مجال انعود مثل اول؟؟
لو كلش حنينك بالگلب وشل!!
بعدني لهسه
اغار
وأختنگ
وأشتاگ
وأكلب بالصور،،  بس ماكو صورة حل!

نبض دكول سامر
ما ريدك بعد لو صرت العيون
قابل انعمي والبس مناظر
وما ريدك بعد لو بيدك الرووح
اموتن راضي وينصبولي چادر
وما ريد العمر لو بسمك يصير
اخلص عمري الك من عين باجر
وبعد ما ريد اسمع كلمة اهواك
ثگيل وما اگلك بيها طاير
بية اجروح منك كلش اهواي
اداوي ابيا كتر ضليت حاير
همزين انتهينا وخلص الشوگ
وهمزين الجرح سواني شاعر

وتين دكول نبض
اباوع بعيونها وابجي
شكول شحجي
انه الما صدكت بيج
ياتوؤمي وروحي ونصفي
انا الما سندتج بس معذورة
خوفي عل امي المكسورة
ودربيج السبعه المايهزها الريح
واذا تقبلين اعتذاري حيل مشكورة

~~~~~~~~~~~~~~~~~
سامر : ي تخبلت تخبلت بيج انجنيت بيج

نبض : شبيك انت شدتحجي سامر

سامر : ي نبض اني مخبل بيج كافي تعبت ضام عليج تقربت عليه نبض اني احبج مو حب اخوه لا احبج لج نجنيت بيج نبض

نبض : ضليت صافنه هذا شديحجي تقرب عليه اني صافنه

سامر : نبض احجي لج والله احبج

نبض : وخر عني

سامر : نبض لتعوفيني افهمي اني احبج

نبض : ضربته راشدي لك اني صديقتك مثل اختك معتبرك اخ الي دكولي احبج سامر اصحه اكيد دتشاقه اعرفك انت مو هيج

سامر : لا نبض احبج اومن زمان من اول مرجعت من الموصل اني احبج مردت اكلج لان انتي حسبتني مثل اخوج بس تعبت والله تعبت اشوف الكل يحجي وياج ويتغزلون بيج كدامي

نبض : سامر انت صدك تحجي لك معتبرتك اخ وسند اليه هسه جاي دكولي هيج يعني كل هل سنين اني مخدوعه بيك والله وكفو منك ضلعي

سامر : اصير الج كلشي بس لتعوفيني

نبض : درت ضهر ورحت

سامر : راحت لزمت تعالي وين رايحه لتعوفيني

نبض : وخر ديربالك تلزمني بعد لاعرفك ولا تعرفني وخر عني

سامر : نبض افهمي فدوه ولج احبج وشتردين اصير الج اني سندج

نبض : وخر عني سامر وبعد عن طريقي معدت صديقي وبعد ماعرفك ولا تعرفني

سامر : نبض

نبض : قطعته اشش اسكت ماريد اسمع من عندك كولشي كافي هاهيه انتهى كولشي بينه بقت عليك ياسامر كل فتره يطعني واحد بقيت بس انت وهسه خنتني وخنت ثقه البينه معتبرتك اخ الي طلعت حالك حال حيدر