سحرت قلبي

البارت الخامس من روايه (سحرت قلبي)

😍سحرت قلبي😍
بقلم : اسماء عبدالله
الفصل الخامس...♥
متنسوش النهارده الجمعه سوره الكهف ياحلوين..
----

ف البلكونه عند ملك قاعده بتتفرج ع النجوم والقمر وقاعده تفكر حوار بينها وبين نفسها وهي بتقول: اقول لك أن انا هتحرم من الامتحان واني مفصوله ولا اي طب اعمل اي الوقتي طب والفلوس امي هتجبها ازاي طب لو مقلتلهاش أنا هجبهم ازاي أنا يارب أنا مخنوقه وكل الطرق متقفله ودمعه نزلت منها غصب عنها و دمعه جابت دموع كتيره اوي مقدرتش تسكت ولا تبطل عياط فضلت تبكي وتدعي ربنا أنه يسهل الأمر ده عليها وتعدي ع خير وكمان خايفه من الدكتور محمد وتفكيره اللي وصلها الحاله دي وهي متعرفش ممكن يعمل اي تاني عشان يوصل للي هو عايزو . وهي قاعده ع نفس الحاله بس بداءت تهدي شويه والباب خبط وكانت امها قامت ملك مسحت دموعها وفتحت : ادخلي ياماما تعالي حمدلله ع السلامه
فوزيه : الله يسلمك ياحببتي أنا تعبت اوي النهارده ادخلي اعملي انتي العشا وأنا هغير هدومي وهاجي ودخلت فوزيه تغير هدومها ودخلت ملك المطبخ تحضر العشا وخلصت وحطت الاكل واتعشو وفوزيه قالت: أنا هنام ياحببتي أنا تعبانه النهارده مش هعرف أسهر معاكي
ملك : ولايهمك ياماما ادخلي انتي وانا هعين الاكل واقعد ف البلكونه شويه

..........
قاعد فهد سرحان ع السرير وف الجهه الثانيه انس كان قاعد فاتح الواتس وبيكلم المزز 😂 وخلص وبص لفهد لقاه قاعد نفس قعدته وسرحان انس بهزار: اي ياراجل شايل الهم ليه بس اوعي تكون اتجوزت من ورايا
فهد : اشمعنا يعني اتجوزت
انس: اصل الجواز ده بعيد عنك هم هم هم😂😍
فهد بتنهيده: لا متجوزتش منا قاعد جنبك اهو
انس : امال مالك واوعي تقول انك شايل هم المشروع
فهد بحيره: مش عارف بصراحه
انس: يبقي ف حاجه تانيه اخلص قول
فهد : مش قادر اتكلم الوقتي
انس : طيب اتخمد بقي
فهد: انت نسيت نفسك يالا انت ف بيتي
انس: لا ياحلو أنا قاعد ف بيتي بردك وحط رجل ع رجل وهو نايم وزقه وقاله بصوت ناعم كدا : ابعد عني ياحيوان عايز تغتصبني داانا مسكينه
فهد ضحك : طب ابعدي عني يامزه عشان مترودكيش برا
انس : طيب أنا هنام بقي 😂
ونامو..
.....
ف صباح يوم جديد
تستيقظ فوزيه ع صوت هاتفها الصغير وكانت رحاب : الو
فوزيه : صباح الخير يا هانم ف حاجه
رحاب بقرف: ايوا في تعالي النهارده من الساعه ٨ عشان عامله حافله بمناسبه رجوع بنتي من نيويورك ومحتاجه حاجات كتيره من السوق وتنظيف وتنظيم يالا خلصي
فوزيه : حاضر يا ها.. ومخلصتش كلامها وقفلت رحاب ف وشها
وقامت فوزيه راحت تصحي ملك يالا ياملك عشان جامعتك وعشان أنا ماشيه راحه الشغل بدري وسابتها وطلعت تحضر الفطار قامت ملك دخلت الحمام واتوضت وصلت وطلعت لامها وقالت : صباح الخير
فوزيه: صباح النور ياحببتي يالا افطري عشان أنا ماشيه الساعه ٨
ملك : أنا مش هروح النهارده بس انتي هتروحي من بدري ليه ياماما
فوزيه : اصل الست هانم عامله حفله عشان بنتها جات من مش عارفه اسمها اي البلد دي المهم من بلاد برا يعني
ملك : ماشي ياماما أنا هحضر الغدا أنا وبعدين انزل اتمشي شويه
فوزيه : ماشي ياحببتي بس متتاخريش ع البيت
ملك : حاضر وقعدو فطرو فوزيه قامت لبست وراحه ع شغلها