سحرت قلبي

البارت الرابع عشر من روايه( سحرت قلبي)

😍سحرت قلبي😍
بقلم ,: أسماء عبدالله
الفصل الرابع عشر...♥

*****************)
في صباح يوم جديد
في المستشفى في اوضه ملك قام فهد من النوم لقي نفسه نايم وحاضن ايد ملك ابتسم لما لقي الحجاب وقع وشعرها مفرود مسك خصله من شعرها وشمها عشان يحتفظ بريحه شعرها وفضل علي الحال ده شويه وبعدين دخل شعرها ولبسها حجابها كويس ولقاها بتتقلب عشان هتصحي فا حب يستغل الفرصه قام بسرعه قعد جنبها وسند رأسه على كتفها وحاوط وسطها وحط ايديها عليه ومثل النوم ....
ملك بدء تفوق وحده وحده لحد مااستوعبت الوضع ولقته نايم ف حضنها ابتسمت وقالت : يخربيت جمالك وانت نايم بس اي اللي عامله ده بس ...
فهد بينه وبين نفسه : والله انتي اجمل وارق بنت شوفتها
وحاولت ملك تحوش أيده بس معرفتش لانه مسكها جامد اكتر ومره واحده فتح عيونه وقال : صباح الخير ياجميل
ملك شهقت وقالت : اه وقفتلي قلبي
فهد ببتسامه : سلامه قلبك
ملك ابتسمت وقالت : ممكن تبعد عني بقي كفايه
فهد بمكر : لا مش كفايه
ملك خدودها احمرت وقالت : ل ل لو سمحت ابعد
فهد ابتسم بمكر وبعد عنها وقال أنا هقوم الوقتي اشوف حاجه برا واروح اخد شور واجيب فطار واجي نفطر مع بعض
ملك بخجل : ملوش لازوم أنا مش جعانه وافتكرت وقالت : اه صحيح امي فين أنا خايفه عليها اوي دي تعبانه جامد ولسه عارفين من حوالي يومين او تلاته ولازم نظام في علاجها
فهد واتاكد أن الست دي والدتها وقال : طيب أنا هعمل زي ماقلتلك وأما ارجع اللقيكي لبستي الدرل ده وشاور علي كيس فيه درل ...
ملك بستغراب : واشمعنا ماانا لبسه اهو ؟؟
فهد بصوت بيجاهد أنه ميبقاش عالي : وهتخرجي برا كده وكله يشوفك كدا
ملك بعند : واي يعني عادي
فهد : لا مش عادي وكلامي يتسمع هبعت ليكي الممرضه تساعدك وقام خرج برا الاوضه وراح اوضه فوزيه لقاها فاقت وبتبكي فا دخل فهد وقال : صباح الخير .
فوزيه مسحت دموعها وقالت : اتفضل... وسكتت
فهد : بصي ياامي أنا هحكيلك انت جيتي هنا ازاي
فوزيه استغربت من كلمه امي بس سكتت عشان يكمل وفعلا فهد حكالها من اول يوم اخدها فيه من السوبر ماركت لحد النهارده
فوزيه بدموع وقهره : ربنا يحميك لشبابك يابني بس في حاجه نفسي تجبها ليا
فهد بسرعه : قولي اللي عايزاه
فوزيه دموعها نزلت منها وقالتى: بنتي بنتي راحت فين تعرف ترجعها ليا
فهد ابتسم وقال النهارده بنتك وجوزك وابنك هيكونو عندك
فوزيه بصدمه : اي اللي بتقوله ده
فهد : النهارده أن شاء الله هتعرفي كل حاجه بس أنا حاليا تعبان ولازم اخد شور وهجيلك ومش هسيبك خليكي واثقه من كدا ومعتيش تعيطي ماشي
فوزيه اتنهده وقالت : ماشي
ومشي فهد روح الفيلا ......

**************************************
ف فيلا رحاب
الشغاله الجديده : ياهانم البيه خرج باين عليه زعلان وقعد يبرطم ويقول أن دي عيشه زفت الزفت وان دي مش عيشه وكلام كتير .
رحاب مصدومه وبتقول : اي ده دا اول مره يقولي كلمه زي
الشغاله : دا باين عليه أنه متعصب اوي يا هانم
رحاب بدموع : وغلط فيا صح
الشغاله : الصراحه ايوا أنا مكنتش عايزا اقول بس الحقيقه بقي
رحاب : ده عمره معمل كدا معايه اي اللي غيرو
الشغاله : مفيش غير حاجه واحده بس اللي بتغير الراجل كدا
رحاب : اي هي
الشغاله : أن هو يعرف واحده تانيه وعايز يخلص منك يا هانم عشان كدا بيتلصم
رحاب بعصبيه : لا طبعا جوزي ميعملش كدا واتفضلي روحي علي شغلك الشغاله مشت وقعدت رحاب تفكر في كلامها

في فيلا انس
ام انس -: هتيجي امتا ياحبيبي النهارده!؟
انس : مش عارف والله ياامي ف  شغل كتير اوي متراكم علينا هخلص واجي ومشي انس علي الشركه وبعدين وقف العربية ولف راح لفهد .....

ف فيلا فهد وصل فهد ودخل لقي انس قاعد فهد اول لما شافه دخل حضنه جامد وقال : ياصحبي وحشتني اوي
انس بزعل : وحشتك. اللي هو ازاي يعني وانت مفكرتش حتي  تسأل عليا لما اكون تعبان وبتبات برا الفيله ...
فهد بتنهيده : ده موال كبير اوي عايز شرح
انس : احكي
فهد بص ف الساعه وقال:لا مينفعش الوقتي خليها بعدين هحكيلك علي كل حاجه بالتفصيل
وانت اطلع علي الشركه

انس : حاضر ومشي انس وطلع فهد غير هومه وقال لداده وفعلا الداده ادته الاكل ومشي فهد راح المستشفي