#ذكريات طفلة

البارت الثامن عشر

ذكريات طفلة

الكاتبه : سلار

سامر يكول نبض
يؤسفني أنكِ لا تستطيعين أن تشاهدي
إلتماع عينيكِ حين تضحكين إنهُ مشهد عظيم ! ♥️👌

لسان حال نبض
ماعندي حمل يطشر بريح
اجودر وين ما ذبتني دنياي
يم الناس اضحك ضحك خالين
بس وحدي من ادمع انكلب ناي
تعبني الوكت كد مانه تعبته
وعطش للنوم جفني وفوطرت شفته
شوكت ارجع لروحي واجمع اللي راح
بس بيش اجمع البريح طشرته
مفتاح السوالف بلكلب مدفون
وبشفافي قفل علمني على السكته
تبعتك ياكلب عالمامش اعمي العين
والمامش ولك ياجدم واصلته
كلي شحصلت من صاحبيت الغيم
مدري بيا جزيره العمر ضيعته

~~~~~~~~~~~~~~~~~
سامر : شنو ياصديقتي مامشتاقتلي

نبض : يي هذا سامر هذا صوته ركضت كبل حضنته سامر متدري شكد خفت عليك وين عفتني ورحت

سامر : اش اش ليش هيج خايفه هياتني كدامج عيب ديباوعون علينه امشي بغير مكان نحجي

نبض : حسيت ع نفسي عزاا اني بلمعسكر اشلون هيج سويت اني رحنه كعدن مكان وحدنه ( تعال مشتاقتلك كومه احجيلي صار وياك

سامر : لج ضلعتي والله اني هم كومه مشتاقلج متعرفين شكد مشتاقلج

نبض : اني هم ضلعي عفتوني وحدي هناا

سامر : عفناج منو العافج

نبض : غلس انت شلونك شخبارك
سامر : الحمدالله هناك شفنه ضيم والحمدالله طلعنه من عده

نبض : الحمدالله اهم شي رجعت سالم غانم ومابيك شي

سامر : متوقعت لهفتج اليه وهيج مشتاقتلي

نبض : ليش ياخرا متعرف شكد دورت عليك كل ماروح لدوام ادور عليك وع فرقه الي انت بيه

سامر : فديتج ضلعتي

نبض : رحت الاهلك

سامر : لا وين مصارنه كم ساعه من جينه

نبض : دمشي روح امك مريضه وحالته حاله من وراك امشي انزل وروح الاهلك من انزل من دوام اجيك كبل

سامر : رايح انتبهي ع نفسج ضلعتي

نبض : ماشي راح والفرحه متنوصف عندي امشي واضحك جني وحده مخبله حته جنود انتبهو عليهه الحمدلله والشكر ياربي رجعتلي واحد الحمدالله ضليت اتحمد ربي وجان يجي لليل وينفتحن الجروح ماعرف ليش بليل شكو جرح بينه ينفتح ونذكره راحت الفرحه ورجعت ع صور وع ملابس حرب ابجي وشرب جكاير اتصل جهازي باوعت سامر كبل مسحت دموعي اخذت هواا وفتحت خط

سامر : هاا ضلعتي

نبض : هلا والله هسه ردتلنه الروح

سامر : هههه شنو هاي ولج

نبض : شنو المهم شنو اخبارك رحت الاهلك

سامر : ي رحت وتعالي شوفي حفله وذبحو طلي عبالك راح ازوج