في صباح اليوم التالي
سارة؛ الووو ميرا صباح الخير شكلك لسة صاحية.
ميرا؛ اة والله يا سوسو نمت انبارح نوم عميق كأني ما نمتش بقالي سنة.
واشمعنا يعني انبارح بالذات صحيح فكرتيني عملتي ايه امبارح اما دخلتي لباشمهندس خالد كنتي خارجة بذعابيبك ورحتيلو عشان تقدمي استقالتك وتفاجأت انك روحتي من غير ما تقوليلي.
واتصلت عليكي كتير جدا وما رديتش قلقت وكلمت طنط أميرة قالتلي انك رجعتي اتغديتي ونمتي.
تصدقي لو قولتلك اني نمت من بعد الغدا انبارح لحد دلوقتي
معقولة!!!!!!
اة والله
طب احكيلي ايه اللي حصل عند باشمهندس خالد خلاكي بعديها تنامي النوم دة كله
هقولك يا ستي ما انا عارفاكي زنانة مش هترتاخي الا لما تعرفي.
وبدأت تقص على سارة ما حدث معها بالأمس وفي نهاية الحديث سألتها انتي شايفة ايه اروح الغدا بتاع النهاردة ولا لا.
اكيد طبعا يا ميرا لازم تروحي وتتكلمي معاه وتعرفيه اولا انتي قاعدة في مكان عام ثانيا لازم تتكلمو مع بعض عشان تخطو النقط على الحروف قبل ما يجي لطنط أميرة.
انتي شايفة كدة؟
اة طبعا شايفة كدة.
طب وطنط أميرة هتحكيلها ولا
مش عارفة يا سارة احكيلها قبل ما اروح ولا استنا اما ارجع خايفة اقولها تقولي لا ما تروحيش وخايفة ماروحش يزعل او يفتكر اني رجعت في كلامي
يا سيدي يا سيدي دة احنا شكلنا وقعنا ومحدش سما علينا
انتي بتقولي فيها انا فعلا متلغبطة وحاسة باحاسيس غريبة
ربنا يهنيكي يا حبيبتى المهم هتقولي لطنط أميرة انك رايحة فين وخصوصا ان النهاردة اجازة.
هو شخص واحد اللي بلجأله في المواقف دي
مين؟
هيكون مين غيرك انت يا جميل يا قمر انت هقولها اني خارجة معاكي نعمل شوبينج
يعني لو كلمتني اقولها اننا خرجنا افرضي قالتلي هاتي ميرا
يابنتي هي لو عاوزاني هتتصل بيكي انتي ليه اصلا ماهي هتتصل بيا انا علي طول بصي هي لا هتتصل ولا حاجة انا بس هعرف ها اني خارجة معاكي تمام
تمام يا قمر بس اول ما ترجعي تحكيلي على طول بالتفصيل الممل انتي فاهمة
ماشي ياختي بطلي رغي بقا سبيني اشوف هلبس ايه وانا نازلة
ماشي يا حبيبتي مع السلامه
****************
في منزل خالد
استيقظ من نومه وهو في قمة سعادته وكيف له ان يكون غير سعيد وان اليوم سوف يري من خطفت قلبه من اول نظرة ذهب إلى الحمام واخذ حماما منعشا وخرج ليرتدي ملابسه.
