😍سحرت قلبي😍
بقلم : اسماء عبدالله
الفصل الثاني عشر
في باريس في غرفه احمد ....
دخلت سمر الاوضه وقالت : احمد ....احمد كان سرحان ومش سامعها
سمر : احمد احماااد ....فاق احمد من شروده وقال : ايوا ياامي تعالي خشي واقفه عندك ليه .راحت سمر وقعدت جنبه ومسكت أيده وقالت : هريحك من كل اللي انت فيه ده وعد مني زي ماحطيتك في اللي انت فيه ده هطلعك والله هطلعك متقلقش ..
احمد بتنهيده : هطلعيني من اي بس ياامي خلاص يامي متحطيش في بالك أنا هغير حياتي تاني
سمر ابتسمت وقالت : والله يااحمد بجد هترجع لطبعتك تاني وزي ماكنت الاول
احمد بجمود : ايوا ياامي
سمر : طيب أنا عندي ليك مفاجاه عملتها وانت في العمليات
احمد بلامبالاه : خير ياامي
سمر : أنا قلت لفهد أن إحنا هننزل مصر بعد شهر
احمد : اه وليه ننزل
سمر بصدمه لأنها توقعت أن احمد هيطير من الفرحه : عشان تدور عليها
احمد عنيه دمعت وقال : وتفتكري هي هتفضل مستنياني
سمر : ايوا ملك بتحبك وهتفضل طول عمرها بتحبك وتستناك
احمد بدموع : ياامي أنا كسرتها وجرحتها وتقوليلى هتستناك
سمر دمعت : انتو كان في بينكو حب كبير اوي عمره ميضيع كدا
احمد بعصبيه : ولما انت عارفه أن اللي بنا كان حب وحب كبير كمان ليه فرقتينا عن بعض ليه انطقي وقوليلي ليه فرقتينا ليه طلعتي أنها بتحب فلوسي مش بتحبني
سمر انهارت تماما وقالت بين صوت شهقاتها : اسفه والله اسفه وهصلح كل حاجه
احمد رجع لورا وقال : خلاص ياامي ولو سمحتي سيبيني لوحدي شويه
سمر : يااحمد اسمعني
احمد : لو سمحتي سيبيني لوحدي .....
طلعت سمر من عند احمد وقفلت الباب وراها واحمد قعد يفتكر ذكرياته مع ملك
فلاش بااااك
احمد : ملك يازفته انتي يابت والله لو مرديتي لهموتك
ملك : ............
احمد بعصبيه : انت نمتي وانت بتكلميني ياملك ماشي والله لما اشوفك بكرا في الكليه لمخلي عيشتك سودا .. وساب الفون مفتوح ومقفلش ونام هو كمان وهو متغاظ منها (رصيد ببلاش بقي دا الواحد لو راح منه دقيقه بيبقي هيعيط عليها😂😂💔)
وتاني يوم قامت ملك من النوم. لقت الفون مفتوح علي المكالمه ومفيش صوت مسكت الفون وفضلت تقول الو الو ومفيش رد وفاجاه لقت السكه اتقفلت في وشها فاحطت الفون وقالت : نهار امي اسود أن شاء الله
ولبست ونزلت.....
ف الجامعه نزلت من التاكسي ودخلت واول مادخلت لقت اللي سحبها جامد وراه وراح في مكان نوعا مامحدش يشوفهم احمد بعصبيه وعيون حمرا : اي ياهانم بتنامي وانتي بتكلميني لدرجه دي أنا مش مهم عندك ملك: .......
احمد بنفاذ صبر : متنطقي يابت ينفع اللي عملتيه امبارح ده بقي أنا كنت بكلم نفسي
ملك بدلع حطت ايديها علي رقبته وقالت : تؤ تؤ مينفعش بس اعمل اي يادبودوبي كل مااسمع صوتك احس اني عايزا انام خالص ..
احمد وبدأ يهدي وقال : ليه أن شاء الله في فصوتي منوم وأنا معرفش
ملك بتلعب فى زراير قميصه وقالت : لا انت ليك سحرك اللي بيسحرني انت روحي اللي سحرت قلبي ياروحي انت
احمد وخلاص نسي كل حاجه وتاه في عيونها وشقاوتها : هاا
ملك بعدت عنه وضحكت وقالت : اظن كدا مش زعلان
احمد بغيظ : بعتي ليه قربي تاني وانت فصيله كدا
ملك بضحك : تؤتؤ وجات تمشي وقفت تاني وقالت : انت مش زعلان صح ......
احمد : بحبك
ملك بابتسامه خجوله : بموت فيك يادوبيدوبي وطلعت تجري من قدامه
باااااك
اتنهد وقال : اه لو ارجع القيكي لسه زي ماسبتك سعتها هعوضك بجد والله هعوضك عن الاول وهعيشك ملكه ياعمري .......
أنت تقرأ
سحرت قلبي
Misterio / Suspensoالجميع يستحق فرصه أخري .. ولكن هناك أوقات تدخل القدر .. يجعل بعض الأشخاص .. لايمتلكون فرصه أخري .. وربما العكس .. ولكن هنا .. قصه غريبه ومثيره وستفحر في عقول من سيقرئها .. وأعتبرو هذا وعد من الكاتبه شخصياً .. #سحرت_قلبي #للكاتبه/_ أسماء عبدالله
